أنا شايف الدنيا كادر منوكروم
عروسه خجلانه ومكسوفه ف اوضه النوم
داخل عليها نبى .. قلقان ومتوتر
خارج شيطان كافر وحيد مكلوم
ده لو كنتوا لسه بتلعبوا
غلبان أنا ولا بيت ولا غيط
وخيالى دارس طوب الحيط
ومنايا القى أبرة وخيط
وألضّم بقايا النور
على جبين الفرس مبدور
خواف وجسور
يبوسلى خد الأمرايه
ويدق الباب
يولد حكايه ف حكايه
ف صفحه كتاب
ويجبلى لمبه وكنبة ودسك
صنعت أدين حسن ارابسك
انا الغريب عن ديار الناس
وفي ايدى شمعه و قلم حساس
يذكر هموم البشر من اسطى او كناس
صفحة كتاب و ف صدرها مكتوب
يحيا الامل يا صابرين من الاساس
على كل لون يا زرع..على كل ضربة فاس
بابره وخيط برف قمصاني
و اشجانى اللى مانعاني
عن النزول في حارة النسناس
حيث التوافه يرقصوا ويهيصوا
والكل فيها محتاس
ده انا الغريب يا زبيب ومعايا كاس
اصب واشرب واعبي المسك
...في ازايز واشرب بقى يا حسن
يا حسن ارابيسك
انا الغريب عن ديار الناس
وفي ايدى شمعه وف ايدي قلم حساس
يذكر هموم البشر من اسطى او كناس
صفحة كتاب و ف صدرها مكتوب
يحيا الامل يا صابرين من الاساس
على كل لون يا زرع..على كل ضربة فاس
بابره وخيط برف قمصاني
و اشجانى اللى مانعاني
عن النزول في حارة النسناس
حيث التوافه يرقصوا ويهيصوا
والكل فيها محتاس
ده انا الغريب يا زبيب ومعايا كاس
حيوان حزين شرحوه واخدوا المنك
ويفيد بأيه لما ابيع المسك
...في ازايز واشرب بقى يا حسن
يا حسن ارابيسك
ياللى ماتت صنعتك من بعد عيشه
يتحاكوا بيها من مراغة لما حارة كشك
^*^*^*^**^*^*^*^*^*^*
صفحة كتاب ما اعرفش مين كتبه
غير اللي ألّف يعني فيه واحد
قطع الورق وادّاه لاخوه جنبه
رص الحروف ف براحُه واحد واحد
غير اللي جلّد واللي ضم الورق
واللي..واللي..واللي بدع التوب
بإبرة وخيط وكستبان وعرق
جه مكن لفّق بيجامة وروب
جه زمن نستورد البامبو
طيب حسن أرابيسك إيه ذنبه؟
أنا عايز احكيلكوا عن صاحب من الأصحاب
خفة و نباهة و شهامة يأسروا الألباب
أول ما ينزل مصر ييجي يدق الباب
ما هو اصله سافر و ما استناش ع العيشة الهباب
أول ما نحكي نقول الواد حسن ارابيسك
صنايعي شاطر مش يعني ضاربه السلك
قالوا انفتاح قفل البتاع وسرح يبيع المسك
طردوه و أبوه من البيت ما هو أصله بيت مش ملك
خيط جراحه بابرة و خيط و سلم علي الأحباب
قلب الماضي الكئيب و نساه كأنه صفحة كتاب
خد عدته و امله و سافر بلاد أغراب
و كل ما ينزل مصر ييجي يدق الباب
لعبة جديدة بقاعدة جميلة
حاول تعمل قصيدة تتضمن كلماتها أكبر عدد ممكن من أنواع الأقمشة
والمنافسة هاتبقى في سكتين
الأولى: عدد الكلمات
التانية: مدى بعد الكلمات عن سياقها المعتاد
صعبه اوى دى شوف غيرها ونبى يا عم مليجى........و بعدين أنا ماعنديش وقت أنزل الزنقه
معلش يعني..يا إما شاديكوف ما فهمش اللعبة يا إما مليجي بيعرّص
إيه الفكرة ف إني اقعد أرص أسامي القماش ف جمل موزونة ومقفاة؟
مليجي قال نستخدمها، زي القافية كده، يعني بنفس التهجية والنطق بس بمعاني تاني..متحوّرة يعني
شوفوا مثلا قافية الترزي ف قعدة من قعدات الشيخ إمام
- ما تلضمش يا عم الشيخ
- أنا ممعاييش خيط
(ضحك)
- ما تعقدهاش بقى يا شيخ
(ضحك عالي)
- بس بقى يا جماعة هو احنا ف غرزة
- احنا ابتدينا نشك فيك بصراحة
(الشيخ صامت طول الوقت)
- انت ساكت ليه يا عم الشيخ؟
- أصل انا باتكلم بالتيلة
![smile.gif](http://4.<a href="http://www.forumer.com">forumer</a>.com/html/emoticons/smile.gif)
![biggrin.gif](http://4.<a href="http://www.forumer.com">forumer</a>.com/html/emoticons/biggrin.gif)
![rolleyes.gif](http://4.<a href="http://www.forumer.com">forumer</a>.com/html/emoticons/rolleyes.gif)
![mounirian/mounir2.gif](http://4.<a href="http://www.forumer.com">forumer</a>.com/html/emoticons/mounirian/mounir2.gif)
![laugh.gif](http://4.<a href="http://www.forumer.com">forumer</a>.com/html/emoticons/laugh.gif)
![tongue.gif](http://4.<a href="http://www.forumer.com">forumer</a>.com/html/emoticons/tongue.gif)