أرخص حاجه ف مصر
أرخص حاجه ف مصر الناس
مع إن
الناس كلها بتنام
وتحن
وتقول اى كلام
وتخش الحمام
وتإن
بس لإن التصنيف قايم على معايير
مبنعرفهاش
فيه ناس غاليه
وناس .. ببلاش
مش بكتب مرثيه لناس
ولا باخد منهج يساريه وبمشى عليه
ولا عمالىّ
ولا عمالهم
ولا بعلن خسه أعمالهم
بس أنى كرهت انا مالى
ومالوش لزمه الصوت العالى
هاتكلم بهدوء مسموع
عن موجوع القلب يحن لموت الأبن
غريق وحريق
بيشب لفوق
وبيحرق تحت
ويموت الحزن لكين مارتحت
ولا عقلى ارتاح
وخلاص
أرخص حاجه ف مصر .. الناس
حاتم الوكيل
| QUOTE |
بس لإن التصنيف قايم على معايير
مبنعرفهاش
فيه ناس غاليه
وناس .. ببلاش |
| QUOTE |
أرخص حاجه ف مصر .. الناس |
حلوة القصيدة يا دكتور حاتم..
فكرتني بكلام فؤاد قاعود
المجتمع زي الرصيف..وسخ و عايز يتكنس
في ناس بتعرق ع الرغيف
و ناس بتعرق م التنس
| QUOTE |
| حلوة القصيدة يا دكتور حاتم.. |
تعرف لو كنا بنتقابل زى الأول كانت هتبقى بشكل احلى كتير قوى
واحشنى يا برنس
و انا بتصفح الونس بالشعر لقيت اسم القصيدة دي"أرخص حاجه ف مصر" لقيتني بقول "الناس" قبل ما اقراها
حلوة جدا