حلمت اني ماشي انا و حموكشة و اتنين زمايلي في الشغل,واحد فيهم قاهري عندة 32 سنة و لعيب جودو سابق,راجل محترم و هادي في نفسة كدة و شبة محمد رشوان بتاع الجودو بتاع زمان,و التاني طبقة وسطي اسكندراني من الساعة(حتة شعبية في اسكندرية) قعد 10 سنين في الخليج و جاي يستقر في القاهرة

المهم انا كنت ماشي معاهم في كليوباترا عند بيت اهلي القديم علي الترام,و بعدين قررنا نشتري فلافل من عند الوحيد(الي مكانة في الشارع الصغير الي بيربط بين الترام و شارع بورسعيد) المهم لقينا الفلافلاية ب15 قرش,فا قلنا مالة بقي غالي قوي و بعدين حموكشة قعد يسخنا اننا لازم نعترض و كدة,اساسا الشاب بتاع الجودو دة في الحقيقة هادي جدا,الطراز الضخم الوديع,فا لقيتهم قرروا انهم ياخدوا الفلافل ببلاش,و حموكشة بيقول دة حقنا و حق الشعب,و راح قلع ملط و نط في القصعة الكبيرة بتاعة عجينة الفلافل و قعدوا هما التلاتة يكسروا في المحل و ياكلوا الفلافل

حاولت انا اقنعهم انة مش معني انهم رأسماليين استغلالين اننا نعمل ثورة و فوضي,و ممكن نتفاوض معاهم و نوصل لحل وسط,ما عرفتش اشرح لهم,فا اخدت بعضي و ركبت تاكسي,الي عارفين الحتة دي في الحقيقة عارفين انها زحمة قوي,لحد بعد نادي سبورتنج,فا مشي التاكسي شوية في الزحمة و انا جواة,و الناس دخلت تساعد التلاتة في تكسير المحل ,واضح ان البوليس جة بعدها,فا لقيت زميلي الاسكندراني دة و حموكشة معاة بيجري و هو بيزرر البنطلون و يلبس التيشيرت بيجروا ورايا و عاوزين يركبوا التاكسي,و انا بين قرارين ,اني اركبهم معايا و البس لانة البوليس بيجري وراهم و بين انة ابيعهم و اقفل باب التاكسي,كل دة و سواق التاكسي ماشي عادي جدا ولا كأن في حاجة حوالية

المهم ان كل ما يقربوا ناحية التاكسي السكة تفتح فا التاكسي يجري و ما يلحقوش يركبوا

حمدت ربنا اني ما اضطريتش اتحط في الاختيار الصعب دة و صحيت من النوم

زارتنى خاصية الطيران مرتان او ثلاثة في احلام متقطعة تتكرر هذة الايام..ارى نفسي و قد بدأت امشي في الشوارع و قد اكتسبت ملمسا مخمليا و كان الهواء اكثر كثافة..و كأننى امشي على قاع محيط,هى نفس الاماكن كما هى تماما و لكن من سنوات مضت,لم يكن حول بيتنا الجديد كل هذة البنايات و كانت ماساحات خضراء او ترابية شاسعه تظهر هنا و هناك..و اختلاط بين كتل الطوب الاحمر التي لا تزال زاهية اللون و بين لون التراب المطفي و اناس قليلون تراهم يجدون المسير..و دائما ما كان الوقت في الصباح المبكر شتاءا او وقت ما قبل الغروب ..شمس بيضاء شعاعها ابيض ذهبي, و مازلت اسير و انا مندهش لذلك الاحساس المخملي حتى فكرت في امكانية ان اطير و استغل ذلك التغير في طبيعة الارض ,هكذا بدأت اقفز و مع كل قفزه ازداد ارتفاعا ثم اهبط بنعومه ,بعد قفزتان خفت ان اكرر التجربة و ارتفع اكثر و لا استطيع العوده مرة اخرى و لكن اغراء الطيران اسكرني..قفزت بقوة هذه المره و حلقت لاعلى اكثر,ثم قفزة رابعة و خامسة و مناورات منتشية حتى طالت قدماى اسطح المنازل و المارة ينظرون لى بوجوه خالية من التعابير و انا امرق فوق رؤوسهم بسرعة و نعومة خياليين, قلت نشوتى قليلا و شرد بالى للحظات فيما يمكن ان تدل عليه تلك الوجوه الخرساء,فوجدت نفسي اهبط شيئا فشيئا,انزعجت, قفزت قفزة قوية املا في العودة الى الاعالى و لكن قفزتى لم تمنحنى سوى قدرا ضئيلا من الارتفاع و بدا ان نشوة الطيران تنطفئ بسرعة..حاولت بيأس محاولات فاشلة و ضاق صدرى,و استقرت قدماى على الارض نهائيا بجانب جدار بناية من الطوب الاحمر و قد تشبع بالرطوبة,و جلست منهكا مستندا عليه اتأمل بأسى حالي بعد التحليق

كنتُ واقف في الضلمة ، ومستنيين الفيل ، كان فيل صغير ، من بعيد كأنه واقف على رجلين اتنين بس !
لما بدأ الركب يقرّب ، كنت قلقان ، أنا واللي معايا ، -مستنيين!-
لما قرّب الفيل ، كان كأنه مرسوم بقلم حبر اسود على ورق أصفر ، وكان واقف على رجليه فعلا
استغربت ان الفيل أصلا كائن كرتووني كده
لما نزل ، كنت خايف شوية بس بدأت أحسس عليه خصوصا لما اكتشفت اني واقف تحت الكافورة اللي في الخرابة اللي جنب مدرستي الابتدائية ، بيتنا قريب وممكن أروّح في أي وقت .
الفيل حسيت إنه مش فيل ، إنه حد متنكر في هيئة فيل كرتوني مرسوم بقلم حبر أسود على ورق أصفر قديم
مش عارف ده حدسي ، اللي بيثقب الأشياء دايما ويقوللي قبل ما تحصل أي حاجة ، ولا لأ ، حصل الشجار المعتاد بيني وبين نفسي ، طرف يعارض وطرف يأيد ، والفيل مستني اعترافي بيه كفيل !
اللي حصل بعد كده ، إنه في حدّ ، يمكن عجوز ، ويمكن حكيم ، يمكن نبي ، بس هو نبهني إنه ده مش فيل حقيقي ، وبكده إنتصرت على نفسي ، وكالعادة طلع حدسي صح ، أصل مفيش فيل بيبقى واقف على رجلين ، ولابس بدلة ، وكإنه مرسوم بحبر إسود على ورق أصفر !
الفيل طلع كلب ، كلب غريب ، كلب رمادي ، وجلده ، كإنه جلد مشحم ، "موبيك" لونه رمادي جدًا ، بشكل غريب ، وراسه مزيج من اليبت بول و الروت وايلر صغير قويي و متوحش ، في لحظة بان على حقيقته وبقى واقف على أربع رجلين ، والزبد بيسيل من شدقيه ولسانه مدلدل كده ، المفروض إني كنت أخاف ، بس أنا أصلا مش بخاف م الكلاب يعني ، بس قلقت لإنه شكله كان متوحش . وجاي لي أنا!
بعد كده فهمت إنه أصلا بيهوى التنكر ، وماهر في ده جدًا ، وإنه اتنكر كتير في هيئات مختلفة ، فيل ، قرد ، حصان ، راجل ، ست ، بنت ، ولد ، حيطه ، شباك ، جزمة ، أي حاجة . بعد كده لقيته بقى أربع كلاب ، اللي شد انتباهي فيهم واحد كانت ألوانه زاهية قوي ، كإنه بلياتشو ، في أبيض و أححمر و أخضر ، وكان لسانه برضه مدلدل ، وعنيه بتلمع بوحشية ، البلياتشو ده كان أخضر واحد فيهم ، مش عارف حد قاللي ولا ده إحساس !
أنا مش عارف جريت ولا إيه ، بس أنا لقيت نفسي في البيت ، في حاجات كتير حصلت بس مش فاكرها ، اوضتي أصلا كانت غريبة ، فيها سريرن كإنها غرفة فندق ، السراير كانت فيها رفوف في ناحية شباك السرير اللي بتبقى راسي عنده ، الرفوف كان فيها أجمة فراولة مش معقولة ، وتوت ، الفراولة كانت حمرا قوي ، أنا كنت ساعتها عيان ، ونايم ع السرير ، وفي أكتر من واحدة بتعرض المساعدة ، البنات كانوا حلوين قوي ، أجسامهم ممشوقة ، وعيونهم بتنقط شهوة ، فجأة لقيت نفسي ع السرير نايم على جنبي و قدامي واحدة وورايا واحدة ، انا سبتهم وقعدت اتفرج ع الفراولة ، أصل أنا مش فاكر إني حطيتها هنا ، وبعدين الأجمة كانت كثيفة لدرجة إني مش لاقي جذورها فين ، كل ما أتبع فرع لأصله ألاقيه خارج من فرع تاني ، كإنها كلها خارجة من بعضها ، الفكرة شاعرية قوي ، ده اللي فكرت فيه وقتها ، وقعدت أقلب الفراولة في إيدي من غير ما أقطف منها ، وفي واحدة من الاتنين وقفت على ركبها وسألتني ، إن كنت هنام .

الباقي مش فاكره

حلمت من شويه حلم عجيب اني رايح الكليه فوق دبابه .. والناس واقفه صفين و خايفه و مافيش صوت في الحلم صوت غير جنزير الدبابه اللي كسر جزء من سور الكليه و دخل ع الكافيتيريا .. و مش فاكر التفاصيل بعد كده
!!

الحلم ده قديم، قديم قوي، بقاله شهرين تقريبا
بس غريب


رأيتني في المنزل الذي دارت فيه أحداث فيلم (في بيتنا رجل)، أحل مع ابن عمتي ضيفا على أصحابه، كانوا عائلة ربها استيفان روستي، وكانت ابنته فنانة استعراضية لا أعرف اسمها غنت في فيلم ابن النيل بالإضافة إلى زوجة استيفان روستي ولكنها ليست والدة الفتاة، كانت سيدة البيت تتبدل بين هند رستم وسناء جميل. وقد دارت أحداث الحلم كاملة بالأبيض والأسود.
في البداية كانت هند رستم تجلس معنا وحيدة، ثم جاء استيفان روستي وابنته فسلما علينا ومضيا إلى حيث لا أدري، بعد ذلك ذهبت هند رستم لتعد لنا قهوة، حاولت أن أضع القطرة التي استخدمها الآن لالتهاب عيناي (حقيقة) وجدت الثقب التي ينزل منه السائل على الجانب الآخر من الزجاجة، برمتها فانبرم الثقب، فشلت في أن أنزل نقطة واحدة في عيني فوضعت الزجاجة جانبا.
بعد متّسع حملت صاحبة البيت (سناء جميل هذه المرة) صينية القهوة، اتجهت بداية نحو ابن عمتي، وهي تقدم له القهوة انحسر ما ترتديه عن صدرها، وبدا ذلك مقصودا. رفض الطفل القهوة بعبارات مجاملة، فاتجهت نحوي، لم تقدم لي قهوة، ولكنها وضعت الصينية أمامي وجلست بجواري. نظر لي الطفل وقال لي: "أمشي؟" فأجبت بالإيجاب فانصرف.
ما حدث بعد ذلك أنني وجدت سريرا ينام عليه شكري سرحان بجوار هند رستم، وعرفت أنني شكري سرحان، وأنني أقمت علاقة جنسية مع السيدة. دخل فجأة استيفان روستي إلى الغرفة بحركة مسرحية، دافعا الباب بعنف، ومعه رجلين أحدهما رياض القصبجي، كان كل واحد من الثلاثة يحمل بندقية، على الفور سقط شكري سرحان (الذي هو أنا) من فوق السرير بحركة مسرحية هو الآخر. صاح استيفان روستي وهو ينظر إليّ نظرة احتقار وأنا جالس على الأرض بانعدام حيلة: "دلوقتي ممكن أموتك انت وهي"، نظرت إليها كانت تضحك وكأن كل شيء كان مدبرا، أكمل: "إلا إذا نفذت كل اللي حقولك عليه ... دلوقتي انت مش حتتجوز بنتها لأنها ما تجوزلكش، وابن عمتك حيتجوز بنتي اللي محدش ممكن يبصلها، وإلا حموتك ومش حتحبس فيك أكتر من 3 شهور".

تمهيد:أنظر التوبيك الفاضي لفهم خلفيات الحلم صفحة 174

التعابين من الكوابيس المفضلة ليا,دة بصفتي شخص كابوسي عامة.بيتي مليان تعابين ,جت فجاة كلها,أبتدي الامر بتعبان واحد صغنن و بعدين كتروا و اتنوعت احجامهم و انواعهم,الحلم كلة متصور لليل داخلي في شقة جدي ,في اوضتين مبقتش عارف اخشهم علشان جواهم افعي بوا العاصرة و التانية فيها اناكوندا ضخمة,كلمت كذا حد من شركات التطهير بس مكنتش واثق انهم ها يقدروا يتغلبوا علي الظرف دة,الفكرة اني كنت بتكلم و اتناقش بعقلانية مع التعابين دي بل و بكسكس لهم ,كان فيهم واحد أسمة عصام من نوع حية الجرس بس لونة فضي و علي ظهرة ساعة كاسيو.

المفروض يوم الخميس شركة التطهير كانت جاية و كنت ها اسيب البيت لمدة 6 ساعات لهم,بس قررت انة قبلها لازم اطهر الصالة و الاوضة,التعابين كانت كسولة جدا و معظم الوقت نايمة و انا بتحرك وسطها بحذر ,معرفشي لية ما طلعتشي فوق سرير,بشكل ما كان سرير منطقة محرم يوصلوا لها علشان عالية

ابتديت استخدم أسلوبي المفضل,اقضي عليهم واحد واحد و ابتدي بالصغنن,اتمشي بشويش و خفة ما بينهم و معايا اداة معدنية,كان معايا حد في الحلم اداهلي بس مش فاكر مين,بس هو شخص حميم من اصدقائي,الادارة دي كانت شبة ادوات زراعة الشجر الغننة دي,زي جاروف حديدي طرفة مدبب و حاد,امسك التعبان من دول اخطبة علي راسة بظهر الجاروف العريض علشان يموت و بعدين ابتدي في تقطيعة حتت

واحدة واحدة ابتديت اتشجع لحد ما وصلت اني اقتل عصام,الي طولة تقريبا طول الصالة,و ابتديت اقطع فية بعد ما استخدمت اداة اكتر حدة و ابتدي ينزل دم لونة لون الويسكي كدة,خفت انة يكون دمة ية سم و قلت ها اكمل بحيث لما الجماعة بتوع التطهير يجوا ما يلاقوش تعابين كتير

و صحيت من النوم

حلمت حلم بديييييييييييييييييييييييييييع من شويه
..
بس مش فاكر منه غير آخره : بحضن بنت بدراع واحده وهي بتحط راسها على كتفي
..
كس ام اخويا اللي صحاني عشان باخد مخده من ع السرير

طيب خش كمل نوم يمكن يكمل الحلم
علي فكرة حصلت معايا قبل كده و كملت الحلم

حلمت امبارح ان الواد شاهر بعت لي ملتي ميديا مسدج ع الموبايل فيها اغنية لمنير من كلمات محمد سالم عبادة بتقول
" توكتوك و اتنين..يبقوا تلات تكاتيك....."


صحيت بغني و بضحك فشخ

أحا يا شادي

إيه ده فشختني ضحك

رأيتني في مطار دمشق قادما من القاهرة، وفجأة ضاع جواز سفري ومحفظتي ومفاتيحي
...

بضعة أيام كان هناك حفل لوجيه عزيز وأمسية شعرية لشاعر لا أذكر اسمه، حضرتهما
...

بضعة أيام أخرى، قابلني شخص يرتدي بنطلون وقميص لونهم كحلي، كأنه يبدو من جهاز أمني حساس، يعلق في حزامه مسدسا، قال لي بالنص: "بدك تقعد هون بتقعد بأدبك، شفلك واحدة تنيكا، استمتع بإجازتك، بس تفكر حالك مثقف وحفلات وأمسيات لناس بكرة رح نغتالهم مثل ما اغتلنا الحريري والله ما حدا بيعرف شو بيصير معك". ثم أبرز حاجياتي الضائعة وقال إنني سأحصل عليها عند انتهاء إجازتي إذا نفذت اتفاقي معه
...

في نهاية اللقاء، أعطاني جهاز تليفون محمول، وقال لي هو تعويض عن جهازك الذي معنا. كان مسجل عليه اسمين فقط

اللواء
وتحته بخط رفيع مكتوب أن استخدمه إذا احتجت لأي شيء

(لا)
وتحتها بخط رفيع: اتصال آلي في حال رغبت في إلغاء الاتفاق لترى النتيجة مباشرة
...

التقيت بعدها بأهلي وحكيت لهم، عنفوني على أنني لم ابق الموضوع سرا بيني وبين نفسي، ثم قال لي خالي المستحسن أن تبحث عن فتاة تفعل بها كما قال لك اللواء
.........

اول مره احلم بمواطن
كنت ماشي في الشارع ولاقيت اتنين نوبين اربعينين كده بيسالوني فلوس وانا مكنش معايه
قلتلهم استنو هسال صاحبي الي انا رايحله
طلعت لاقيت عبده شغال مدرس وبيدي حاجه فيها نظريات كده والعيال قاعدين علي ترابيزه
المهم بقوله علي الحوار قالي سيبك منهم وادخل كل جوه
دخلني علي مكان فيه اكل كتيييير جامد بس مكنش مستوي كويس وانا معرفتش اكل
بس

حلمت حلم مزعج، كنت في بيت يوسف درويش، لسه ما ماتش، لكن صحته بلغت مدى سيء. مش قادر يمشي، التلاجة مافيهاش غير خس، الدكتور أمره إنه ما ياكلش غير خس. ما كانش قادر يتكلم، ما كلمنيش كالعادة وما هزرش معايا
---

أنا منزعج

اكتشفت النهاردة ان واحد خد مني نسخة (تراويح) اللي بالقلم الرصاص و مارجعهاش .. و غالبًا هوا البيجاس ..
واكتشفت انها غالبًا هي التجربة العامية الوحيدة اللي أنا حافظها عن ظهر قلب ..
كانت أيام جميلة جدا ..
الحنين موفور ،،
و الحزن موفور ...
(جمال العَقل أوجَه لك ...
بلاش تجني حصاد جهلك ...
ومين قال ان راحة البال :
ف مال الدنيا لو جَه لك ) ..

كانت أيام عاملة زي الحلم ...

أحلام اليقظة من سنة ونص ، أجمل من أحلام المنام الأيام دي ... أحلام مالهاش معنى ...
من أسبوع بالظبط ، ليلة خطوبة بنت عمتي :
حلمت ف ليلة واحدة بحاجتين غريبتين جدا :

أولاً اني اتورطت ف خطوبة بنت بساتينية ترتدي هي و أمها عبايات بلدي سودا ... و كان قاعد معايا و شاهد ع الموضوع كله صاحبي (طلال فيصل) الشاعر و المدون المغمور ...!

ثانيًا :
ان ابويا - الله يرحمه - مسافر أبيدجان ... رايح ساحل العاج الراجل ، مشكورًا ... عنده شغل هناك ، و هيشرف على سفلتة طرق و كده !!
مش عارف بقى !!! طيب الأولاني ده ممكن يكون مستوحى بشكل مبرر من الخطوبة اللي كانت على وشك ، و من مشاكلي العاطفية ...
التاني ده بقى ايه ؟؟؟!!! أبويا مفروض انه كان يأدي واجبه الدفاعي قدام أسيك أبيدجان مثلا ً ؟؟

حلمت حلم عجيب قوي امبارح .. دخلت انام ساعتين اصحى اذاكر بعدهم شويه لحد الامتحان .. حلمت بناجي لابس لبس عسكري و شايل كلاشينكوف و واقف في صحرا و بيضرب عساكر و دبابات و حاجات كده .. بعدين قمت انا مشيت بس عرفت بشكل غامض في الحلم انه مات .. رجعت القاهره راكب عربيه جيب مفتوحه و دخلت ع النت من السيبر بتاع وسط البلد الغالي ده ابو الساعه بخمسه جنيه .. لاقيت البورده و المدونات قاليبن مناحه عن الشهيد ناجي .. و مات الشهيد و وطنية ناجي وبتاع ... روحت البيت و قاعد على مكتب زي بتاع الوزرا كده عليه مذاكره و كتب وورق و اقلام .. لاقيت ابوه ناجي و امه داخلين عليا بيعيطوا و بيقولولي و النبي يابني احتا جاينلك عشان نعرف انك كنت صاحب الشهيد ... و طالبين منك المعاش بتاعه بتاع القوات المسلحه اهه يسندنا في الظروف الصعبه اللي احنا فيها دي .. قلت لوالدته طبعا يا حاجه و مضيتلها على ورقه كده و طلعت هي و ابوه مبسوطين جدا و انا حسيت اني زعلان على الولد و اني كنت باحبه فعلا .. صحيت زعلان على ناجي
!!!