الدين
ثوابت
متغيرات
موروثات
مستحدثات

إيه اللي ممكن يخليك تتمسك بموروث مش من أصول الدين؟
إيه اللي يخليك ماتدورش على نصوص وتفسيرات تتفق معاك وتهدي شكوك جوه نفسك؟
إيه اللي يجبرك على البعد عن روحانيات ممكن تزود إحساسك بآدمية مفتقد جزء منها لمجرد خوفك من الوقوع في فخ المتناقضات ونظرة المجتمع اللي ممكن تصورك في شكل مش بتاعك؟


المساحة دي ترابيزة بنج بونج كبيرة
اتكلم
سلبيا
أو إيجابيا
حاول تسأل أو تعترض أو تدور على تفسيرات مغايرة

أنا برضه ممكن أتكلم، ولا لأ؟

بص لأول بوست تاني
أنا جبت سيرة نوع الدين؟
حاولت أوصل لكم قصد بتحديد حوار بين أبناء دين واحد؟

حتى لو انت في فترة شك أو إعادة حسابات
ده هايبقى أفيد لك

اللي عاجبني في الموضوع انك واجهت الطرفين في اللعبة بجملة واحدة..

انت الحكم ؟

الموضوع جامد جدا وعندى كلام كتير فيه بس انا حاليا فى فترة سكون
بارتب افكارى وان شاء الله هارد

من غير ما أرجع وأقول وأزيد في حالة الدعاة الجدد وأوهام التدين اللي رسخوها في عقول نفر غير قليل من البني آدمين اللي عايشن معانا
وبرضه من غير ما أبعت اتهامات جاهزة للمتوهمين بالتدين"من الإسلام والمسيحية" والناس اللي قافلة على نفسها قوقعة التدين بإدعاء التقرب من الله
-مع إني عاوز أعمل كده-

لكن الأهم في الموضوع المطروح هنا هم أول كلمتين
العلاقة بالله
كتير قوي بنسمع كلام زي:
ده راجل بتاع ربنا
ده حامل لكتاب الله
انت بس صلي وانت يبقى فيه عمار بينك وبين ربنا
دايما باتصور إن الواحد كل ما بيقرب من ربنا -أو بيحس بكده- بيلاقي إن لسه فيه قدامه كتير ممكن يعمله عشان القرب ده يزيد وعلى الناحية التانية بتلاقي ناس متصورة إن السكة للإيمان فركة كعب

ونيجي للنقطة التانية
اللي بيتعبني هنا إن أي جدل بيدور حول العبادات والغرض من أدائها بتلاقي ناس كتير بتوجه ليك أسئلة من نوعية
هو انت بتأدي الفروض كلها؟
طب إعمل الفروض وبعدين السنن وبعد كده إبقى اتكلم
انت هاتجادل في الدين
"وكأن الدين كله محصور في حركات غير واعية تؤدى بروتينية مسيطرة"

وعن جهل بمعاني الآيات نسينا الغرض من العبادات
"يا أيها الذين آمنوا كتب عليكم الصيام كما كتب على الذين من قبلكم لعلكم تتقون"
"يا قوم اعبدوا الله ما لكم من إله غيره أفلا تتقون"
"وأن هذا صراطي مستقيما فاتبعوه ولا تتبعوا السبل فتفرق بكم عن سبيله ذلكم وصاكم به لعلكم تتقون"
"و ما آتيتم من زكاة تريدون وجه الله"

تصدقوا يا جدعان
كل ما آجي أتكلم مع إخوانا السلفيين عن تحكيم العقل في النص وقواعد مدرسة الرأي الفقهية تكون المروية دي من أهم الإستشهادات اللي بيقدمها لي للتنويه عن أن العقل لا يصلح للحكم على النصوص "السنة بوجه خاص" وبصراحة ماببقاش عارف أرد عليهم وأقول ايه
مش لأني مفحوم أو حاجة شبه كده
بس بصراحة الإجابات بتتزحم في دماغي بطريقة بتخليني مش عارف أتكلم
يعني أرد عليهم أقول ايه

ممكن أقول إن سيدنا علي وهو من أعلم الصحابة وأفقههم مش ممكن ينفي قيمة التفكير بالشكل ده وخصوصا انه هو اللي قال في أحداث الفتنة: لا تجادلوهم بالقرآن فهو حمّال أوجه

ممكن أقول إن سيدنا على برضه بفقهه وعلمه مش ممكن يوقف قضية الإيمان على رخصة أعطاها الرسول في عبادة من العبادات في ساعة ضرورة قصوى

ممكن أقول إن المروية نفسها قد تكون مدسوسة على الإمام علي وأريح دماغي

ممكن أقول إن الرخصة دي بالذات هي الدليل على إعمال العقل لأن الرسول أعطاها للمسلمين في حالة الحرب وزي ما احنا عارفين إنهم كانوا بيحاربوا في الصحرا "أظن أرضيتها رملة" ولو مسحوا على باطن القدم الميه هاتطين الدنيا لكن المسح على وجه القدم بيضمن حد متاح للنظافة في حدود الظروف

ممكن أقول برضه "ويا ويلي لو قلتها" إن مع إحترامي وتقديري البالغ لسيدنا علي "لاحظ كلمة سيدنا" بس مهما كان إجتهاده في الرأي مش ملزم ليّا لأنه مش الرسول

لكن اللي بيحصل ايه؟
بلاقي كل الإجابات دي في دماغي وهاجس بيقول إن البني آدم اللي قدامي بعد ما لغى عقله وسلمه على مذبح المرويات الغير معقولة ماجاش على باله أي رد من اللي بيدوروا في دماغي وغيرهم كتير، وبعد ده كله، باحس إن محاولة النقاش معاه في أي إجابة من دول بتكون أشبه بضرب من ضروب العبث


أفلا تعقلون؟

شوف يا مليجي
الفرق نينا وبين الحيوانات هو العقل: وهذا يعطينا القدرة علي الاختيار بين الحق والباطل... القدرة علي الأختيار هي التي رفعت مرتبة الأنسان لمرتبة أعلي من الملائكة: تذكر أمر الله للملائكة للسجود لأادم....

الملائكة تعبد الله ليل نهار بس ربنا فضل الأنسان بسبب العقل

الأغبياء ( من يخاف التفكير) لن يدخلوا الجنة: غالبا حيروحوا جنينة حيوانات كبيرة

أما بخصوص الأحاديث: انا قلت رأي قبل كده: كلها اكاذيب علي الرسول... رسالة محمد هي القران.. هو ومن بعده الخلفاء منعم جمع أقواله التي ليست من الوحي....

كل الاحاديث ملفقة والغرض منها سياسي... أنساها

طبعا كل اللي أنا قلته رأى شخصي وقابل للنقد بس بلاش شتيمة وحياتكم

سؤال: ليه ربنا ذكر في القران تفاصيل الوضوء ولم يذكر أي شئ عن كيفية الصلاة؟

أعتقد ان ده دليل على أهمية السنة كمصدر أساسي و بدونه لا يكتمل الأسلام

الصلاة ركن جوهري في الاسلام و مصدر توصيفها الوحيد هي السنة النبوية و أحاديث الرسول (ص ع س
)
اللي انتقلت لينا عن طريق التواتر و فيه طرق كتيرة لبحث صحة الأحاديث و تصنيف صحتها

منع كتابة الأحاديث كان ضرورة لفصل الوحي عن كلام الرسول (ص ع س)

القران تناول مواضيع كثيرة بدون تفاصيل لحكمة الهية أعتقد جزء منها أعمال العقل

أعتقد ان مفيش تعارض بين الاجتهاد و الاحاديث المشكلة في غقلية بعض المتشددين

يهمني أسمع رأيك يا دكتور

ليه؟ القران ناقص؟

طيب ليه الأحاديث اليوم تطغي علي القران
أمثلة:
ما يسمي حد الزنا: القتل... رغم أن الحد في القران الجلد... موضوع الرجم ده من الأسرائيليات

ما يسمي حد الردة: القتل.... هذا بالتأكيد ضد النصوص القرانية و ضد الوقائع التاريخية (راجع قصة عبدالله بن أبي السرح) ... ...ء

ما أقصده أن الأحاديث هي مجموعة من الأكاذيب: الغرض منها سياسي والدليل علي ذلك أن أحاديث السنة غير الشيعة: كل منهم يؤيد وجهة نظره بأحاديث

نحن نعتبر اليوم الأحاديث من أساسيات الدين. ولكن الأخذ بالأحاديث قوبل برفض من العديد علي رأسهم المعري.

لأن السلفيين متحكمين في الدين منذ 1000 عام تؤخذ وجهة نظرهم علي أنها صحيح الدين... في حين انهم شوية مخابيل

أختم بقول المعري
إثنان أهل الأرض ، ذو عقل بلا دين، واخر دين لا عقل له

المشكلة فعلا ان في حاجات مش مذكورة في القران
زي كيفية الصلاة مثلا
انا لما اعوز اصلي هاصلي ازاي
هارجع للاحاديث
و لكن انا متاكد ان اغلب الاحاديث غير صحيحة
علماء المسلمين اهتموا بسند الحديث و اهملوا المتن
لدرجة ان في احاديث بتناقض بعض
زي الاحاديث بتاعت معاملة النصاري و اليهود
احا
تناقض كبير جدا
اذن يجب اعمال العقل
و لكن اي عقل؟
و الي اي مدي؟
النص انا ممكن افسره بطريقة و جد يفسره بطريقة مختلفة تماما
يبقي المفروض ان شوية عقول هما اللي يفكروا و يتفقوا علي حاجة واحده؟
برده مالهاش معني
ده انا لو فكرت حتي اني ادرس الفقه هلاقي ان اغلب الكتب مليانة بالمتناقضات و الاسرائلياتو مش انا اللي بقول كده
ده عبد الفتاح الشيخ كان شيخ الازهر قبل كده
كان في برنامج الاتجاه المعاكس
و كان كل مايلاقي حاجة مش عاجباه يقول دي اسرئيليات
موضوعة في الكتب
وكانت كتب كلها ذات قيمة كبيرة عند السنية
الخلاصة يعني
اني لغاية دلوقتي لم احدد موقفي

كتير اوي كنت بسأل نفسي الاحاديث دي ايه اللي مخليها صحيحه مع ان فيه تناقض بينها وبين بعضها في مسائل مش قليله
ربنا قال في القرآن انه حفظه ولكن مجبش سيرة حفظه للاحاديث النبوية
كمان فيه حاجه تانية
الاحاديث القدسية .........انا مش متأكد منها وبعتبرها مش صحيحه
"اليوم اكملت لكم دينكم واتممت عليكم نعمتي ورضيت لكم الاسلام دينا "
بمعني ان لو ربنا كان عاوز يكلم العباد فكلمهم في القرآن واداهم كل التعليمات وجاوب _تقريبا _علي كل الاسئله اللي دايرة في دماغهم بحيث الباحث في القرآن هيلاقي اجابة اسئلته
ممكن تكون الاحاديث دي _مش كلها_غير صحيحه ولأغراض سياسية لان رواة الاحاديث دول مش ملايكه وبشر وعلي عصرهم كان فيه ضغوط سياسية واجتماعيه ومصالح متضاربة ومتماشية مع مصالح الغير

عفوا


محدش رد على السؤال

تعرض اسم النبي حارسه خالد الجندي لحملة نقد واسعة لما تردد حول بعض آراؤه المتعلقة بتحريم الغناء والموسيقى وتعرضه لشادية "والست" أم كلثوم ولنر ما قاله فخامته ردا على ما وصفه بمزاعم غير حقيقية حول آراؤه في هذا الموضوع

نجده هنا وقد انبرى لنفي التشدد وتحجر الرأي عن نفسه وإذا به يقع في فخ نصبه بنفسه، فلا تزال النبرة أحادية الفكر النافية لكل ما عداها من آراء ظاهرة في كلامه، فنرى هنا كلمات من نوع "الذي...إنما هو...." و"لا يفلح معه الكلام" ونلاحظ اسباغه قدسية على شخص فنان ما في مجال الإبداع تناهز القدسية المسبغة على أشخاص رجال الدين بنفس الطريقة

للعقل حدود