أنا مش ف نشوة حشيش ولا حاجة
حطوا هنا أخباركم الشخصية أو أي حاجة تفرح
مش عايزين هيس أو محاولات تخريبية م الناس المبضونة بيضان مزمن
بيقولوا
1. الواد ألدومورو بيكتب قصص قصيرة
2. الواد شاديكوف هينشر ديوان ف ميريت
3. الواد، قصدي الولا، راضي أجل الليلة الكبيرة - ده خبر سعيد بالنسبة لي ع الأقل
4. ؟

انا جاتلي حالة غريبة من كره البنأدمين

يمكن عشان الحر وكمية الناس اللي عاملين زحمة في اسكندرية


بس ممنوخ بيقول ده اضطراب نفسي

وإيه اللي يفرح ف كده يا ابن المجنونة؟

loooooooooool

ببيض عليكو


انت عارف ياللي في بالي اني ممكن ادور فيكو الضرب وعارف اني رفيع بس عصب

انا مبسووووط
فاضلي حوالي 6 شهور واخد افراج

واخد تأبيده من سنه 80 من غير مااعمل حاجه لحد

ياللا السجن للجدعان
عقبالكو يا رجاله





مش هاتيجي تاخد حاجتك بقي يابني؟

يا تامر خليك أوضح شوية وفهمنا انت فرحان ليه
يمكن اللي يعرفوك قوي زيي يفهموا بس عايزين نشرك الكل
واضح انكو بتعرفوا تعبروا بس عن بيضانكو واكتئابكو
بتتكسفوا من إنكو فرحانين؟
المصري بيضحك ويقول خير اللهم اجعله خير
والسلفيين بيقولوا كثرة الضحك تميت القلب
هاقولكوا حاجة
واحد صاحبي من فترة سألني إيه اللي بيسعدك
فكرت وقعدت اقول له كذا وكذا وكذا
لقيت ان حاجات بسيطة ويومية بتسعدني
واكتشفت اني بامارس السعادة فعلا
يعني احنا مش محتاجين جريت إكسبيكتيشنز تتحقق عشان ننبسط
السعادة نوع من الرضا، والرضا مش دايم لانه لو دايم الإنسان مش هيتحرك، زي ما الاكتئاب لو دام برضو بيبقى شبه ميت
ده خط متوتر وتوتره إيجابي، وإن كنت أومن بإمكانية توجيه توتره
هل فيكو حد أدى نظرة للي فات من حياته وطلع باكتشافات فرحته؟

أنا في حالة سكر بين من الحب
أول مرة أدخل علاقة عاطفية من سنة 96
ومش محتاج أقول انها أول علاقة حقيقية
الموضوع ما بقالوش أسبوع
قبل كده كانت حكاية ملخبطة

الواد شاهر كتب قصيدة، قصيدة حلوة

حلو التوبيك ده يا موكشي

فعلا عمرنا ما فتحنا توبيك عن افراحنا

و انا قاعد بهنى و ابارك لحد ما تجيلي الفرحه
^*^*^*^^*^**^***^*
تامر ما تفرحنا معاك عشان مش مترجم اى حاجه من اللى فوق




عل العموم

كل حاجة بتفرحني....تخيلوا
!
لأن الحياه نفسها سهله..و الحزن ما بحسش بيه غير لما افكر








يا صباح
شايل الأفراح تملي
شايل لى شايي المحلي
حموكشة

ماشي في شوارعك يا مصر
ماشي ... والمشي طاب لي


من وزارة الزراعة، وعلبة السجائر في جيبي تشغل حيزا كبيرا من تفكيري، كأي مدخن جديد، أعبر ميدان الدقي وأسير في شارع الدقي، الجو شديد الحرارة وأنا أبحث عن الظلال، الغمري وإيهاب ووائل لا يردون وعبده أغلق هاتفه، يبدو أنه يهرب من الرأسمالي الحقير، لا أرغب في العودة إلى المنزل، أشعر بالملل، كما أنني أشتاق لها كثيرا وهو ما يلح عليّ في أي وقت وأنا أفعل أي شئ، كما ألح عليّ الآن وكتبته خارج السياق، اتجهت إلى كلية الفنون التطبيقية وركبت سيارة متجهة إلى ميدان الجيزة، عند باب الحديقة الذي يقع بجوار المدرسة السعيدية دخلت حديقة الحيوان، لأنني أشعر بالملل، شاهدت نماذج كثيرة للناس والبشر داخل الحديقة، ريفيون مبهورون بالمدينة التي يلفظهم أهلها، وأجد نفسي ألفظهم أيضا دون أن أدري، أبناء المدينة يبحثون عن العبث والمرح، عاشقان يختليان في ظل مجتمع لا يرحم

أخرج في شارع مراد وأتجه إلى شارع النيل، في آخره وتحت إحدى البرجولوات شاهدت من بعيد فتاة تمشي "بدلع" استغربت أول الأمر، ثم استطعت تمييز حوالي 10 شباب وبنات يقومون بإجراء بروفة لمسرحية ما
قررت المشاهدة
كانوا ينظرون بتوجس، فالمجتمع الذي لا يرحم كان يتمثل لهم في شكل أفراد يقومون بإلقاء كلام مستفز ولكن مع ابتسامة قصدت أن أضع فيها كل ما استطيع من براءة بدأ التوجس يتحول إلى عدم اهتمام ثم إلى ابتسامات هادئة وواثقة.

المخرج ينفعل، يقول للبنت التي لمحتها أول ما لمحت، أنا مش مصدقك .. بصي .. أهو واحد من الجمهور حسأله.. نظر إلي، انت مصدقها يا كابتن؟
بمنتهى الصراحة وقلة الذوق قلت : لا
شعرت بالحزن، وشعرت بالحرج قفد قالت لي: ما تبصش .. ابتسمت لها وقلت بس ممكن أصدقك المرة الجاية

في الاستراحة تبينت أن العرض سيكون في الساقية والمسرحية اسمها هو ده حلمنا

أثناء عودتي، كان هناك صديقان في ميدان الجيزة، يغنيان

وقلبي من بعد الطيران
ما حيلته إلا جناح مكسور

قمت بهوايتي في المناغشة، صفرت لحن الأغنية ومضيت سريعا وكان صوته يعلو

عدت إلى المنزل .. تناولت طعاما أحبه، أرز وسلاطة خضراء
كلمتها

الحاجات دي مخلياني في قمة السعادة

مبسوط إن حمكشة رجع


حمكشة قادر على تجميع عواطف الناس في قلبه
عندما يكون ساخطا
يكون المنتدة ساقطا

وعندما يبتسم
يتحول المنتدى إلى شفاه بسّامة

الأيام دي عنده ولع بسعاد حسني

حليت فى أمتحان النسا دور تانى أمبارح حلو جدا

الدكتور فى الشفوى قالى انت اسمك ايه .. قولتله حاتم ..قالى منين .. أبوزعبل

قاللى .. مين اللرمى القنبله النوويه ع اليابان .. هارى ترومان

واللى كان قبله .. روزفلت


وقالى اللى دخل السونار مصر

بلمت شويه

ورحت قايل حضرتك يادكتور

قالى سؤال كده زى ما يقولك مما يصنع المشبك

جاوبت طبعا

قالى قووم .. خمسين من خمسين



وانا اليوم فى اسعد حال