بشكركو من كل قلبي

عبده السلم والتعبان هيتعمل هيتعمل الحق دور على مخرج

طبيب اشكرك بعنف بس انا بالعب ايقاع ماكنتش راجع بغني نهاوند

غمريي .... جايلك وهتبقى ليالي طين

مليجي اشكرك وحاسس بتعاطفك من زمان معايا كأي مهندس طلع ميتيينه

وفي النهاية بشكركووو مرة تانية باسمي واسم كل من ساهم في العمل الجميل ده وانشاء الله انا هتعولق شوية وارتب افكاري لغاية يوم 23 وبعد كدة ابدأ حياتي من اول وجديد

my best friend wedding!!!!!!!!!!!!!!!!!!!!!!

احب اهنى الاخ فوكس بالأعفاء من التجنيد واتمنى له دوام الصحة

معظم الناس لما يبقوا مبسوطين بيحبوا ,لا اراديا يعني,يحتفظوا بالفرحة لنفسهم,و ساعات الخنقة بيرحوحوا لاصدقائهم

الشغل اخدت فية زيادة كويسة و صحتي بقالها فترة مش مستقرة و استقرت و الجو كويس و الشغل هادي,و الناس الي بحبها كلها بتحصل لها احداث حلوة,لية ما افرحشي؟؟؟

و بما انكم من الناس الي فعلا بحبها عاوز اقولكم اني مبسوط

مش حخبي...
بعد زيارة سوريا اتغيرت، حصل إحساس بالمسئولية عمري ما حسيت بيه

مستواي الدراسي في تحسن مطرد

عندي أمل كبير في بكرة

فرحان بمجرد احساس ان 2007 هيكون عام سعيد
متفائل جدا ليا و للي حواليا
في مؤشرات مش اكيدة
بس حاسس فعلا انها سنة خضرا ان شاء الله

مستحيل تشوف مليجي ووفاء ماشين سوا في الشارع حتي لو انت ما تعرفهمشي الا لما تقول دول مخطوبين,حتي في الفترة الي كانوا اصدقاء و مفيش حاجة ما بينهم,مهما مرت الايام ها يفضل عندي عنهم انطباع المخطوبين الازلي

مبروك عليك يا عريس و مبروك عليكي يا عروسة طلعتوا عينينا علشان تتجوزوا

اولي افراح 2007

الف مبروك يا مليجي

أنا فرحان بالحماس المراهق بتاع الواد شادي وهو بيوضب البردة كأنه بيوضب أوضته وبيعلق بوسترات اللعيبة والفنانين والزعما اللي بيحبهم

وانا فرحان برضه بس حاسس اني مستنيه يسيق الارض وتنشف من المية ويقولي ادخل برجلك اليمين

وانا هشمر وادخل

انا فرحان بشغلي الجديد كمهندس صيانة في توكيل سكودا ...يمكن مش هو اللي كنت بحلم بيه من حيث المرتب

بس مبسوط نفسيا من ناحية جو الشغل وارهاقه ... على الاقل بتشتغل بدل الركنة

وربنا يسهل ويستمر الوضع كماه هو عليه ومؤقتا

مبرووك يا باشمهندس فوكس..الاقيش عندك نص قدماني؟

النهاردة انا فرحان عشان في نهاية يوم عمل النهاردة اتفاجئت انهم مجهزنلي مبلغ حوافز او مكافئة اجادة عمل

بعد شهر وعشرين يوم في شغل مش في تخصص دراستي قوي اخد مكافئة اجادة عمل حاجة خلتني سعيد في يوم تلات على عكس ايام التلات اللي انا عارفها

وبالليل كنت مع البنت اللي ممكن تكون سبب في نهاية اسطورة الفوكس

بس كعادتنا بنقلق لما يوم حلو بيعدي ببقى حاسس او متأكد ان اليوم اللي قضيته حلو لازم هدفع تمنه يوم مر

مفيش اى حاجة فى الدنيا اليومين دول تخلينى مبسوطة أصلا .. الدنيا ملطسة مووت من كل ناحية
بس جيت اوقع هنا علشان بش اقول انى مبسوطة انى رجعت ادخل هنا بعد وقت طويـــــــــــــــــــــــــــــل مكنتش باجى
وحشتونى

حمدا لله علي السلامة