يا فكر خلي يا شارد

ياللي مالكش بلاد

التوهه سكين بارد

على رقاب العباد

*****************

- أنا غنوه مش لاقيه قلب

مش عايزه في الضل أموت

خدوني كسوه ودرب

شبابيك تستر بيوت

*****************

يا أرض مين يسمعك

فيكي عذاب واعر

مين اللي شال مدمعك

غير ولدك الشاعر

***

إن لم نشد الرباب

ونكون لسان الفقير

ونكون بشر في الغاب

حايضل بينا المسير
*******************

- محلا ثيابك يا زهرة

ف الصبح زاهي عبيرك

بيجي المسا تبقي ذكرى

والدنيا صارت لغيرك
*******************
محلا كلام له أيدين

كأنه سدرك يا أمي

يخلي نبض السنين

أخضر منور في دمي
****************


- فيه فكر عايش مهاجر

زي الطيور الجريحه

وفكر ميت وقادر

يجعل حياتنا مريحه

**************

سيبوني اتوه..وحدي
17-10-2007

انا حمار معلهش
بس هل ممكن انسان يقعد يسمع مع واحد على الحجار ومحمود الجندى وهما بينحوا مع بعض؟

كُنت فاطِر وبحاوِل أصرف الحاجة الحارقة للويسكي
اللي مغلفة حلقي من فترة
مع اني مش برميل
اشتريت أخبار الأدب
أقرا و اشرب شيشة
وقعدت في وادي النيل
مكانتش الميا لسا جريت فيه
كانت الناس لسه في الكهوف
وأنا لوحدي
بتكلم عن الميا
اللي هتنزلهم في يوم
من الضلمة
للشمس
اللي قاعدة ع البحر
لابسة طاقية قش
وبتشرب فودكا بالبرتقان
تغمض عينيها الشمال
تشوف الدنيا صفرا
تغمض اليمين
تشوف السحاب أحمر
بينقط دمّ
على روس اللي مستنيين الشتا
بين كفوفهم
وبين التلفزيون
بيعدّوا موتاتهم
في الحمام
ع السيراميك
الشمس دي نفسها
نامت مرة في سريري
علمتني النار
وعلمتني الضي
علمتني رعشة البدن
و صمت الرغبة
علمتني السفر
و سرسبة الحلم
مع الميا
من حنفية الصبح
وأنا بغسل سناني في المرايا
وبحاول أفهم
إزاي وليه
واشمعنى البشر
مِن أوّل ما دخل ربنا أوضتي وانا ابن خمس سنين
لحد ما بقيت أنا واقف على باب أوضته
بجرب كل المفاتيح
وهو ما بيتولدش
ما بيموتش
مابيعيش
كان بيغمزلي من جوة زهرة التين
و بيضحك في راس القط المفروشة على أرض الكورنيش
تحت عجلة الأوتوبيس
كان مركّب شكمان ديفل
وبيعاكس البنات في شارع عبد الرحمن
ولما كان بيزعل
كان بيشغل جورج
ويشرب امشاط ريد ليبل في البلكونة
كان بيقول الجواز هيومان بونداج
وبعدين رجع يقول الجواز
انفتاح على الآخر
كان بيقرف من ضعف موروث في الأنثى
وبقا يتكلم عن إن كلام محمد بن عبد الله
عن القوارير
متماشي
و تجربته الخاصة
عن وردة الحس
و امتلاء الروح
وصبّ البيرة في الكوباية
ودوران الشاي الخرز
و القمر هلال
لما بص الناحية التانية القمر
صار القمر هلال
صار هلال يا ناس
القمر ده
كورة متعلّقة
بتلف حوالين الأرض
اللي كورة برضو
بتلف حوالين الشمس
بتلف برضو
حوالين قلب المجرّة
والكلام ده مش في الكتب
ده ف كفّي
شايفه
بيضحك
هو و موتي الجميل

الله الله يعني

استرح
فهذا الطريق يطول
و يقصر بشكل وقح

استرح
فما عاد صوت الحنين حنينا
وما عاد الرحيل بقلب فرح

استرح
فصدر الفتاة ينوء بثقل
ولا ينفتح

استرح
وواصل سيرك...‏
لعشق يبدد هذي الجروح
ولا ينجرح

دا مين يا مان ؟

حلمت - أو تخيلت ، مش متأكد - إن لونوولف كتب البوست ده قبل كده و انا سألته عليه قبل كده فقال لي بتاع مين ، و عشان كده مش هيرد عليا تاني و مش هيقول من جديد هو بتاع مين ..
بس أيًا كان يعني ،

الإرد جميل ..

هو ده اللي باقي