دموعه ملت عينى
نزلت على قلبه
دمت قلبى يا عينى
انا فين لست ادرى
نفسى ازور ارضى
ان شالله ارجع بدرى
مش عاوز اشوف بدرى
واشوف انا بعينى
يا دموعى اسمحى لى
ان شالله اعيش ليلى
انسى عيوب غيرى
واطير من غير طيرى
مجروحة يا سنينى
مفضوحة سامحينى
مفتوحة صارحينى
بابك يعدينى
جمرتين اتنين
نازلين م العين عالخد
يشوا اللحم يدوب العضم
يصبح وشى يضرب رعد
يموت الوعد
نقوم نسأل اما بعد .. ؟
اما بعد ؟
حياتك تبقى غير السعد
اما بعد ؟
متعرى والدنيا برد
اما بعد ؟
مظلومة ؟وحقوقها مهضومة ؟
اما بعد ؟
محدوفة فوق الكومة ؟
اما بعد ؟
فين سكة ليالى الصعد
اما بعد ؟
دى حكاية غريبة
اما بعد ؟
تسمعها من منف لطيبة
اما بعد ؟
نقوم نصحى فى عند لعند
اما بعد ؟
مكتوبة فى الكراريس
اما بعد ؟
حوليها المتاريس
اما بعد ؟
عن دموع النسانيس
اما بعد ؟
كان يا مكان
اما بعد ؟
كان فيه عفة وفيه حنان
اما بعد ؟
بس بقولك ( كان )زمان
اما بعد ؟
كان نسناسة حلوة بريئة
اما بعد ؟
قصدى كانت حلم حقيقة
اما بعد ؟
لقيت بشرى جوه سريقة
اما بعد ؟
هوب البشرى قال يا خطيئة
اما بعد ؟
قامت هي قالت لا
اما بعد ؟
زعلت منه يا ولداه
اما بعد ؟
جتكم خيبة با جنس عجيب
اما بعد ؟
فى ثانية بييجى ويجيب
اما بعد ؟
فى ثانية القلب حب الشيتا
اما بعد ؟
وفى ثانية ولع كبريتة
اما بعد ؟
النسناسة هى المحور
اما بعد ؟
بتيجى عليا وتكبر تصغر
اما بعد ؟
لقيت فوق الكوم عيل
اما بعد ؟
مقلوب على وشه متنيل
اما بعد ؟
قامت رافعاه على راسها
اما بعد ؟
واديتله حنان
اما بعد ؟
قلنا زمان كان فيه حنان
اما بعد ؟
واما كبر وصبح راجل داسها
اما بعد ؟
شوف الحال صبح الحق ليها هى
اما بعد ؟
عوجت روس الافندية
اما بعد ؟
فاكرة كل الناس هفية
اما بعد ؟
شوفتوا دموع النسانيس
اما بعد ؟
بكرة انشالله ها تاكلوا دريس
اما بعد ؟
وتعيشوا فى مود التحسيس
اما بعد ؟
هوه لسه فيه بعد
اما بعد ؟
ما خلاص تعبنا من بعض
اما بعد ؟
ها نشوف بعض .. ما نشوف بعض
اما بعد ؟
ها نضرب بعض .. مش ها يحصل
اما بعد ؟
مش ها توصل
اما بعد ؟
مش ها نخلص ؟ القلب طالع منه صهد
اما بعد ؟
ها يفضل سؤال عالق
اما بعد ؟
يحله لينا الخالق
اما بعد ؟
ما فيش بعد الخالق بعد
ها تروح فين .. قوللى انت اما بعد
اما بعد ؟
اما بعد ؟
اما بعد ؟