-0-

عباس وراء المتراسْ

يقظ.. منتبه.. حساسْ

منذ سنين الفتح..

يلمع سيفه

ويلمع شاربه أيضاً

منتظراً.. محتضناً دُفهْ

بلغ السارق ضفه

قلّب عباس القرطاسْ

ضرب الأخماس لأسداسْ

بقيت ضفهْ

لملم عباس ذخيرته والمتراسْ

ومضى يصقل سيفه

عبر اللصُ إليه..

وحل ببيته

أصبح ضيفه

قدم عباس له القهوةْ

ومضى يصقل سيفهْ

صرخت زوجته:

- عباس!

- أبناؤك قتلى.. عباس!

- ضيفك راودني عباس!

- قم أنقذني يا عباس!

عباس وراء المتراسْ

منتبه.. لم يسمع شيئاً

زوجته تغتاب الناس

صرختْ زوجته:
- عباس!

- الضيف سيسرق نعجتنا

عباس اليقظ الحساس

قلّب أوراق القرطاس

ضرب الأخماس لأسداس

أرسل برقية تهديد..

فلمن تصقل سيفك يا عباس

- لوقت الشدة..
اصقل سيفك.. يا عباس!!

أحمد مطر

سيبوني اتوه..وحدي
17-10-2007

الاوله و كان اخوك صابر ولا حوله
التانيه ماقلتش بالنجاح اولي
التالته ادنت او قدمت في محاوله
الرابعه ياخلي شوف الفجر لاح او لا
الخامسه حوله
وكان للزهر ست اوشاش
فؤاد حداد

سيبوني اتوه..وحدي
17-10-2007

أنا وضلّي وشمس ورايا
وبحر فضل لي بعد السفر
وكون بيتفرج عليّ باخد الأنفاس
بعيدة بعيدة يا مركبة وحيدة
قريب قريب يا ضلي الوحيد
هناك حبيبين..
بيتونسوا بسرقة زمن
وهناك زمن..
بيتسلى بسرقة ناس
وكون بيتفرج عليّ باخد الأنفاس
وعمري سايبه في الهوا
ينشف من الميّا
وروحي تنزل الميّا
ولا تتبل
وانا لوحدي
أنا وضلّي وشمس ورايا
وبحر فضل لي بعد السفر

المدينة الصبح بدري

المدينة الصبح بدري
الشوارع لسّة فاتحة
والمدارس لسّة فاتحة
المحلات..
والحواري
والمجاري
بلكوناتها.. بواباتها
والعيون لسّاها فاتحة
في المدينة الصبح بدري

في المدينة الصبح بدري
العجل ساير وداير
والسجاير..
مالية قلب الميكروباص
والكتب فوق رجل فاطمة
والعينين مليانة ناس
والحناجر لسة عتمة
والإيدين..
بتجس نبض الأمنيات
في المدينة الصبح بدري

في المدينة الصبح بدري
تسبق الرجلين طريقها
والشوارع مش ملاحقة
مــش مـوافــقــة..
والطريق مع إنه واضح
هاجس المجهول مقاوح
واللي جاى مع اللي رايح
كـلــه ســايــح..
فى المدينة الصبح بدري

في المدينة الصبح بدري
العصافير من كرمها
لسه بتزقزق وتسرح
رغم دخان المصانع
والعوادم والتراب
رغم تلاجة مشاعر
طالعة من ورا ألف باب
إنهيار ساقع وهادي
لحكايات عمالة تجري
واغتيال الصبح عادي
في المدينة الصبح بدري

عيـّل

عيـِّل..
ماشي و دراعي
فى كـف ابويا
لكن عنيّا فى ألف منظر
مصاحبة كل الفترينات
وودانى بين السماعات
حافظة أغاني الإعلانات
وعارف امتى..
أبدأ أعيط
و امتى أتنطط و اهلل
عيـِّل..

باحب ده علشان باحبه
و مابكرهوش..
حتى و لو كان مش جميل
و لسه وشِّى..
محتاجش لرتوش
و لسة قلبي..
ماحتاجش لبديل
باحلم بنفسي طويل طويل
واما يجيني نعاس باميِّــل
عيـِّل..

بابني البيوت..
من مخدّات الصالون
والعب مع بنت خالي
عروسة و عريس
والعب حرامية و بوليس
كائن ماليش ف العكننة
و ماحبش الأمر الغليظ
و قلبى يبدأ لارتعاش
لما السما تبدأ تليـِّل
عيـِّل..

عمري ما حسيت بالملل
حتى فى أوقات الزعل
حتى ف أوقات الملل
عمري ما حسّيت بالملل
و كل لحظة تعدّي
يتخزِّن شعور..
و كل ريحة و كل صوت
ما رحتش من مناخيري
ريحة البارفانات
ولا راحت من عنيا
أشكال البيوت..حضنك يا ستي
لحن مالهوش أى صوت
شوقي للأفراح
تواتي..
صبري ع الأحزان..تفوت
أنا عايز اشوط..
كورة
واجيب مليون هدف
عمري اتحدف
لكن ف لحظات بابقى..
عيـِّل..

حاسس بإيه

حاسس بإيه
حاسس أساساً ولاّ لأ
شايف سنين عمرك كده
و لاّ انت عايش ع الورق
ولاّ انت عايش ع الكلام
اللى اتحرق
حاسس بايه

قلبك معادش بأجنحة
قلبك بيلبس نضارات
مبقاش يشوف..
ولاّ السكك..
هى اللى أضيق م الحارات
وللا الغنا ..
ضاع من كلامك و اتسرق
حاسس بإيه

حابب سنين
محشية توهة و دروشة
قلبك شبع أحلام
و غنى وانتشى
واتسرسبـت ..
كل المعانى المدهشة
من بين ايديك
و معادش جواك غير قلق
حاسس بإيه

عيل
حاسس بأية
المدينة الصبح بدري
ضل وحيد

كل ما فات دة لعمر مصطفي.مركز معاة انا اليومين دول علشان بيفكر يطلع ديوان

QUOTE (lonewolf @ February 18, 2007 07:18 pm)

حاسس بإيه

حاسس بإيه
حاسس أساساً ولاّ لأ

قلبك معادش بأجنحة
قلبك بيلبس نضارات

المفروض عمر يصبر شوية
يعني القصيدة دي مثلا، هو دا الشعر اللي فيها
قوي، حلو
بس الباقي كله رغي
يعني ليه التوضيحات والهوامش من نوعية "ما بقاش يشوف"

كانت عندي من ست سنين مشكلة مع العامّية
كنت بقول مسمار النعش
وكنت ضدهم كلّهم
وكنت بكتب كتابات خرائية فصحى
الجراف بتاع نرجسيتي بدأ يعلى من ألفين و اتنين ، وكان ده مؤشر جيّد
مع أواخر الإيمان
مع أوائل البانجو
كان الحشيش أياميها كيف الملوك
وكانت السجاير مالهاش طعم
معرفش حصل إيه
للدنيا تتشرمط
الشرموطة=حتة مطبخ
بألف لون
كنت بفهم ليه الناس بتكره الألوان ساعتها وبتتكلم كتير عن الأبيض و الإسود
آثار الفهم ده موجودة في روحي لحد دلوقت
انهارده مثلا وانا بقلب في ورق مونيريان القديم
لقيت الزيرو و الواحد
وامبارح سمير ماوكلي قاللي فيلم تيرمينيتور بيتكلم عن الخير و الشر
قلت زمان
كنت بفهم ليه الناس بتكره الألوان
بس مكنتش بكرهها
وبس
دلوقت بقيت فاهم جمال الدنيا
الشرموطة
بستاشر مليون لون
بترقص على عيوني
لما تقوللي بحبك ، مستنياني أرد
بسكت بوقاحة
وتضمني وتقوللي أحبك
فاسكت كمان
ومبيمنعنيش سكاتي إني اتمزّق بجمالها لدرجة البكا الأبيض
جوا عمقها
من غير condom
مبخافش تحمل
لما حملت مرّة
جريت تسقّط قبل ما أقول
رغم انه كان لازم يحصل
لكنها برضو
قتلتني تاني
حتّى لما بتضحك على انكماشي السريع
حتى لما بتئن من انبساطي المفاجئ
حتّى لما بتبكي من حبي
وتقوللي أحبك
بسكت
وأضمها
وأكتبها على كتافي
وأستنى الكتابة تبان
سنين طويلة

صباح الاكتئاب هادي ومِتْشَعِّب
القط اللي بيخربش بعد الفيران الشجر
وبينضف سنان العشب
و يقوللي
صباح الخير
صباح الخير يا وش الدنيا
والساعات بتدق
صاحي تدق
نايم تدق

حتى رغبات الموت السهلة
متمنّعة و بتكدب على المكشوف

سيفي اللي مغموس في خشب جسمي
نقط ميّة و حكاوي
من وقتها
كان الاكتئاب قاعد في آخر مرة ع الناصية
بيدخن
وبيتفرج على البنات
ويدوّر على وشه

قلت هركب حصان الحلم
وأستمتع برفرفته ، واتفرج على الحاجات من علو طيراني
اجمع في جسمي بين الجرح و السكين
اسمع
كلام الكبايات ع الرف في القهوة
صرير الصمت
واستفهم عن المعنى من الارتعاش البادي في كفوفي
من ديل القطط لما يتلوى
من شكل السحاب و شكل صف النمل
واتحوّل لمجنون رسمي
واتجاهل عيون الناس !
صباح الخير
صباح الخير يا مجنون بالحياة رسمي !

لانت وشوش الحزن قدّامي
وحنّت للسكون
والكدب
كنت أكدب
يحطّو الشطة في بقي
وحبيتها

وعاد الحلم للدنيا
وأنا مفارق ، لأرض وسيعة ما بتكدبش على عمري
ولا تقوله
صباح الخير
صباح الحلم للدنيا
صباح الوسع والمعنى
صباح الحزن قدامي
صباح الكبايات ع الرف في القهوة
بتتكلم
على خيبتي
صباح الاكتئاب قاعد على الناصية
صباح خيَّر و متشعب
في رف سحابة بيقوللك
صباح الفلْ

التوبيك الفاضي
جمالية ما تقبع في التسليم بفضاء الموضوع من الثبات الموضوعي

بشكل ما بشعر بتوتر ، لما بدخل الونس وألاقي إسمي زي ما هوّ على آخر رد في الحاجات اللي رديت عليها أو كتبتها
طبعًا الشعور بالمكافأة لما بيجي رد ، جميل ، مبطلتش أحس بيه طول سبع سنين تسكع من فورم لفورم
الفورم هنا ، ليه طعم خاص
بيفكرني بريحة EDT
في عز الصيف
وأنا محشش
ومزيكا مش عربي شغالة
تكون حلوة
وألوان لبس الصيف الزاهية

صيفي
أو يمكن انا الليي مستني الصيف لأوّل مرة

كون الونس عامّي إجمالا إلا ما ندر
مخليني غريب شوية
ليه كمان طعم الويسكي الصبح
مش عارف ده ليه علاقة بكتابتي العامية المطردة ولا لأ
وهل الكتابة دي هي اللي خلتني أطلع بقيت إزازة البلاك ، وأشرب منها ع الريق
ع الريق ، الويسكي لي طعم تاني
طعم الحنين
المزة بقصمات برضو
الخيار والترمس مقرفين

All shook up
بحب الأغنية دي لألفيس

بقالي زمن مروحتش لا ستلا ولا جاميكا ولا الانجلو
وحشوني

محمد صالح كتب عن ستلا
و سعدي يوسف كمان كتب لما جه المرة دي في ملتقى القاهرة للأنفلونزا الشعرية

معرفش حد كتب عن جاميكا ولا لأ بس أكيد حد م التسعينيين كتب

حاتم مش بيحب منطلقاتي اللغوية
وحاتم حكواتي
يمكن

هو إنت ليك جيش يا حاتم؟
أنا كمان ليا جيش

القديمة الضاحكة في الكوب
المقهقهة في حلقي
لما باخد شوت
المتلبسة جسدي بحرارتها
الطهورة
من عمل الشيطان
و حب البشر
و تراتيل الوحدة
Jimmie rodgers
Make me a miracle

I can be as wild as a bumble bee
Fly with eagles above
I don't care whatever you make of me
Just make me your love