أوعاكي تبكي عليا يامه لما أموت
متعدديش
ومتلبسيش عليا الاسود
توب الحزن مش لايق عليكي
بس الكفن
لايق عليا

1-في الكفن

كل العيال اتجمعوا ...هيلعبوا الحنجيلة
والليلة..كل عيلتنا عندنا مترصصين علي الكراسي خشب
ووشوشهم كئيبه مكشرة

2- في الكفن

صورة باطار دهب وشريطة سودا
لشخص ملامح وشة ممسوحة
بعد مسح النوع ...الهوية...والديانة من البطاقة

3-في الكفن
انسان ...أو بيحاول يكون أنسان
قاعد في الخمارة مستني الصبح يتخمر
عشان يشرب منة ....كاس لعمر جديد
4- في الكفن
حبيبتي .......اللي كانت حبيبتي مصرة عالهجرة
وانا كمان........مصر عالنسيان

الله..الله

رحلة في اتجاه عكسي ... جميلة جدا ... لحد اللقطة الأخيرة ف الكفن ...
هدمت بيها كل التصورات المسبقة ... و لعبت ف نافوخي صح ..
جميل جدا ...
رحيل ف كل الاتجاهات .