حاستغل الموضوع ده عشان اول ماصحى من النوم اكتب الحلم اللي شفته قبل مايطير
..
مدعوون للمشاركه

حلم اليوم : زميل قديم لي في مدرسةمبارك الثانويه كنت اكرهه جدا .. اسير معه في طريق صحراوي .. فجأه وصلنا لحافة منخفض كبير .. به مدينه ضخمه وخاليه لكن تستطيع رؤية نهايتها .. يحبرني الولد ان هذه المنطقه هي فلسطين .. نجلس على الحافه و يشير الى قصر ملون و مزخرف يشبه السحيمي لكن بالوان صارخه حمراء و زرقاء و صفراء .. السقف مكشوف و نستطيع رؤية حجراته .. يناقشني في عمارته .. شايف الزجاج الملون .. شايف اوضة المعيشه؟؟ شايف النافوره .. اتعجب جدا من جمالا القصر مقارنة بالبيوت العشوائيه الطوبيه القاتمه التي تجاوره و تتكون من دور واحد .. يستغرب هو من تعجبي و يسألني جديا :انت ماشفتش فيلم حاحا و تفاحه ؟؟ كانوا مصورين الفيلم في فلسطين و كانوا بيتكلموا اكتر حاجه عن اسلوب العماره و جمالياتها في فلسطين القديمه

!!!!

..

..

لسه صاحي دلوقت و في دماغي الحلم العجيب ده :

حلمت بواحد حاقابله في القاهرره كمان يومين .. عازمني عى حضور مؤتمر علمي في كلية الصيدله اللي هو مدرس مساعد فيها .. رحت لاقيت الكليه نضيفه جدا زي بالظبط المعامل اللي بنشوفها في الافلام الامريكاني .. تكنولوجيا و ابواب بتتفتح لوحدها و تعقيم و حاجات كده .. دخلت قاعه كبيره لاقيت قيها حوالي 200 واحد من الناس اللي اعرفها في حياتي ..اعرفهم بس مش صحابي .. اغلبهم عيلة ابويا اللي مش بشوفهم غير كل سنتين مره .. و ناس من الشارع عندنا .. كانوا كلهم قاعدين مستنيين المحاضره العلميه دخلت عليهم و قلت مساء الخير ..بصولي بصة استغراب شديد ..لاقيت نفسي بعديها في اوضه .. متضايق جدا و معايا الاستاذ المساعد .. بيحاول يقنعني ان البلد باظت و حاجات كده .. دخل عليا واحد قريبنا كان في القاعه مع الناس .. ملتحي كده و فيالحقيقه هو سلفي .. لاقيته قاله النص الفوقاني من ملابسه و ماسك ماستر ماكس و بيشرب فبها و بتنزل على دقنه .. قاللي : يا هيثم على فكره .. الجماعه تحت كانوا عايزين يطلعوا يضربوك عشان كلمة مساء الخير دي .. كان لازم تحييهم بتحية الإسلام .. بس انا اقنعتهم انك حاتنزل تعتذر !! .. صحيت من النوم و انا عمال اقول : احااااا .. اعتذر على ايه يا كس امك .. و اخويا و اقف في الاوضه مستغرب القباحه اللي ع الصبح دي !!

أبرز أحلام اليوم (لم تكن بقية الأحلام سوى أشخاص وأماكن غير مترابطة):

مسرح مغلق، إضاءة قوية، جمهور أغلبه نوبيون على كراسي مدرجة، أجلس على سلم قبالتهم. الخشبة على جانبي الأيسر. محمد منير يغني، في الحلم أعرف أن هذا الحفل، الذي بدأ كحفل في الثمانينات، أحلى حفلات منير على الإطلاق. في نهاية الحفل يترك منير الميكروفون ويبدأ في الضرب على آلة إيقاعية غريبة - عبارة عن غوايش خشبية معلقة أفقيا - بعصا صغيرة وينظر مبتسما لباب الخشبة فيخرج شاب لا أتبين ملامحه. يبدأ في الغناء بالنوبية ويرد عليه الجميع بتناسق وحماس. بعد قليل ينزل شخص، ربما هو الشاب أو شخص آخر أيضا لم أتبينه - بين الجالسين، في الصف الأخير، أعلى صف، حيث بعض الكبار المجلببين المعممين أبيض في أبيض، يدعو الواحد منهم بالاسم ("يلا يا عم فلان") يعطي الواحد منهم الميكروفون فيغني مقطعا من أغنية طويلة رائعة كنت أسمع بعض كلماتها وأفهمها (مثل "ماركا" أي يسرق) والكثير لا أفهمه، إنها أغنية قديمة جدا لم أسمعها أبدا يجتاحني الشعور بأنها منسية ومجهولة ومعروفة في آن (لم أسمعها ف الحياة). تصل ليدي ورقة بطريقة ما بها ترجمة عربية رائعة للأغنية على شكل قصيدة عمودية، فألفت نظر من بجواري وأقول له "زكريا دا عظيم"، فيستدير زكريا إبراهيم الجالس على السم أمامي مبتسما بامتنان وابتهاج، أرى آخر شطر بالقصيدة جيدا:

اُستغلت مصر ونُهبت واُستعمرت

المشاعر قوية ومختلظة في هذه اللحظة، فالمقصود إما الاستعمار الإنجليزي أو غزو مصر القديمة من قبل شعب قديم، أو استعمار غير محدد.

حلمت بحاجات كتير التعسيله دي .. مش فاكر منهم دلوقت غير حلم فيه هبه .. و دي صديقه عزيزه جدا و واحده من انضف الادمغه و الاكثر ثقافة من اللي شفتهم في حياتي رجالا و نساءً .. ان لم تكن اكثرهم , اتجوزت سواق مشروع العصافره سيدي بشر بشوفه محبوس مع عبد الكريم دايما في قسم محرم بيه !! اللي كان مضايقني ان الراجل بيعاملها وحش في الحلم .. و انها مش بتشتكي .. و بتقولي انها بتحبه و مش حاتعرف تعيش من غيره .. الحوار ده وهي قاعده بتلفله صواريخ حشيش على طبليه خشب في بيت فقير جدا كنت متأكد انه في درباله ( حته وسخه عندنا في اسكندريه ) .. في الحقيقه هبه من سكان ارقى مناطق المهندسين و بنت ناس مستريحين جدا !!!

المشكلة انة اي شء ممكن في البلد دي

مسخرة

أنا ادايقت

حلم النهارده :

حلمت اني في فصل .. قاعد على تخته واحده مع 3 بني آدمين .. و احد منهم هو حمكشه ..و التاني هو بني آدم مدون لزج كده اسمه مؤمن .. حمكشه بيتناقش مع مؤمن نقاش حامي جدا جدا .. عن واحد اسمه احمد ابو منصور .. انا في الحلم بكره مؤمن و برضه في الحقيقه .. هو عيل رفيع قوي كده و من النوع الحريقة سجاير .. و بشنب خفيف .. و عارف ان التاني حمكشه بس شكله متغير .. بقى بنضاره و بشرته افتح و لابس كرافت و قميص مخطط بالطول .. النقاش احتد جدا و الكلام بقى عبثي .. احمد ابو منصور رائد مابعد الحداثه الاقتصاديه .. احمد ابو منصور ديماجوجي شعبوي ابن دين كلب .. و اديني في المصطلحات .. كان بيشرح دكتور في الجامعه درس سيكولوجي .. و المحاضره كانت ممتعه كيك .. و كنت فاهم جدا .. و حسيت ان المعلومات بتدخل نافوخي مش بتطلع .. فجا ه حمكشه و مؤمن اشتبكوا كلاميا و قعدوا يشتموا بعض .. كل ده و الراجل بيشرح باهتمام و لا كأن في حاجه و الناس كلها مركزه معاه .. حمكشه حط ايده على كتف مؤمن بيزقه .. قام المدرس وقف الدرس فجاه و الناس كلها انتبهت كأن حاجه مرعبه حصلت .. الدكتور جه ناحيتنا .. و قال : يا نهار اسود بتتحرش بيه جنسيا في وسط الفصل ؟؟ .. حمكشه قعد يقوله انامش شاذ انا مش شاذ .. لكن مافيش فايده
..
في حته في الحلم وقعت بس مشهد تاني حصل هو اني قاعد برضه ع التخته معاهم و بيتناقشوا نفس النقاش .. و برضه الدكتور بيشرح .. و بعدين اشتبكوا بالايادي .. المره دي الدكتور برضه كان بيشرح عادي .. بس انا مديت ايدي احوش بينهم .. شديت حمكشه من كتفه لورا .. بس مارضاش يرجع .. جيت ازق الواد في صدره لقدام عشان يبعد عنه .. قام الدكتور موقف المحاضره المهمه .. و قال : تحرش جنسي تحرش جنسي .. بتمد ايدك عليه ليه ده راجل ؟؟
..
انا صاحي بقى وفي دماغي بقول : يا دي النيله ..ايه الراجل المتخلف ده

حلم أول أمس

رأيتني في أحد مؤتمرات الجامعة الأمريكية، حولي جمع لا أعرف أيا منهم، ولكنهم كانوا يشيدون بي، طلبوا مني أن أذهب وأحضرشيئا ما لا أذكره. خرجت وجريت في شوارع وسط البلد، أثناء جريي استوقفتي سيدة منقبة ترتدي عباءة سوداء منقوشة بالأحمر عند صدرها. ببساطة: شخرت لي وأمسكت بتلابيبي، استيقظت مرتعبا.

حلم اليوم:

أقف في طابور في مكان لا أعرفه، مع أناس لا أعرفهم،لكني سرعان ما وجدت أحد أصدقائي يقف بجواري، ثم تبين لي أننا في الجيش. (أنا وهذا الصديق معفيان من الجيش لأننا وحيدي والدينا)، وقفنا في الطابور وكان هناك شاويش لا يردد سوى "صفا، انتباه". بعد ذلك أعطونا ملابسنا، كانت بيضاء. بنطال أبيض وتي شيرت أبيض وحذاء قماش أبيض. واستوقفني أنهم لم يعطونا جرابات. فوجئت بالجميع يتوجه إلى مكان به حوالي 10 أماكن للاستحمام، صدمت من حقيقية أنني سأستحم بمياه باردة، تحججت بأنني سأهب للتبول. اقتادوني إلى مكان في الصحراء وقال لي أحدهم: تبول. قلت إن مثانتي خجولة، ولا أتبول إلا وحيدا. فاستيقظت.

حلمت اني اتطردت من صلاة الجمعه في جامع ابن طولون .. و وقفت ع الباب عشان ياخدوا بيانات بطاقتي ( و دي حاجه حصلت فعلا من قريب ) بس الجديد في الحلم بقى اني لاقيت تحيه كريوكا داخله تصلي ببدلة الرقص و حلمات صدرها باينه .. و الامن ع الجامع بيسلموا عليها و بيقولولها حرما مقدما !!

هذا الحلم قد يخدش حياء البعض، وقد يصيب أخريات بالتقزز، لقد حذرت، فلا جناح عليّ.









رأيتني أتأهب لأمارس الجنس مع إحداهن، ولكن ما حدث أن قضيبي لم ينتصب. خلعت ملابسي لأجد أن طوله قد قصر كثيرا، وإن بقي على عرضه، وبه تجاعيد كتلك التي تظهر على أوجه العجزة. وفي الأسفل منه مباشرة رأيت قضيبا آخر، كقضيب الأطفال، رفيع وينتصب على قصره، وكان أحمر اللون. استيقظت.