اللعبة الأولى

أدخل العبارات الثلاث الآتية في قصيدة مفيدة

مازر بورد mother board
عشش الترجمان
كزبرة

خاضرة مخضرة
شبه الكزبرة
ولا مسك أخوها
ولا العنبرة
ع الزر تدوس
شراشيبها تبوس
ساكنة في حلوان
أو في المعصرة
مطبوخة بلاورا وحبهان
مزروعة في عشش الترجمان
وبشوقها تجيلك متسحبة
وتخضر قلبك بالألوان
بتقول في كلام تلاقيها ترد
تخط رسالة بمازر بورد
وحروفها لاتيني تشوط وتصد

باقوللك ايه يا عم الحاج
لو القصيدة دي انت لسه كاتبها حالا
يبقي احا
تبقي جامد بللة
تبقي
مش عارف

لا يزال باب المساهمات مفتوحا، قبل الدخول في اللعبة الثانية
الدعوة عامة للجميع وخاصة لكل من:
شاديكوف
إيه ناجي
صالح
سر الحياة
ويست
وشعرائنا الناشئين
لونوولف
زا سيكريت
فالنتينو سكوربيو

من غير تريقة,دة هيس مش شعر

بين المعادي و عشش الترجمان انا اتحيرت
لا قدرت اغير الناس ولا اتغيرت
لجل التناغم الطبقي انا فكرت
و من مازر بورد عقلي رامتين انا طيرت
عرفت ان الكزبرة ما تتحط علي المارونج لاسية
و لا الصعيدية يستجري يقول احيية
ولا الصنايعي يحب يقولوا لة يا بية
يا عم فكك دي ناس مسمية البطاطس بورية

منتصف ليل اليوم الثلاثاء 29 سبتمبر تعتبر الفزورة الشعرية الأولى منتهية، وسيصبح أعضاء البورد مدعوين تلقائيا للتعليق على الارتجالات المقدمة وتقييمها وترتيبها حسب الأفضل، وربما ألحقنا توبيك لتصويت منفصل لكل لعبة
(ملحوظة: الفائز تراكميا بعد نهاية هذا الأولمبياد الشعري سيحصل على هدية قيمة يشترك في ثمنها العبد لله وبقية المساهمين شعرا وتحكيما في اللعبة، والجزاء من جنس العمل)

وانا كعضو في الجلس المؤقت

باتبرع بمبلغ 1000 هبلووس كمكافئه للفائز الاول

مساهمه منا في دعم الابداع الهبلستاني

ماذر بورد الوطن
تحبل عطن
تحبل اهات من خلف صور
جوا البيوت
جوا القصور
تحبل تقاوي
تولد غناوي
من خلف عشش الترجمان
الفرنساوي
اللي قتل البنت قبل الميلاد
من غير سبوع من غير فرح
شفت الصوان
غرقان فرح
قهوة ساده بكزبرة
و شعري زعل بالمسطرة
جرحك دمايا معطره

وصّلت ذاكرتي وقلبي بالماذر بورد
وارتجلت صبا وسيكا وحجاز كرد
الشعر ما بيتقاسش بالمسطرة
الشعر ما بيلزمش بالترجمان
مش مترو طالع من طرة
والوجهة عشش الترجمان
دي مغامرة فيها البوصلة والمقادير
زي الطبيخ مش شرط بالمقادير
اللقمة نادر فيها طعم الكزبرة
!والدنيا منبوذ منها شعب الكرد

دي فكرت فيها عالسريع كدة ,ما هو انت زنقتني في الوقت,هي عاوزة لسة سنفرة بس شغالة

قصة

عش الترجمان
و ناس ايام زمان
من جوعهم من البطالة
و ايديهم البطالة
اشتغلوا في القرنص
ما جوع البطن يقرص
فساعدوا الانجليز
باعوا ذرة و خبيز
و كزبرة و سريس
للمعسكرات
يا دي الشر الخبيث!!!!!!

عادت ايام زمان
بقدوم الامريكان
بدل الزفر الشامرت
ها نورد ماذر بورد
وارد توكيو و تايوان
و يجوا ناس بعدينا
ما راحت غزرة و سينا
يحكوا
عن عشش ترجمنا
و عن ايام زمنا

ع النت..كل ده




الليل كما الأنسان
كما الطير
كما الكمبيوتر
...
مازر بورد الليل
ع النت طول الليل
ع البورد يسمع شعر
ع البورد يضحك بحر
من قلب هبلستان
من شخر نوم النهر
من شهر رمضان الكريم
ياميش عطش كزبرة
و مانجة عطشت موز
و خيط دبح ابرة
و بت من شبرا
من بيت في نيل اسوان
و عشش الترجمان
و نجمة تجري بديل
و بحه في المواويل
مازر بورد اليل
ع النت طول الليل

بصوا بقي
انا مش باكتب اصلا
بس بما ان احنا مش في الونس
ودي لعبة فامفيش مانع اني اهيس صح؟

هي طبعا فكسانة
بس يا ريت تقروها


فاكرة ايام زمان
كنا بنروح الميدان
و دايما كنا ناخدها مشي
لحد عشش الترجمان
دلوقتي ليه بتهربي
تبتعدي ليه ما تقربي
ليه كل ماجي المسك
احس بيكي تكهربي
ليه مش حاسة الامان
و بتقولي عليا جبان
عايزة تعرفي السبب
المذر بورد عطلان
ابويا قاللي يا ولد
ليه تمشي و تسيب البلد
بلدك هتفضل زينا
بلد العزيمة و الجلد
انا:
يابا البلد متدمرة
الكل خدها من ورا
لو جم عليها الامريكان
عملوها سوق للكزبره

ايه ده كل الناس بستخدم تلات كلمات مابيتغيروش


غريب والله
غريب

^*^*^*^*^*^*^*^*^*

لفترة طويلة تأمل السماء
ثم نظر للأسفل
و لم ير
!!!
في عشش الترجمان كان الطفل يلهو
مطعما المازر بورد بعصير (الكزبرة
و المرأة في الجانب الأخر
على وشك ان تصبح طفلة
!!!
لفترة طويلة تأمل السماء
ثم نظر للأسفل
و لم ير
سوى جدرانا تحتضر
في مكتبة الفخم المطل على ارض الترجمان
يفكر في طريقة لهندسة الفوضى