الاهلي و طنطا
----------

ييميِنْ حاضِر...

شِمال حاضَرِ...

ما هُو السِواقَ جَدعْ شاطِر...

يسُوقْ دُوِغْرى...

وعند نَزَلِة الكوبْرِى...

لقيْنا رُوْحَنا مِش فاهْميِن...

مَفَيش ميهْ ولاَ بنْزيِنَْ...

قلعنا الصبر والفَساَتينْ...

والدنْيا هيصَه والزَحمة وَرَطةْ...

ومَعَدْشْ يَنَفعْ تِتْصَلّحْ الغَلطَة...

وأنَا كُلْ خوِفى...

يفُوتنى مَتَش الأهْلى وطَنطَا...

فِى كاس مَصَر...

كنت فين يا علي
-----------
على سلامة

كَأننا فِى حَالة حصِارْ...

شَكُلنا الصُبحْ...

زَى شَكُلنا آخرِ النهارْ...

والدُنيِا بَرَدْ...

زَى الدُنيا حَرْ ناَر...

عِرفَتْ معَنى اسْتِعمارْ...

مِن غيِر مَدْفَعْ ولا عَسَكَرى...

كُنَت فِيِنْ يا علىِ..

ورق عنب
-------
قَالتْلى اخْتَلافْناَ...

قولتْلها مِن زْمَان...

قالتِلىِ...

يا رَاَجِل دِماَغَكْ ولا يهِمَكْ...

قُلتلْها مِش جَعانْ...

قالتلى دِه مَحْشى...

قُلتِلها وَرَقْ عِنبْ...

قْالتِلىِ بِتِنْجانَْ...

قُْلتِلها إخْتلافنَا...

قَلِتلىِ منْ زمَااااااااااااانْ

بَحب العسَلَ
--------

بحَب العَسَل....

وأمُوت فى الكَسل....

ووَقت الأزمَة....

أَقول ف العشِق حِكمة ومثَل....

ألاقى ميت مليون هَجَّاص....

أفكَر....

مَفَيش لا صُوت ولا نَاس....

لأنِىِ كِده....

ثَقافة وعِلم....

يَدوُب فى الفِيلم فى الكُرَّاس....

ورِاَسِى زى أكَبر رَاس.....

مَفِيش أحلام....

مَفيِش إِحساَس......

ختْم دِخُولْ...
----------

مِش معْقُولْ...

بِيِنى وبِينكْ خِتْمْ دخِوُلْ...

ودول ظُباَطْ وعَسَاكَرْ...

ولا حَبَايب...

أنا مِش فَاكِرْ...

أنا مِش غايِبْ...

أنا مِش سَاَيبْ ولاَ فتْفُوتَةْ...

إيهْ اَلحدُوتَةْ...

لِسّهْ جَمارِكْ...

لِسّهْ هانُدُخلْ تانى معارِكْ...

ده أنا مِش مالِكْ...

غَيِرْ أشواقْ...

الَله يِلعَن أى فُراقْ...

بيْنِى وِبينكْ...

خِتمْ دُخوَلْ...

مِش معْقُولْ...

الْكيِلُوْ تسعينْ
---------

يكُونْ ف عِلْمَكْ...

أنا مُتواضَعْ جِداً....

وِمشْ طالبْ كتيرْ....

يَعنى شَقَة صُغيِرةْ...

ف الكيِِِِِِِِِِِِِِِلُو تِسعينْ...

مَا هى الحَياة مَشَاوِيرْ....

مِشِ شرْط بَقى بتطلْ...

عَلَى جَناين وهَوا وعَصافيرْ...

وبنت حَلالْ ومِش شَرطْ....

زَى اللى ف الكلَيب الأخيِر...

وحِتة مدرسةَ صُغيّرةَ...

أهَى أِلعيال تُفكْ الخَطْ....

ومِش شَرْط لُغات وحرَكاتْ...

وجَغرافيا وتعبيِرْ...

وأدْخلْ القسْم...

أطَلَعْ زِى ماَ دَخَلْتْ...

مُحتْرَم وكبيِرْ....

ساَعَاتْ الَمطَرْ.....

وساَعَاتْ....

أوَقاتْ بِييجى ضَعيفْ....

تبِل وِش الرَصيفْ...

وتَُنقش ع الإِزاَزْ خَيالاتْ...

وساَعَاتْ يِهز الأَرضْ....

ياخُدْنا نُحضنْ بَعض....

نِفتَحْ شبابِيكْنا إزِازْ وِشيِشْ...

تَقولِيِلىِ مَتخَفْشىِ...

وأَقوِلَكْ مَتخَفْيِش....

يا هَل تَرَى هَنْموتْ مِ البَرْدْ....

وَلا ابتَديِنا نِعيِشْ.....

معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني في ألم
أو يستلفلي من لئيم حبّة أمل
حالة كده .. معرفش إيه

حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه

كيس البرتقان

ملقتش في الشتا ونيس
غير كيس البرتقان
آخد منه و أقشر
و أضحك أحسن ماكشر
و أصدق روحي و أفشر
و أصدق إني باقدر
أفرح زي زمان

و لما خلص البرتقان
راح م المكان الونس
قربت من التليفون
جايز يرن الجرس
لقيتني أنا و روحي
مش مرتاحين لبعض
قلت مش مشكلة
المرة الجاية بقي
أعمل حسابي في قفص
مليان بالبرتقان

وفضلت استنى استنى
لحد ما عدى آخر قطر وفات
حزنت قعدت أعيط أعيط
تعبت م العياط
قلت أتمشى أتسلّى
أتفرج ع الشوارع والناس و العربيات
زهقت
قلت أرتاح
سندت على روحى
إتلخبطت جوايا كل الحاجات
مديت إيدى ف جيوبى
لقيت شويه ورق قديم
وصور وكروت تليفونات
قلت أكلّم مراتى
افتكرت إتها خدت الدوا
ونامت من تلات ساعات
قلت أكلّم اخويا
افتكرت إنه طلع معاش مبكر
وكاره تاريخه.. ومركّز فى التأمينات
أكلّم أختى
ها تعيد وتقول نفس الحكايات
أكلّم خالى
افتكرت انه غتت غتاته
ومعايا أنا بالذات
أكلّم خالتى
قلت يا واد
دى كانت خالتى وخالتك... واتفرقت الخالات
أكلّم صاحبى صلاح
افتكرت انه سافر العراق
وفى احتمال يكون مات
قلت أنا أصطاد موزه
واعمل دماغ
بس معرفش حد بتاع مخدرات
قلت امشى فى مظاهرة
لقيت العساكر راجعين.. مشطّبين على كل المظاهرات
قلت اتصل بالساده المسؤلين
هايتهمونى بإزعاج السلطات
قلت يا رب
أنا إيه
وليه
ونسيت إيه
وقطر إيه ده اللى فات
الله يرحمك بقى يابا
والفاتحة على كل الأموت

عرفت قلوب كتير
الطيب واللبط
ده قلب منى طفش
وده قلب في شبط

وبين الفرح والوجع
أنا قلبى ياما اتخبط

لكنى بارجع وأعيش
وأعشق وأحب بعبط

نعيماٌ

حمص الشام
--


يعني أنا مثلا
أبقي قاعد في البيت
بتفرج علي التمثيلية
و بقزقز لب
و بشرب حمص شام
أو بشوف الأهلي و الزمالك
في الدوري العام
أو بفتكر أنا و المدام
أيام الغرام
أو بعمل زي الناس
ما بتعمل في الحمام
يدخل عليا حد
من غير إحم و لا دستور
و يقوللي طبقا للدستور
عايزينك
طب بذمتك و دينك
ده اسمه كلام
معلش أنا بستفسر مش أكتر
علشان لما نروح
نروح و نيجي قوام
طب اشرب الحمص !

الدستور 15 مايو 2007

كنت فين يا على ..

كنت فين يا علي ...
أمك بتدور عليك ...
كنت باحفظ ف الحروف ...
غصب عني و ع الظروف ...
خدوا دوري فى الصفوف ...
وإنتي لسه بتسألي ..
كنت فين يا علي ...
كنت باحلم بالوظيفة ...
والحرير تحت القطيفة ..
الحياة طلعة مخيفة ....
كدبة بنت آرندلي ....
كنت فين يا علي ...
كنت بسأل إيه اللي صار ...
بره جنة .. وجوه نار ...
و عرفت إيه معني إستعمار ...
من غير مدفع ولا عسكري ...
كنت فين يا علي ....
كنت ماشي بدون بطاقة ....
لا عندي شوق ولا عندي طاقة ..
بسألك وبدون إساءة ..
إمتي تاني تنوري ....
كنت فين يا علي ........

الواد ميشو
ابني الصغير
دمه خفيف شربات
من غير ما يقصد
ياما علمني حاجات
معدش بيحب الحواديت
ولا حكايات الشاطر حسن
المهم
بيموت ف الرز بلبن
ويغرق ف البلوظه
قلتله نفسك تبقي ايه
لما تكبر ياميشو
قاللي يابابا نفسي ابقي ....
قلت له لا
دي اتلغت ياحبيب بابا
قالي خلاص
ابقي انا ال ...
قلت له ودي محجوزه
قاللي يابابا ممكن ابقي ....
قلت له ودي للناس المحظوظه
قاللي هوا بقي
يابابا عايز ابقي ...
قلت له ودي محتاجه وقت
وانا كبرت
وامك كمان ست عجوزه
قاللي خنقتني يابابا
تصدق
قلت له جننتي يا ميشو
يا ابني نقي حلم
ينفع يتحقق
قاللي يابابا
بتسالني لييه
طب قوللي انت احلم بايه
وانا اديلك شويه
رز بلبن

بتنسى يا فارس .....

بتنسى …
يا فارس ..
فلوس المدارس
و كأنك ...
ولا فاكر خالص
ولادك يا اخويا ....
بتدرس لغات ..
ده غير الباصات
وإلا الدروس ..
ها تبعت فلوس ..
بتنسى يا فارس ..
أتارى لأسامة ..
وجزمة سلامة ....
و شنطة منال
ما هم العيال
بتنسي .. يا فارس
قماش الستاير ..
و داير يا قلبى ..
في نفس الدواير ..
وبا ارجع الاقي ..
الصغير ... صغير
ونفس الشوارع ..
بتحلم تغير ...
بتنسي ..
يا فارس ....
في أول أجازة ..
نشوف الأراضي ...
في مصر الجديدة ...
يا إما المعادي ....
ها تنسي ..
يا فارس ....