دايما بحلم بامتحان العربي في الثانوية العامة

باحلم دايما برياضة 2
بس الفرق اني باجلم انه فاضل ع الإمتحان اسبوع وانا مافتحتش الكتب

حلمت النهاردة اني ماشي أنا وواحد صاحبي رصين جدا في بعض الحواري
slums
وآخذين في نقاش جاد .. وانا اتحصرت ،
قمت مكمل مشي عادي جدا ، وانا باتبول على كل شيء ..
وكملنا مشي برضه عادي جدًا ، ولاحظت انه ماخدش باله اني كنت بابول ، فنبهته ، فقال لي : "يعني خدت ركن واحنا ماشيين وطرطرت ؟ " ، قلت له : "لأ .. كنت باطرطر واحنا ماشيين عادي جدا " ... وقعدت اضحك

من كام يوم حلمت ان ستي ماتت
وقمت لاقيتني باعيط
الساعه كانت سته الصبح وكنت متاكد فعلا انها ماتت وان الحلم ده من الحاجات الهبله الي بتجيلي من وقت للتاني
قعدت احسب ابعاد موت ستي
وصلت لنتيجه ان مع انها كبيره في السن الا ان كلنا مربوطين بيها
عيالها وعيال عيالها...ستي بقت زي الجذر الي رابط باقي الشجر في الارض
عشان لحد دلوقتي هي الي بتعمل كل حاجه
ولامه الناس حوليها


ماستريحتش الا لما اتصلت بيها الساعه 6 ونص الصبح عشان اطمن عليها

قالتلي مالك يابني فيه ايه

قلتلها مافيش بس عايز اسلم عليكي
ايه فيها حاجه دي

الحلم ده انا حلمته وانا بصيف في مرسي مطروح بس كنت نسيته امبارح بس افتكرته

حلمت اني رجعت بيتنا لقيت كمية عيال صغيرة مهولة مثلا 200 عيل بيلعبوا في كل حاجة في الشقلة في الكتب والكمبيوتر والتلفزيون والهدوم كل كل حاجة قعدت افكر بسرعة لقيت اني مش هعرف اسكتهم كلهم روحت طافي نور الشقة كلها وفضلت اعمل صوت يخوفهم صحيت من النوم علي صوتي العالي اللي صحاهم من النوم فضلت اضحك

انا حلمت اني قاعدج مع شكوكو بلحن لة اغنية اسمها "حبك علقة انا كلت نصها"!

حلوة دي

طب ماتدوقنا حاجه كده

حلمت ان شوبير بقي رئيس تحرير جيدة الفرسان بدلا من اسامة خليل

مش عارف ليه بحسه منفسن قوي اسامة خليل ده

هو الامتداد الطبيعي بتاعة

حلمت انة انا و حموكشة و ربيع و عمرو غربية و شيرويت و مصطفي حسين كنا بنتمشي في حتة صحراوية و بعدين ورطوني في انهم عاوزين يصوروا مكان تبع راجل كبير من عيلة او جهاة اسمها المنابرة بيلوث البيئة,و بعدين طلع علينا ناس مسكونا و حبسونا في قبو و بعدين اخدونا في سفينة بتاعتهم و جابوا ناس مهمين علشان يعملوا لنا كارت ارهاب و قعدوا يحكوا لكل واحد علي الي بيعملة في الدنيا بالتفصيل و يفرجونا علي افلام متصورة لنا من حياتنا اليومية,وبعدين عمرو غربية قال لي ان كل دة كارت ارها ب و انة مش ها يحصل حاجة في الاخر,بعد شوية عرفت اهرب انا و اتمشيت ف يالسفينة الضخمة دي,الي عبارة عن قاعات كتير بتتاجر باليوم و الي بيأجرها عادة نا سمهمة و رجال عصابات علشان يعملوا فيها سهراتهم,شوية و رجعت عل يالمكان الي الشباب محبوسين فية ما لقتش حراس,فتحت لهم الباب و مشينا!اللذيذ انة من الناس المهمين الي كانوا بيهددونا مدير مركز سرفانتس و كمال الشاذلي!