ثايس :
بالضبط زى ما قال لك لون والف كدا اى نوع من انواع السنة دى واجب الأتباع ؟؟!!!!


------------------ ----
أنا في الأول كنت شايف الكلام داير في دايرة التفاصيل الصغيرة ، و البحث في صحة الأحاديث ، لكن بما أنكم وصلتم زى ما قال عبده لمرحلة الأسئلة الكبيرة ...

فأنا هشير بس لشوية نقط ، و قريباً هفتح موضوع كامل يلم كل الأفكار اللى في دماغى ، لكن فقط عايز شوية وقت لأن الموضوع احتمال يكون له أثر كبير علي حياتى و لازم افكر فيه كويس ... المهم .

عبده سأل عن سبب نزول الأديان السماوية الثلاثة في منطقة الشرق الأوسط ؟

أولاً انا معترض على تسميتها بالأديان السماوية .. و مش فاهم معنى الاسم دا ، و شايف أن الأفضل و الأدق يتقال عليها ديانات بنى ابرهيم ، و هرجع للنقط دى تانى .

أى مجتمع بيحتاج لنظام اخلاقي ما من اجل الاستمرار ، و النظام دا بيتطور بتطور المجتمع و بقدر الفائض الموجود لدى هذا المجتمع من الانتاج ، بمعنى أن لما المجتمع بينتقل من مرحلة المجتمع الرعوى إلى المجتمع الزراعي ، بيحقق فائض في الغذاء و بالتالى بيحقق استقرار في حاجاته الأولية و يبدأ التفكير ، و بالتالى تبدأ عملية بناء الحضارة

الدين جزء من المنظومة الأخلاقية اللى بتطور بتطور المجتمع نفسه ، حتى يصل المجتمع إلى المستوى الذى يكفل له الاستغناء عن هذا المنظومة كمنظومة ضابطه للأخلاق

منطقة الشرق الأوسط أو منطقة حوض الحضارات ، محصورة بين النيل و دجله و الفرات ، و على جانبيها قامت حضارة شامخة ، لكن في الوسط وجد مجموعتين من الرعاة ، العرب ، و العبرانيين ، و الاثنين بينتسبوا لواحد اسمه ابراهيم

السؤال اللى عامل خوازيق في دماغى حتى الآن ...
من هو إبراهيم ؟؟؟؟؟؟؟؟


مفيش أى دليل مادى أو تاريخى على وجود إبراهيم أو أى من ذرية أولاده ، مفيش غير الروايات و الكتب المقدسة ، طيب فين ابراهيم
عايز دليل واحد على وجود إبراهيم ؟؟
طيب حتى ورقة من الكتاب المقدس لابراهيم ؟؟
طيب ابراهيم دا بعث لمين ؟؟
القراءن و التوراة بيقولوا ان ابراهيم خرج من العراق و ساب الناس ؟؟
طيب هو كان مرسل لمين ، بقي بالصلى على النبي ؟؟

طيب ابراهيم سافر مصر ليه ؟؟
ليه ابراهيم يتجور من مصرية ؟؟
و ليه الاصرار على ربط قصة ابراهيم ، بمصر و العراق ؟؟؟

و لا و الأنيل ، ان كل مجموعة من الرعاة بتحاول تنسب نفسه لواحده من الحضارات دى ، العرب تقول ان نسبها لاسماعيل و اسماعيل امه مصرية ؟؟
و العبرانين يقولوا انهم اولاد يعقوب اولاد اسحق ، و اسحاق امه و ابوه عراقيين ؟؟

الاعجب هو قصة الذبيح .......
رغم ان الاسلام بيختلف أحياناً في رؤيته لقصص الانبياء عن رؤية الكتاب المقدس ، لكن نجد أن قصة ابراهيم هى نفسها القصة الموجودة في الكتاب المقدس حتى نصل لنقطة الذبيح ؟؟
المسلمين اللى فى البداية معظمهم كانوا من العرب ، بيقولوا ان اسماعيل هو الذبيح
و التانيين يقولوا ان اسحاق هو الذبيح ؟؟

و انا شايف ان الاثنين نصابين ، و ان مفيش لا اسحاق و لا اسماعيل و لا ابراهيم ، او على الأقل كان فيه لكن مش بنفس الصورة التى وردت لنا من خلال الكتب المقدسة.

!!!!!!!!!!!!!!!!!!!!!!!!!!!!!!!!!!!

يقول لنا التاريخ ان الحضارتين المصرية و العراقية - البابليه تحديداً - تعرضوا دائما لهجمات و محاولات من القبائل الرعوية الساكنة في الصحراء ، هل من الممكن ان نبالغ و نقول أن القبائل الرعوية نجحت في الانتصار في معركتها ، و مسحت تاريخ تلك الحضارتين و بدأت في كتابة التاريخ من رؤيتها الخاصه طبقاً لما ورد في الكتب التى ادعت انها كتب مقدسة .
!!!!!!!!!!!!!!!!!!!!!!!!!!!!!!

يحتل ابراهيم - عليه السلام - مكانه مهمه في تاريخ الاديان الثلاثة ، لكن اذهب إلى جنوب افريقيا ، لن تجد اى ذكر لابراهيم و لا افكاره ، اذهب لشمال اوربا القديمة لن تجد اى ذكر لابراهيم ، اذهب الى الهند لن تجد ابراهيم ، إذهب إلى الصين لن تجد إبراهيم ... و كأن إبراهيم الذى يفترض انه أبو الأنبياء مجرد خدعة محلية نطاقها حوض الحضارات

طيب بلاش ذكر لابراهيم ، افكار ابراهيم و التى ستتكرر بعد ذلك في الاديان السماوية ، فكرة الجنة و النار و الحساب التى ظهرت لأول مرة في مصر القديمة ، في حضارات الشرق لا يوجد حساب و لا جنة أو نار ، و لا توجد بداية و لا نهاية للحياة ، في أفريقا أيضا هناك موروث مختلف قائم على تقديس الطبيعة في صورها البدائية .... يعنى تصور اديان ابناء ابراهيم عن الحياة كله غير موجود
طيب ازى تكون دى اديان سماوية ، و افكارها الاساسية مش موجوده غير في منطقة الشرق الأوسط


بلاش دى

الاسلام وجد من حوالى 1435 عام ، و المسيحية من حوالى 2000 سنة و الكتابات التوراتيه بتقول ان موسى وجد من حوالى 1000 سنة قبل الميلاد

طيب ابراهيم كان امتى ؟؟؟؟
و أين ؟؟؟؟

يبدو إبراهيم مثل خرافة بابلية بلا أى تفاصيل ، غير معلوم الزمان و المكان ،!!
------------------------- --------- ----------------------------

واحد صاحبي ، عراقي حكي لي انه كان له واحد صاحبه من الصابئة ، لكن في نفس الوقت كان شيوعي وملحد ، كان دايماً يقول له لما يتكلموا في الدين ، (( هو واحد زهق من صدام القديم بتاعه ، حشش ، و طلع قعد في الصحرا و عمل الليلة دى )) ..... تفتكروا ، أنها ممكن تكون نفس حشيشه ستروس ؟!

أنا كل اللى قلت هنا مجرد أسئلة فكرت اتكلم فيها بصوت عالى معاكم ، و ليس لدى رأى واثق منه 100%

ولعتتتتتتتتتتتتت,العب يا ابو الاباليس

لا بجد,في كلام كتير هنا لة وجهة نظر’المرة دي انا مصدقك بجد,و شايف ان مجري الحديث واخدنا لسكة مشوقة جدا

المشكلة اني من الاثنين للخميس ها اكون في مكان مفيهوش انترنت ,بس لازم ادور علشان اتفرج

علشان أوضح موقفى
أنا بفكر بصوت عالى زى ما قلت
يعنى لسه مفيش عندى وجهة نظر ....الفكرة ببساطة

لما يكون في عندك ثلاثه اخوات بتربط بينهم مصلحة ما ، و الثلاثة بيقولوا لك احنا اللى ربنا اخترنا و احنا ابناء الله و دا كله لان ابونا هو خليل اللة
أول سؤال هيجى على ذهنك مين هو ابوكم ؟؟؟

و اكيد مش هتثق أوى في كل الكلام اللى هم هيقوله لك ؟

بس افوقلك

بصراحة، أنا مش فكرت في السؤال ده قبل كده.. علشان كده أنا باستأذنك اني اتدرج معاك في التفكير والمناقشة بحسب المعطيات اللي انت حطيتها في السؤال:

في سؤالك انت ركزت على حاجتين: الديانات السماوية الثلاثة، ومنطقة الشرق الأوسط..

الديانات السماوية الثلاثة اجتمعت على فكرة واحدة في الاساس وهي فكرة التوحيد والايمان بالله، وده كان سر اختلافها الحقيقي عن الديانات الأخرى اللي موجودة أمثال الديانات الشرقية(الهندوسية والبوذية......).
مش بس كده، ده الديانات السماوية كمان نزلت وارا بعض – بصرف النظر عن الفاصل الزمني-، اللي اقصده انها مش نزلت كلها أو حتى اتنين منها في نفس الوقت....
ده معناه انها في الأصل فكرة واحدة وما حدث من بعث رسول واتنين وتلاتة هو تأكيد الفكرة عبر الشريط الزمني...

لحد هنا ممكن نجاوب على نص السؤال : ليه الديانات السماوية التلاتة نزلت في مكان واحد؟

لأنهم في الأصل مش تلاتة، لأنهم فكرة واحدة، ومش ينفع ترمي الأساس لفكرتك في مكان وتيجي بعد وقت تكلمها وتأكد عليها في مكان تاني، حتى لو ان الناس اللي نزلت عليهم الفكرة الأولى ماتوا وماعادوش موجودين، الا أن ذريتهم لسه باقي عندهم رواسب الفكرة أو حتى أساطير وحكايات، بس سمعوا عن حاجة اسمها دين سماوي قبل كده...

لو سلّمنا بكده، نيجي بقى للنص التاني من السؤال: ليه منطقة الشرق الأوسط تحديدا؟؟

يبدو أن منطقة الشرق الأوسط كان لديها مميزات خاصة من البداية تؤهلها لاحتضان فكرة الدين – بكل ما في هذه الفكرة من عظمة حقيقية-، ممكن للمميزات ده أن تكون مميزات جغرافية، انها منطقة متوسطة في العالم القديم، وبالتالي بتوفر سهولة انتشار الفكرة الدينية بعكس لو أن الفكرة نزلت في منطقة نائية أو بعيدة ف وقت تكاد تكون فيه وسائل الاتصال معدومة.... جايز أوي انها تكون مميزات بشرية وهي ان البشر فعلا في القديم كان يعيش معظمهم في هذه المنطقة وتمركزوا فيها، بمعنى آخر ان مفردات استقبال الفكرة اتوافرت في المكان ده بكثرة..... الى غيرها من المميزات اللي ممكن تكون غايبة عن تفكيري دلوقت.
====================================

ده الطريقة اللي ممكن أفسر بيها نزول الديانات السماوية الثلاثة في منطقة الشرق الأوسط فقط،
اعترف ان ناتج الاجابة ممكن يكون سطحي للغاية،
بس أقول ايه ف اللي سألني "أنا" ليه "هو" نزّل الديانات التلاتة في حوض الحضارات؟؟!

لو عايز رد حقيقي، أنا اتسأل في اللي أنا عملته، مش ف اللي غيري عمله
أظن بقى واضح تسأل مين ويرد لك على سؤالك بدقة وتبقى اجابته مقنعة 100%

باقول ايه.. أنا هاقوم أغسل غسيل الاسبوع

بصراحة .... أيوة


----------------------

سؤال للي بيتناقشوا: إيه هي حدود المسلمات في النقاش ده؟ "المسلمات هي الحاجات المقبولة دون دليل"، أصلي بصراحة حخلص امتحانات بكرة وحبقى فضيت

سؤالين اضافه الي الاسئله اللي طرحها ابليس

اولا لو فعلا قصه ابراهيم اسطوره ومفيش دليل مادي علي وجوده في التاريخ ده معناه ان الكتب السماويه

اعتمدت في سردها للقصص علي الخرافه والاسطوره وده بيوصل الامور لعدم المصداقيه والسؤال بقه هل هناك قصص اخري اسطوريه في هذه الكتب المقدسه

ثانيا لو احنا متفقين ان الرب منذه وحدود امكانيته تفوق العقل البشري ايه اللي يخليه يلجا في هذه الكتب الي الاساطير بالرغم من انه مش في حاجه ليه

سؤال اخر نتيجه للسؤالين دول هل الكتب السماويه دي من صنع الرب يعني هو اللي خلقهاونزلت بنفس اللغه دي ولا الوحي نزل علي الرسل وهم اللي صاغوا هذه الكتب

انا عارفه ان الاسئله دي تودي في داهيه بس الموضوع كبير وافتكر الاجابات محدوده بس اهي مجرد اسئله يمكن في يوم نوصل لبريق الحقيقه

الرب ليس بحاجة للأساطير, ولكن نحن نحتاجها

ملاحظات على السريع:-

1- هناك علاقة عجيبة بين المسيحية واليهودية، في التوراه إشارات عن قدوم المسيح، وفي الإنجيل تأكيد لهذه الإشارات وأن المسيح قد أتي بالفعل، اليهود يعتبرون أن هذا المسيح هو نصاب وما زالوا ينتظرونه إلى الآن، السؤال: بما أن التوراه لم تنزل من الله، أي أن هناك من قام بكتابتها، كيف عرف هؤلاء وتنبأوا بقدوم المسيح؟ (سواء كان قد أتي بالفعل أو أنه لم يأت بعد)

2- التوراه لا يوجد بها نص واحد عن ثواب أو عقاب في الآخرة، كل الجزاءات دنيوية، فالذي يطيع يهبه الله امرأة مليحة وطعام جيد وعمر مديد (أغلب الأنبياء اليهود تخطوا الـ900 عام)، بينما الأخرين أي الذين لم يطيعوا فإنهم سيعيشون حياة تعيسة، وبالتالي كانت الجزاءات كلها في الدنيا.

3- فلسفة كل من اليهودية أو المسيحية تتعارض تماما مع فلسفة الإسلام مما يمنعهما تماما من مجرد الاعتراف به.

4- حصل تطور في هوية كاتب الكتب المقدسة، من الانبياء والملوك في التوراه، لتلاميذ المسيح بوحي من الروح القدس في الإنجيل، إلى الرب الخالق في القرآن.

التوراه (بحسب نصوصها وليس بحسب رواية القرآن) كتبها بعض (أنبياء) كموسى وداود وزكريا وسليمان ويشوع ...الخ. لم ينزل من الله مباشرة سوى الوصايا التي أوصى موسى بها.

الى حد ما الموضوع مشوق .. بس مش عارف ليه بيفكرنى باللى لابس مايوه ورايح يعوم فى الصحرا

على العموم كملوا وادينا بنستفيد ولما الاقى بس كلمه مهمه وعليها القيمه هابقى اتكلم

ناااااااااااااااااااااااااااااااجى .. كمل يا بن عمى .. مترميش الطوبه فى الميه وتغطس وراها

ماشي مستني رد هانيبال بالذات,
عاوز ابقي ارد علي احمد ناجي و جمر الهوا بس برضة مفيش وقت,ممكن عالجمعة بقي

بس في نقطة حبيت احطها,الحتة بتاعة تفسير ابن كثير عن سورة الاحزاب

ادي النص:

سُورَة الْأَحْزَاب : قَالَ الْإِمَام أَحْمَد حَدَّثَنَا خَلَفَ بْن هِشَام حَدَّثَنَا حَمَّاد بْن زَيْد عَنْ عَاصِم بْن بَهْدَلَة عَنْ زِرّ قَالَ : قَالَ لِي أُبَيّ بْن كَعْب كَأَيِّنْ تَقْرَأ سُورَة الْأَحْزَاب أَوْ كَأَيِّنْ تَعُدّهَا ؟ قَالَ قُلْت ثَلَاثًا وَسَبْعِينَ آيَة فَقَالَ قَطُّ لَقَدْ رَأَيْتهَا وَإِنَّهَا لَتُعَادِل سُورَة الْبَقَرَة وَلَقَدْ قَرَأْنَا فِيهَا الشَّيْخ وَالشَّيْخَة إِذَا زَنَيَا فَارْجُمُوهُمَا الْبَتَّة نَكَالًا مِنْ اللَّه وَاَللَّه عَزِيز حَكِيم وَرَوَاهُ النَّسَائِيّ مِنْ وَجْه آخَر عَنْ عَاصِم وَهُوَ اِبْن أَبِي النَّجُود وَهُوَ أَبُو بَهْدَلَة بِهِ وَهَذَا إِسْنَاد حَسَن وَهُوَ يَقْتَضِي أَنَّهُ قَدْ كَانَ فِيهَا قُرْآن ثُمَّ نُسِخَ لَفْظه وَحُكْمه أَيْضًا وَاَللَّه أَعْلَم

و ادي الوصلة