مبسوط قوي اني قعدت مع اهلي اسبوع في البيت و ما نزلتش كتير,و هديت نمط حياتي شويتين
دة حدث تاريخي يستحق احتفالات خاصة!!!!
أمبارح علي الساعة 12 بالليل كدة نزلت انا و ربيع من القلعة علي السيدة,ضربنا طقم فول محترم من البغل (مش الجحش) و قلنا نتمشي لحد وسط البلد و كل حي يروح لحالةة,جالي تليفون من عمر مصطفي أنة في جاردن سيتي و الديوان بتاعة جة من المطبعة ,المسافة بيني و بين الدار كانت عشر دقايق مشي,رحت لة,الجميل في الموضوغ ان الرواية بتاعة ناجي(روجرز) كمان طلعت. علي حظي الحلو كنت أول مشتري للأتنين.علي قد منا مبسوط بناجي و علي قد منا عارف انة مبسوط بس كمان الفرحة العيالية في عينين عمر مصطفي بسطتني, لسة في أسباب وجيهة للفرح!!!!!!!. مبروك يا أولاد ,مبروك يا ناجي النشر,بسطتني قوي يا ولا!!!!!!!!!!!!!!!!
مبروك يا ناجي ... عايز الحق نسخه بقى قبل ما كله ينفذ