ببساطة جدا عايز اسأل سؤال او بلاش سؤال خلينا نقول طرح ..

هل الوضع الراهن للمجتمع المصري بكل مظاهر السطحية و الجهل و عدم وجود مضامين حقيقية على المستوى الثقافي للمصريين- و مش قصدي الجهل بالمعنى التعليمي لكن الجهل بمعنى عدم المعرفة او الانفصال عن الواقع - خد عندك مثلا اغنية العنب ولا الحنطور ولا الواوا ولا اغاني شعبان عبد الرحيم اللي كلها نفس اللحن ولا اللمبي و لا ولا ولا

ولا الفشل الأقتصادي الزريع لدولة غير منتجة تفقد يوما بعد يوم اصول مواردها المختلفة (زراعية و صناعية و تعدينية و سياحية...) عندك ارض زراعية على امتداد خط السكة الحديد من اسوان للأسكندرية امتد اليها سرطان العمران العشوائي من عمارات بالطوب الأحمر لا ترتقي لأي معايير انسانية لمفهوم السكن المريح

..

تفقد اصول مواردها السياحية ايضا سواء السياحة التاريخية او الترفيهية ..خد عندك مثلا محمية راس محمد-كعبة الغطس في العالم- تم بيع اربعة كيلو متر مربع منها لمثتثمر مصري كبير عشان يعمل عليها اكبر مدينة قمار في الشرق الاوسط..ما علينا،المهم
..
الفساد في كل مكان و في كل مجال حتى الرياضة و الفن و العمارة .. و لكن دايما بتلاقي في وسط كل ده ورد طالع - ليست رومانسية ساذجة و لكن محاولة للنظر للنص المليان من الكوباية ولا رأيكو اكوباية مكسورة فاضية بل و منتهية

.

طبعا الجوانب الايجابيه كتير جدا و الكبايه ربعها مليان بامتياز
..

يعني بعض الحاجات البسيطه اللي شايفها ايجابيه في مصر حاسردها هنا وكل مافتكر حازود في الموضوع ده
:

1- الحياه في مصر رخيصه جدا بالنسبه لبلاد تانيه كتيير .. الحقيقه من الحاجات اللي انا عارف اني حافتقدها لو سافرت و استقريت في اي بلد اجنبي او ععربي هو اني اقدر مثلا اقضي يوم في العاصمه - و ده اللي بعمله فعلا- بمجرد 10 جنيه .. و باتفسح و اتمشى و اتغدى كويس كمان و انبسط مع صحابي على قهوه و ارجع مامعيش غير حق المرواح .. لما سافرت امريكا كانت مشكلتي اني مش بلاقي حاجه رخيصه ممتعه .. كل حاجه بتسحب فلوس .. في مصر كمان اجرة المواصلات افتكر هي الارخص بين دول كتير جدا .. يعني اني اقطع مسافه زي من ابوقير لبحري و ادفع جنيه واحد مايساوي 20 سنت مثلا فدي حاجه رخيصه جدا

يعني الخلاصه ان في البلد ممكن تستمع جدا لو معاك 10 جنيه في جيبك .. و حاتستمع بس بصوره اكبر طبعا لو معاك 100

..

حاجه تانيه هي اسعار الانترنت .. يعني معنى اني يكون عندي خط متوصل لمدة 24 في اليوم طول الشهر و بادفع اقل من 30 جنيه فده حاجه كويسه جدا جدا و مش موجوده في دول كتير متقدمه و متخلفه .. سعر النت في اوروبا و امريكا غالي جدا بالنسبه لمصر بعكس الخرافات اللي ممكن ناس تكون مصدقاها .. مش عايز اعيد و ازيد في اد ايه النت غير حياتي و تفكيري و عرفني بناس انا ممنون جدا اني لاقيتهم .. و اني مش ممكن كنت حافضل نفس الشخص القديم بعد ما اتعرفت ع الانترنت و الاكتر بعد مابقى سهل و موجود كل ساعه قدامي و مش محتاج ترتيبات خاصه
..
حاجه تانيه بس من غير مقلسه على امي .. انا بانبسط جدا ان مصر ليها تراث زي بتاعنا ... يعني متعه و مزاج ليا اني اسمع مزيكا قديمه .. اقرا كتاب تراثي و امش يفي مصر القديمه الصبح ساعة الفجر و احس ان المدينه دي كانت موجوده بنفس تخطيطها و بيوتها من كام مية سنه .. يعني باحس ان دي حاجه مش موجوده في بلاد كتير
...
كمان شايف ان صناعة السينما في مصر كويسه جدا بالنسبه لمحيطها العربي ... و السينما الجديده و المستقله هي الانشط على مستوى بلاد كتيره .. بشكل عام الحركه الثقافيه في مصر زادت قوي خلال الخمس سنين اللي فاتم .. و اللي عايز اماره يشوف كم المعارض و المسارح و الندوات و العروض اللي بيحصل كل شهر .. يعني افتكر ان زمان ايام ماكان عمر خيرت بيعمل حفله في الاوبرا كنا بنعتبر ده يوم عالمي .. دلوقتي انا مش بافكر حتى اني احضر حفله لخيرت و عندي كل العالم دي بتعمل عروض و منهم بييجي من الخارج و بتمتعنا

كمان مصر لسه فيها حبة تسامح ديني على الرغم من اللي بنشوفه .. معنى اني مثلا اقدر الاقي بارات و الناس عارفه انها بارات و اسهر و اشرب مع بنات وولاد صحابي و ان يبقى المعيدين بتوعي نصهم مسيحيين و ان ناس من اعز اصدقائي برضه مسيحيين و غيرهم و اني باخبط في ستين الف واحد اوروبي و امريكاني في الشارع و الناس بتتعامل معاهم كويس فده عكس بلاد كتير جنبينا و مش جنبينا ... و حاجه باحسها قوي لما اقرا و اسمع عن حته زي السعوديه مثلا

مصر كمان فيها اطياف سياسيه و مناضلين و مثقفيين مدعين و جعوريين و ناس ساذجه مسليين جدا جدا جدا مافتكرش نلاقيهم في بلد تاني الا لبنان الذي يتفوق على مصر في هذه النقطه .. دي بالنسبالي ميزه في مصر .. و وسط البلد على وجه الخصوص

من الحاجات الحلوة في مصر و مش موجودة في حتت كتيرة في العالم,أنك تقدر تنزل أي وقت في ال24 ساعة,حتي قبل الفجر بشوية,ها تلاقي حتة تتمشي فيها و قهوة مفتوحة مشغلة راديو بيذيع اغاني قديمة و عربية فول تاكل منها بنص جنية اكلة تشبعك,و دايما في مسطح مائي او مساحة صحراوية مفتوحة تقعد قدامها و تسرح من غير ما تبقي الناس مستهجناك

الي عاوز أوصلة فكرة الفسحة في مكان مفتوح طول ال24 ساعة,في دول كتير متقدمة,ممكن تلاقي اماكن ما بتقفلشي,بس برضك ها تفضل جوة 4 جدران,بار مثلا او غيرة

طيب إيه رأيكم نفرق بين البني آدم والمكان؟

ايوة اسالني انا بقي في الموضوع ده


المواطنه هي اهم حاجه يعني مثلا احنا بنتكلم علي البلد الي طلعنا منها
بمعني ان انت بتحن للعيشه الي انت متعود عليها
وده موجود في الجنسيات الي بتعامل معاها كلها ....
مانكرش ان السفر فرق معايه ماديا كتير ومهنيا اكتر
بس
الاهم انه حسسني باهميه حجات كتير مكنتش حاسس بيها زي
القهوه الناس الاماكن بيتنا الشاي بحليب بتاع ستي الي بعد العصر المشي في الشوارع بدون هدف مع الناس الكتير الي ملحقتش اعرفهم كويس
دول الخليج عامه بتموت البني ادم بالبطييء وتحوله لمجرد اله جمع فلوس وبعدها يلاقي نفسه صحيح معاه فلوس بس خسران حجاات كتير عمر الفلوس ماهتعوضه عنها(قدام شويه كده هابقي اعمل موضوع عن المصرين في الخليج ان شا الله لان كلهم طلعو حاجه واحده تقريبا)
زي اهلك الي يوم بعد التاني بينسوك وبيتعودو انك مش موجود
اصحابك الي لولا ان فيه انترنت مكانوش عرفوك اصلا
حتي انت شخصيا بتنسي نفسك وتتحول لشخص تاني (اعرف ناس كتير نزلو نهائي ولحد دلوقتي حاسين انهم غرب في بيوتهم)
الغربه بتاخد حياتك وتديك فلوس مش هاتنفعك لانك بقيت شخص اهبل
في النهايه
لو ماعرفتش تبقي مواطن في البلد الي انت رايحه يبقي خليك في الي انت فيه احسن
يعني يا اما هجره نهائيه يا اما عيش حياتك وماتقايضهاش بالفلوس




مصر ماطلعتش وحشه قوي زي منا كنت فاكر لاني بصيط عليها من بره
العيب ان احنا مخدناش فرصه نعيش فيها كويس
الظروف بتحكم

الكلام ده كله مهم ..
بس انا باحبك ياخي ، في الله كده ...
من غير كلام،
و ماتسألنيش ايه هيا المناسبة

طيب إيه رأيكم نفرق بين البني آدم والمكان؟


لا ماظنش ينفع .. لو حاتتكلم على البني ادم يبقى انا افضل امريكا او روسيا او لبنان او الاردن .. و انت حاتفضل كندا

الأنسان و المكان طرفين لمعادلة العمران.. و بالتالي العلاقة التبادلية بينهم لا يمكن الحكم عليها بفصل اي طرف عن الاخر ..لأن ببساطة المكان يؤثر و يتاثر بالأنسان و ثقافته و عاداته و اعرافه

لا طبعا ينفع

أنا بستمتع جدا بالمكان، لكن طريقة تفكير المجتمع بتجيب لي شلل ف بضاني

لما أكون قاعد في بار مثلا مع واحدة صاحبتي - بلاش بار، خلينا ف البورصة - والناس تبص على إنها شرموطة دي حاجة بضان جدا

لما أقدر أقعد على النت بمبلغ 50 جنيه مثلا ف الشهر وبسرعة حلوة ده حاجة جميلة، لكن لما يكون مجتمع كامل بيقعد على النت ويدفع نفس المبلغ علشان يدخل على شات الخليج فدي حاجة بضان جدا

لما أساسا أوصل لمرحلة إني أقول: أنا عندي معيدين وأصدقاء مسيحيين - أو مسلمين (المخالف يعني) فده أكبر إثبات على إن فيه مشكلة ف التسامح الديني اللي هيثم اتكلم عليه، هيثم مثلا ما فكّرش يقول: أنا ليا أصحاب سُمر. لكن هو بيحاول ينفي تهمة عن المجتمع أعتقد؟؟

الأماكن اللي فيها ندوات وفعاليات ثقافية حاجة حلوة، لكن الناس مش موجودة فيها. شوف كام واحد حضر مثلا حفلة أوزو ماتلي (الي هي حفلة مش حقول لك ندوة ولا بتاع) وكام واحد حضر حفلة تامر حسني أو حسين الجسمي. الحقيقة إن أنا مع إني بحب حاجات كتير ف مصر، لكن مش بتفاعل مع الناس، المجتمع وطرق تفكيره بعيدة عني وأنا كمان بعيد عنها

لو معايا 10 جنيه حخرج مع صحابي واقعد على قهوة وآكل وألعب طاولة وأروح بيتي مبسوط نيك وحاسس بسلام روحي بيرفرف على عليا (ده مش تمثيل، أنا بتكلم جد) ولو معايا 2 دولار ف أي بلد مش حعرف أشخ بيهم على روحي

لكن ف مقابل ده، أنا لو عايش برة حيكون دخلي كام وأنا عايش هنا دخلي كام؟ الموضوع نسبي جدا
---


أنا مش دعاة إني أسافر وأسيب البلد دي، أنا بقول إني مش بعرف أعيش غير ف مصر أو دمشق، ودمشق تحديدا مش أي مدينة تانية ف سوريا، لكن ف نفس الوقت أنا لازم أقول إني مع ارتباطي الشديد بالأماكن اللي هنا، فأنا بلاقي صعوبة إن المجتمع يحتويني. بحس إني غريب وبعيد، أحيانا كتير بضطر أمثل علشان ما اتجننش

فخّد بعيد يا عرص

ايوه يا عم ماهو ده اللي انا اقصده .. انا افتكرتك عايز تفصل بينهم فكان قصدي نفس كلامك اللي قلته .. انه ماينفعش نفصل لان الناس ممكن تبيض على سحر المكان او حميميته ..بس يعني
...
و بعدين ماتكابرش : باحبك يا مونتريال يا مونتريال باحبك

انا مبسوط
عرفت اربي
شاهر بقي محطم اساطير في بداية المشوار