يابيرم أخدني لعندك نغم
سحر من كلامك سقاني وحِكَم
عزمتك ع سهرة تتعرف شو بعدك
بلانا الزمان بحمير وبجم
***
ت نِقلي ع نار المساخر مساطر
لا ماضي شرفها ولا بكرا ولا حاضر
م يحكوا بفضيلة وحقيقة وضماير
جكر بالطهارة خروا ع العلم
***
إذا الكفّو جلغم بدمّ الأهالي
م يعطي مواعظ لبو جبين وعالي
شهيد اللي بدّد ظلام الليالي
بعُرفو لجعجع بيصفّي غنم
***
عراق ال مالحّق وعي من سباتو
وعهود الظلام وضحايا اللي ماتوا
نزل ع الجحيم بعقايد فئاتو
وجهاد الثوابو ضرب بالصرم
***
ع سوريّا برجع ت شوف العجب
حرامي م يحكي بلسان الأدب
قلم للي يدفع وتحت الطلب
يا ريتو خري وما حكي هالقلم
***
سمعني وصفن بيرم بهالجمل
وقاللي يا إبني نصيحة بجمل
لا ترمي اللآلئ لأهل الدجل
لا فهموا كلامي ولا رح تنفهم
***
الله الله الله الله الله
يا عــــــــــــــــــــــــم علي
أمنت بالله و بالطهارة و بالخراء
سالم وناجي
كيفكم..
بس بجد
في زماننا هذا، عاد في شي خرج ينقال غير المسخرة؟؟