انه الكينج بلا منازع
و نحن الرعية
التي لا تستطيع او تجرؤ علي الاعتراض او طلب اي مطلب
ايه اللي عمله ده ؟
كان بايظ طينة اكتر من الطبيعي بتاعه
صوته و اداؤه في الحفلة زي الزفت
جالي احساس انه كان طالع يشتغلنا علي المسرح شوية كده و خلاص
الغريب انه لما عمل الحفلة بتاعت المكتبة كانت الناس متجاوبة جدا مع الاغاني القديمة
يعني هو مش بيهيس عشان الناس عايزه كده
لا الناس عايزة الحلو
انا متاكد انه مختل او بيعند و خلاص

مش ممكن
في 3 ايام
احضر احلي حفلة لمنير في حياتي
و اسوا حفلة لمنير في حياتي

1-انا حضرت لمنير حفلات كتير في الاوبرا و الالفية و غيرهم مكنش في اجمل من حفلة اسكندرية
2-منير مكنش شارب في حفلة اسكندرية بينما كان سكران طينة في حفلة القاهرة لدرجة انة كان كل شوية بيكب مياة عل يدماغة علشان يفوق و برضة مش قادر
3-منير في المكتبة كان محترم المكان جدا و جة في ميعادة بينما في القاهرة كان سبب في تأخر الحفل لما جة متأخر جدا
4-المشكلة في حفلة القاهرة مش مجرد سوء اختيار للاغاني المشكلة اكبر,المشكلة سوء عزف و خروج عن المود في الغنا,كتير من الاغاني منير كان خارج المود فيها و الفرقة كانت وحشة فيها
و اخص فيها الدنيا ريشة في هوا و اللة يا اللة
5-منير كانت طالع يلاغي البنات الي في الصف الاول مش اكتر
6-رفض يغني الجيرة و العشرة و لما الناس طلبت منة حدوتة مصرية لم يعتذر بأدب بالعكس شوح بأيدة للجمهور و اداهم ظهرة و مشي,لازم يفهم انة في النهاية مطرب,يعني شغلتة يغني الي
جمهورة بيطلبة منة ,مش يعند و خلاص
6-و دة الاهم ,لا يمكن منير ها يتعدل و جمهورة بيعمالة بالشكل دة,انا لما ابتدي بنعناع الجنينة ثم احمر شفايف ثم بنات اديتة ظهري و قعدت عالارض من الخنقة و قعدت اتفرج علي وجوة الناس
كان في واحد بيعيط من الانفعال في اغنية احمر شفايف و كان في واحد تاني بيرقص بجنون في الدنيا ريشة في هوا رغم سوء العزف و تفريغها من الكولة,لما دخلت عالموقع التاني لقيت اغلبية
الناس مبسوطة من الحفلة و بتمجد في ادائة و اداء الفرقة


اي حد في الدنيا جمهورة يعاملة بالشكل دة عمرة ما ها يتقدم لانة عارف انة مهما قدم اداء سيء ها يلاقي الي بيصقف لة

و للة الامر من قبل و من بعد بس انا نويت و النية علي اللة ما احضر للانسان دة حفلات تاني علي الاقل لمدة سنة ,لا في الاوبرا و لا غيرها

و للة الامر من قبل و من بعد بس انا نويت و النية علي اللة ما احضر للانسان دة حفلات تاني علي الاقل لمدة سنة ,لافي الاوبرا و لا غيرها



تقريبا العبد لله هايعمل كده برضه
اساسا انا كنت باروح عشان اشوف الناس مش اكتر

بوظ لنا حفله شالسيك بعد ماكونا مبسوطين بيهم الله يحرقه

منير مع الاسف مطرب مش محترم ويعتبر اسواء مطرب مصري بيتعامل مع الجمهور

وانا نفسي مره الناس كللها تتفق انه محدش يرحله حفله عشان يتعلم الادب والاحترام


مع الاعتذار للناس الي بتحب الكينج وبتعتبره مثل اعلي يعني
دا راي وانا حر فيه

والي زعلان يعني معلش ياريت يتفلق

معلش اصل انا مبضون شويه

انا مش متعود اني انقل من السايت التاني مش بحاول اقارن بين الموقعين انا بحاول بس اوريكم جمهور منير عامل ازاي و ازاي مستحيل منير ها يحس انة وحش مهما هبل

لاحظوا ان الكلام الي حاطة تحت دة عن نفس الحفلة الي حضرناها و الي كلنا اجمعنا ان منير كان اسوأ شيء فيها

DaKing
7afla deeh kanet gamda ta7n ,, mounir kan me3aly we kan fel
moode el sa7

medooooo90

من الاخر يا جماعة الموسيقى كانت عالية اوى

yasmounir

بجد يا جماعة ميرسي ان انتو شاركتوا معيا و كملتوا معلومات عن الحفلة الروعة دي

MetallicA

كانت الحفلة رائعة بمعني الكلمة

و
كانت الحفلة ابداع بلا حدووووووووووووووود

mohamed

el7aflah kanet aksar mn ra2e3ah....
mounir besm ellah ma sha2 allah kan mazagoh 3aly 2wy feeha we kan far7an aktar mn el3ady

moga.
[COLOR=blue]بس الفرق ان منير غني الكون كله بيدور في اسكندريه والمريله الكحلي في الاستاد

ahmedtota

اولا انا صديق جديد انا بقالى كتير بشزف الموقع وازوره على طول بس سه عاملى اشتراك فيه النهارده الحفله كانت جامده طحنننننننننننننننننننننننننننننننننننننننننننننننننننننننننن مموتتتتتتتتتتتتتتتتتتتتتتتتتتتتتتتتتتت فكرتنى ببتاعت راس السنه 2004 الناس اللى كانوا هناك كانوا لذاذ اوى والناس كلها رقصت وغنه مع بعض واحلى اغنيتين الله لون يا لون وحتى حتى وشكرا ليكوا اوى

ومالو هل الكلام ده فيه حاجه غلط مثلا ولا انت معترض ان دي حريه شخصيه واختلاف الرأي لا يفسد للود قضيه ده رأيك وده رأي الناس التانيه اللي هناك مش اكتر وعلي فكره انا ماحضرتش حفله الاستاد بس من اللي كتبوه لقيتهم بيقولو انها حفله كويسه وده رايهم انا ماحضرتش حفله الاستاد بس حفله مكتبه اسكندريه كانت تحفه بجد من احلي حفلات منير اللي رحتها لكن انا ماكنتش اعرف ان حفله الاستاد بالسوء ده ولو كان كلامي فيه حاجه غلط ياريت توضح لاني بجد ماكنتش اعرف ان الحفله كانت كده

فعلا يا جماعة انتو أكيد ما بتحبوش الكينج، ومش بتتنفسوه..شهيق..منير..زفير..

الله يخرب بيت أم التأليه والتقديس وعبادة الفرد

بصوا..م الآخر احنا محتاجين نفتح توبيك كبير..ونعيد فيه النظر لمحمد منير، الفنان والإنسان..ماشي؟

ومالو مش عيب بس انا ردي علي الكلام اللي مكتوب ان الناس اللي هناك مابتفهمش انا ماكنتش اعرف الوضع ايه اساسا

???

ردي فكلمتين
منير كان طييييييييييييييييييين

3'areeba awi ya 3amr howa dah ra2yek????!!!!!!!!!!!

بيتهيالي يا يس
اني وضحتلك وجهه نظري
قبل كده
ومع مرور الوقت الفكره دي
بتثبت اكتر جوايا

بالمناسبة..هو في حفلة يوم الجمعة؟

في الاوبرا ب 35 جنيه