عالسلامة حمد الله

امبارح اكتشفت حتة خمارة عال
مكان سحري أخر من بقايا الزمن الفائت,الزمن توقف هناك علي وقت ما بين الستينات و السبعينات

المرتادون صعايدة لسة واصلين طازة بيجربوا "المزاج" و أسطوات و عازفين الكباريهات القليلة الي فاضلة من زمن الانفتاح ووريثة عز الاربعينات البائد دة غير مساحين الجزم الفلاحين و بياعات الفول السوداني لدرجة اني تخيلت انة الممثل التاريخي الي كان بيطلع في كل افلام فريد شوقي يبيع سطيم و عي شو جبنة ها يخش عليا

اول مرة من فترة طويلة قوي اقعد بنفس هادي في الميجا سيتي

انا مبسوط

يا استاذ لونولف عايز اقولك ان كلامك ده يحتوي على كم تفاصيل درامية شميت فيها رائحة المكان رغم اني ما افتكرش اني رحت حته شبهه قبل كده

احسدك على قدرتك على التعبيير

رحت الصوت و الضوء في السيدة عايشة

دا فين يا عبدة؟\

مش الصوت و الضوء يا ناجي و مش ها اقول علي اسمة يا هواري معلش,مش طالبة الاقي الاسبوع الجاي افلام قصيرة بتتصور فية و فنانين تشكيلين جايين يستلهموا جو المكان

شوف الشرموط

دفعتي القديمة اللى بقيت بحبهم اوي الفترة دى..عملوا حفلة قبل التخرج عشان الاخوية و الزمالة و الكلام الجميل ده كله..دفعتي القديمة اللى هيتخرجوا السنادي ان شاء الله كلهم ليا معاهم زكريات كتير..حلوة ..يمكن عشان مكنتش بحضر دايما كنت بروح في لحظات الانس و الفرفشة عشان كده الزكريات حلوة
؟؟
في يوم سبت فات من حوالي شهر اخدت اكبر كمية صور في حياتي..اكتر من صور ايام هبلستان
و كنت سعيد فعلا مع انى كنت خايف في اول اليوم من احساس انى وقعت من القطار..و اني هبقى زى كتير مدبلرين شفتهم فقدوا بريقهم ,وانا بحب البريق, وكنت هزعل اوى لو مكنش في بريق بقى..بصراحة يعني

انما اللي حصل انى كنت حاسس بمراسم التكريم زى واحد قعد كتير يمثل و في الاخر خد جايزة عن مجمل اعماله في المهرجان
او لعيب كورة اتعولق فترة بس الناس لسه بتحبه


و اذا ما تغاضينا عن تأثير الرمز المفقود،سوف يتضح انه كان يوما من افرح ايام هذا العام

..

ده هو نفسه بتاع الصورة ولا واحد تاني؟

انا فرحان ان ما بقتش بتوتر من ضغط الحياة..كل الحاجات بقت عادية و زي ما بيقول الشاعر
"تيجي ما تجيش انا كده كده راضي"

رغم انها حالة مش صحية الا ان انا مبسوط بيها

أنا فرحان اني اخدت وضعي في الشركة بسرعة واندمجت مع المجموعة اللي هنا باستثناء شوية شكوك اعتقد انها من داخل نفسي الموسوسة لكن بشكل عام انا مبسوط

إذا الأمور مشيت بشكل منطقي، يبقى أنا حتخرج السنة دي

اخيرا يا شهوره

أنا بدوّر على أغنية حدوتة حتتنا بقالي تقريبا سنتين، ولقيتها النهاردة
!!!

سعيد جدا
!!!