اتكلم براحتك

أتفضل انت الاول

يا صفايح السمنة البلدي

ساحاول هنا تجنب التعميم والكلام المطلق على حل شعره .. اعرف جيدا ان النساء كالرجال تماما فلكل فرد خصائصه و تفكيره و طباعه .. ساكتب هنا عن الانثى بصفتها شريحه من المجتمع نتعامل معها يوميا .. و ماساذكره عنما احبه او اكرهه فيها - و ماستذكرونه انتم لو احببتم - هي انطباعات عن تجارب معهن و في الغالب تعتمد في النهايه على شخصيتي وردود افعالي قبل ان تعتمد علي اي منهن
..
برضه خوفا من ان اوصم باي شيء اكرر هذا الموضوع ليس
Sexist
التوبيك ده ممكن يتكرر زيه عن الرجل المصري و حايكون الانتقادات مماثلهاو ممكن اكتر .. اعتبروه زي توبيك انتقاد الشخصيه المصريه لكن بعد تقسيمه لنوعين .. ممكن نعمل بعد كده توبيكات للطبيب المصري او المهندس المصري او الجد المصري مش حاتفرق
..














..

طبعا كل الكلام ده فض مجالس انا داخل افش غلي بدل مايجيلي شلل من الكائنات دي
!!

اكتبوا بقى اللي بيخنقكم و اللي بيبسطكم فيها
..
حابتدي انا
:

من اكتر الاشياء اللي بتخليني ( اتميز غيظا ) هي فكرة الهدف الذهبي وسط طلبة الجامعه .. الحكايه بتبدا بفكره راسخه وهي ان البنت هفها الاساسي الزواج من رجل مقتدر .. في كليتي ( و اظن الكليات اللي اسمها قمه ) البنت التقليديه غالبا بتدخل بهدف النجاح و حمل شهاده جامعيه ترفع رصيدها الزواجي يعني تضمن لها عريسا مؤهلا و صاحب مستقبل مضمون و برضه البحث عن عريس دكتور من وسط زمايلها و ده له شقين : اولا ضمان لو نسبي للمستقبل لان العريس الدكتور احسن مثلا من العريس التجاره او المحامي

ثانيا : ان البنت غالبا بتكون مؤمنه ( و ده باعتراف بعض زميلاتي الاعزاء ) ان الراجل في بلدنا مش بيحب مراته يكون مؤهلها اعلى منه .. و اصدق ان هذا صحيح نسبيا .. و ده بيدفع البنت فعلا للبحث المستميت عن طبيب او مهندس .. او غيره .. ده طبعا لو كانت معقوله و معتدله و مالهاش طموحات اكتر من العش الصغير
..

القاعده دي انا مؤمن بصحتها كاكتر تفسير محتمل لظاهره تحدث في نهايات السنين الجامعيه : الظاهره زي ماقلت فوق اسمها ظاهرة الهدف الذهبي او الوقت بدل الضايع
..
بتبتدي تظهر محاولات مبطنه اولا ثم تزداد في الظهور .. المحاولات دي بتزداد حدتها مع قرب انتهاء الكليه خصوصا في البكالريوس .. محاولات شد انتباه ولفت نظر.. بل و التاكيد على التوفر بالنسبه للذكور المعروف عنهم عدم الارتباط او الدخول في علاقات عاطفيه
..
طبعا الظاهره تزداد مع الزملاء الاغنياء و المرشحين للتعين في الجامعه كاساتذه .. و تقل جدا مع العكس و لذلك فانا لا اتعرض لها كثيرا و ان حدث فبتكون البنت يا عيني مش مجمعه معلومات كافيه عني
..
لكن نحكي مواقف : زميله ممن ظهرت عليهم الاعراض كانت مثلا بتحاصر صديق ليا ميسور الحال و التقديرات بالاكل و السندويتشات و المرطبات خلال المحاضرات .. و كانت بتبذل عنايه فائقه للعنايه بيه لدرجة انها اتحرمت من الامتحان يوما بسبب محاولتها تغشيشه اسئلته على مسافه تزيد عن ال4 متر
..
صديق اخر له جكايه اكثر كوميديه : لا يمتلك الولد الا صبرا يؤهله لتحقيق تقديرات فوق الممتازه .. و بدأ الرجل يصبح هدفا لمخططات الهدف الذهبي ... و كان قد بدأ بالفعل الدخول في علاقه ظريفه مع زميله طريه للغايه .. لكن الحظ عانده ( وربما انشغاله في العلاقه ) فمني بهزيمه ساحقه في اختبارات العام الماضي كادت تصل الى الرسوب .. و بالطبع الولد خرج من احتمالية التعيين كمعيد و ايضا من حسابات الوقت بدل الضايع .. و انفض الجميع من حوله و حاله الان تصعب ع الكونفشيوسي
..
نظرة برضه المجتمع للدكتور ( اللي قد الدنيا ) تتوقع الرفاهيه و يسر المعيشه لمن يمتهن المهنه .. و ان مكانته الاجتماعيه و مستقبله مضمونان فالبتالي تتغير كثيرا طريقة المعامله حين اذكر كليتي خلال التعارف او بعده خلال الاحاديث العابره مع انثى .. الملاحظه الدقيقه تكشف هذا بسهوله .. و في الحقيقه كنت العب لعبه ظريفه .. ازور اصدقائي في المجمع النظري ( جيث كليات السياحه و الحقوق و التجاره ) و اتعرف على صديقات اصدقائي ممن يحلون من على حبل المشنقه و استمتع كثيرا باخفاء دراستي حتى لحظه اكون قد درست فيها اتجاه الحوار و حفظت اسلوب المعامله و الاهتمام . حتى افصح عن السر لتتغير الطريقه 180 درجه و 9 دقائق .. اذكر و لا انسى صديقه فزت فجاه لما ذكرت الطب و بدات تجر ناعم تمهيدا لشيء محتمل .. لكن طبعا كل شيء بيبوظ لما بيكتشفوا اني كافر ابن وسخه مش بصلي
)

طبعا ما سبقى ينطبق على البنت المصريه العاديه طالبة الجامعه اللي بتحب عمرو دياب و عمر خالد و الشيخ الزنداني و ماتعرفش و لا تتخيلش ان في مكان اسمه التكعيبه و ان في مثقفين و معارضه بيشربوا خمره بعد مايناضلوا و يبدعوا
..
عامة :

اعتبار الرجل كمشروع تجاري وارد جدا في المجتمع و في طبقات كتيره ... و دي احد الاشياء التي تفقعني في الانثى المصريه رغم اني متفهم جدا جدا الظروف الاقتصاديه الطاحنه اللي بتدفع لكده .. لكن اعتباري كمشروع هو امر يزعجني لاني اساسا لا اضمن لنفسي الرفاهيه فكيف تصبح هي كل مقوماتي ؟؟

اللي ذكرته نموذج لكن لسه في نماذج اخرى خارج نطاق الجامعه و الدراسه ربما اكثر دلاله
ربما لاحقا

انا كنت في الجامعة مع نماذج ثانية خالص
بس مكنش عندى الميزة اللى عندك
وهى انك ممكن تلعب على الفروق الطبقية بينك وبين الاخرين

لان كلنا تقريبا كنا من نفس الطبقة
فالحال من بعضه

ابسط ما اقدر اقوله ان معظمهم دماغهم فاضية

ممكن نكمل على كلام جار القمر

يعنى فى فتره الامتياز او بدايه التعيين لينا كخريجين طب, اللى حاصل ان البنات فى الوقت ده بتكون فى مرحله الباحثات عن الحريه والموضوع هنا بيوسع شويه لان فيه نواب كمان وتكليف يعنى فيه تدرج فى الاختيار وبالتالى فى البدايه بيكون التشنيب( لفظه رجاليه وتعنى النظر للأنثى بهدف ما ويمكن هنا تطبيق نفس الكلمه على الانثى ) على النواب لو منفعش ننزل شويه ع التكليف لو ضاع ده كمان نبدا نبص بقى على زمايل الامتياز وربنا يكرم بقى


الانثى المصريه بشكل عام مش سالكه يعنى لو معندهاش مشاكل نفسيه فهمى فى الغالب عندها مشاكل مع نفسيات الآخرين وانتشر جدا فى مصر فى الفتره الاخيره مصطلح نفسنه البنات
بتكون محجبه ونفسها تقلع الحجاب او العكس نفسها تلبس النقاب يعنى هتموت وتغير من نفسها بأى شكل لأى نقيض برده وكله ماشى
اراكم قريبا

يعني استكمالا لموضوع التشنيب .. زميلتي اللي النهارده جايه تقولي انت درجتك في الاطفال مش حلوه قوي بس انا عذراك عشان انت كنت مسافر امريكا .. و التغيير مطلوب .. دي واحده عرفت درجاتي قبل مانا شخصيااعرفها .. و السنين اللي فاتت كلها كانت بتجيبلي درجات كل المواد و تبلغني بيها و تتقمص لما اجيب درجه مش كويسه .. ايه الخرا ده
..
بجد حسيت بشعور خرا .. حسيت اني بيتحكم عليا .. ببساطه هي بتضمن ان الشخص اللي هي عايزه تطور علاقتها بي من صداقه لطيفه لحاجه اهم مستقبله معقول و يقدر ينفع نفسه و يجيب تقدير محترم
..
ايه البضان دي

في نماذج من الفتيات تحس إنها عاوزة تتجوز، عريس يعني

وأنا بحب ألعب اللعبة دي، يعني مثلا أتعرف على البنت، نكتتين، على شوية كلام كبير ومجعلص، تحس إنك شاب لطيف وظريف وبتفهم وبتاع، تبدأ تقرب، ومكالمات ومقابلات، لحد ما توصل لمكالمات ما بعد منتصف الليل، وفي عز ما هي حتقول لك إنها بتحبك تفجر القنبلة: أنا مسيحي

بيبقى رد فعلها هايل بصراحة

---------

النموذج ده، موجود عندنا في المنوفية بكثرة، المنوفية هو المجتمع اللي بيطلع فيه على البنت سمعة سيئة لأنها لبست بنطلون

في الجامعة بيكون في هامش حرية، مجتمعمفتوح شوية، شباب وبنات من القاهرة، دكاترة محترمين مش بتفاهة المجتمع اللي هي جاية منه بتاخد شوية حرية

بتبدأ تبص على الولاد اللي معاها في الدفعة، مين الولد الأمور الظريف اللي بيفهم

---------
بحس إني سلعة معروضة للبيع. علشان كدة بلعب اللعبة القذرة دي بتعريص مش ندمان عليه

http://www.facebook.com/group.php?gid=2238241891&ref=nf

من اكتر الحاجات الي بتلخبطني في التعامل مع الأنثي المصرية ال
Inconsistency
يعني مثلا,لو حسنية لها 3 زمايل
حسني و حسن و حسين
و التلاتة علي نفس درجة المعرفة بيها و مثلا كل واحد فيهم مد أيدة في شنطتها و اخد 10 جنية
حسني ها يتقال لة برافو عليك,لانة شال الحرج الي ما بينهم و اتصرف لما كان مزنوق
حسن ها يتشتم و ممكن تتم مقاطعتة أسبوع ولا حاجة
حسنين ها يتقال علية ابن ستين في سبعين و يتسيح ل ةفي الشركة كلها انة حرامي

من ناحية تانية ردود الأفعال ال
Unpredicted
و أنك المفروض تبقي فاهم هي عاوزة اية من غيرما تقول
الموضوع دة اخدت بالي منة قوي أيام ما زياد ساب كاترينا و خطب
The blair witch
الي هو مثلا لو مثلا انك اتأخرت عليهاو هي زعلت و قالت لك سيبني دلوقتي,لو الموقف دة اتكرر مرتين مرة ها يكون قصدها انك تسيبها بجد و المرة التانية ها يكون قصدها "أتحايل علي شوية" ,طبعا دة كان مستحيل يحصل مع السلافية الي لما تقولك سيبني دلوقتي يبقي يستحسن تسيبها بدل ما تديك بالقلم علي وشك .

طبعا كل ما سبق دة يدخل تحت نطاق السيكسزم الي هو عكس الفيمينزم ,دة بما أننا كلنا هنا دكرة في بعضينا الا كام واحدة عارفانا و مستحملنا زبالتنا

..

يا عينى يا حرام
ملايكة ملايكة ملايكة كلكم

طبعا كل الكلام ده فض مجالس انا داخل افش غلي بدل مايجيلي شلل من الكائنات دي
[QUOTE][SIZE=7]



ده على اعتبار احنا احنا ولاد ستين كلب على طول الخط وانتو ملايكة ومستحملين أرفنا على طول

ضحكتونى بتفخيم الضاد

نموذج آخر: بنت الجامعة الأمريكية

-----

نموذج وظيفي، بمعنى: كل إنسان في الدنيا دي له وظيفة معينة

موظف الأمن على باب الجامعة له وظيفة معينة، السواق بتاعنا ليه وظيفة معينة، الدكتور بتاع الجامعة ليه وظيفته. الويتر في سيلانترو ليه وظيفته
وبابي ومامي عندهم وظايفهم

----

الكل بيتآلف في النهاية علشان هي تقدر تقوم بوظيفتها: الدراسة، والخروج
----

النوع ده من البنات أصابني بنوع من الدهشة، مثلا، مش بيروحوا الأوبرا غير علشان عندهم مادة الدكتور طلب منهم يقيموا حاجة معينة، علشان ياخدوا 2%، يعني الحوار بيكون إني رايحة الأوبرا أجيب 2% وراجعة
!!!

من ناحية تانية، الخروج بيكون محور الحديث فيه، بابي ومامي والنادي، ولما كنا في مدريد سنة 2003 عملنا إيه، آه بس فان اللي قابلناه في روما سنة 2005 كان غلس
!!!

بحس إني بتعامل مع كائن غريب، مفيش أي قدرة على إبداع أي حاجة، ولا على تذوق أي حاجة جميلة، حتى بيقولوا: أنا مش بحب مزيكا معينة، أنا بحب المزيكا لما أكون في بارتي وبنرقص
!!!
----

المجتمع طبقي ابن وسخة، البنت دي مرة كنت ماشي في طريقها، قالت لي إن السواق حييجي يوصلها، فممكن أركب معاها

وقعدت تعتذر بجد، وبخجل، غن العربية صغيرة ومش حلوة، وإن بابي واخد عربية وأخويا واخد عربيتي ومفيش غير العربية دي

ولما العربية جات، لقيتها مارسيدس، اللي بيقولوا عليها زلمكّة
----