لست متفائلا

استيعاب جماليات العمران القبيح

من كتر ما انا بقيت محبط من الحالة المتدهورة للعمارة في مصر بصفتي من المهتمين بيها بقيت ببوس ايدي وش و دهر لما الاقي عمارة او مبنى وحش بس مش وحش قوي
..
بالظبط زي ما انا في اول ما ابتديت اسمع مزيكا كنت بسمع الشيخ امام و سيد مكاوي و سيد درويش و منير و ايمان البحر و على الحجار و الحلو.. و كنت بكره عمرو دياب و ايهاب توفيق و مصطفى قمر و امثالهم..انما دلوقتي بعد هوجه الكليبات و كل الناس اللي بتغني عمال على بطال و بيقولوا اي حاجة في اي حته..بقيت ما بتدايقش من ايهاب توفيق و عمرو دياب..و ده شيء انا مستغربه..

نرجع لموضوع العمارة..بقيت في معظم الأوقات ما بتدايقش من القبح اللي موجود من منطلق "الحمد لله انه مش اوحش من كده".
.فعلا "احه" ع الفساد العمراني و التشكيلي و الثقافي و الأجتماعي اللي خلاني احمد ربنا ان المبنى ده في مستوى ايهاب توفيق مش في مستوى سعد الصغير ولا بعرور

ااااااااااااه ه ه ه يا تامر يا شيخ العرب

رد تامر حز فيه اوى .. انا رااااااااااااااااايح بقلبى ,زى ما كون سمعت الكلام ده جوايا واتكلمت فيه مع نفسه ووصلت لمنطقه شبه النهايه دى

طيب وبعدين..هتروح ولا هتفضل هنا.ولو فضلت هتعمل ايه ؟
صحيح كنت بتحلم زمان بيخت ودلوقتى حلمك بقى عربيه واحمدك يارب لكن برده العربيه بفلوس ولازم تتحول لآله تجمع فلوس عشان تعيش ومؤمن ان العمل الحلال الوسيله الوحيده لجمع الفلوس والعمل الحلال فى مصر بقروش حلال وفى الخليج دينارات حلال برده

وتقع فى الفخ
لنا الله

تعرف ياض ياحاتم

انا اكتشفت حاجه


الغربه دي شرموطه صحيح بتديك الفلوس الي ممكن تحقق بيها حلمك
بس بتموته جواك

كنت اعرف واحد مهندس اسمه "مصطفى حسام" عنده بتاع ستين سنه دلوقتي من سنتين كان لسه بيدرس و بياخد كورسات و بيروح حفلات و معارض و قاعد ع النت متابع لأخر أخبار العمارة العالمية و بيسافر و بيحضر مؤتمرات و و و
...
فقلت له:انا بحسدك على اللي بتعمله كله..واحد غيرك كان زمانه اكتفى بوضعه في مكتب " درة " و كانت الحياة هايقى ايقاعها ابطء شوية ولا شويتين.
رد:
اهم حاجة الشعلة اللي جواك بتنطفيش..خللي الحياة تديك على دماغك و تجبرك على اختيارات و الموج يوديك لشطئان ما كنتش عايز تروحها و و و
بس الشعلة ما تنطفيش
.