عاوزين ننفض عن بعض غبار الكسل,
بقالنا كتير ما اتكلمناش في حاجة مفيدة,
مرة زمان قبل ما نتقابل مليجي قال لي عالماسنجر انة خايف لما نبقي صحاب تختفي الحوارات القوية من حياتنا و نتكلم مع بعض عن السكر و الزيت و السمنة
كل دة مهم,بس احنا مقضينيها تهييس,حتي لما بنتقابل,كل واحد بيبقي هدفة ازاي يرفة عن الباقين
بعد المقدمة الطويلة دي,عاوز افتح توبيك عن عبد الرحيم منصور,الانسان دة شديد الثراء,و انا شايف انة من اهم الناس الي كتبت شعر في اخر 30 سنة دول,بكل اسف عبد الرحيم لم يسع لتوثيق نفسة ,كل الي نعرفة عنة,انة لة ديوانين,الرقص علي الحصي "اهديتة لصديق يعيش حاليا خارج مصر"و الديوان الاخر مش فاكر اسمة,رغم ان شعر عبد الرحيم مش الاقوي ولا الاعمق ولا الاصعب ,و رغم انة احيانا بيكون مكسور,بس محدش ينكر انة من اجود الشعراء الي ظهروا في الفترة دي,عبد الرحيم مكنش مجرد شاعر,كنت سمعت انة يساري و انة اتسجن,دة مش مهم بالنسبة لية,عبد الرحيم الانسان بقي مهم بالنسبة لية اكتر,محدش ينكر ان عبد الرحيم منصور كان تقريبا السبب الرئيسي في ثورة الموسيقي المصرية الي اسمها موسيقي الجيل,عبد الرحيم مكنش مجرد كاتب مع منير,عبد الرحيم كان هو همزة وصلة مع الحاج احمد منيب,و عبد الرحيم كان شبة المستشار و الموجة الفني لمنير,و بعدة منير فعلا نزل كتير,عبد الرحيم ايضا انسان في منتهي انكار الذات,مرة كنت حاضر ندوة و كان بيتكلم فيها الملحن عبد الرحيم عويضة ان ازاي عبد الرحيم منصور كان بيقلب في دواوين معظم الشعراء المصرين المشهورين و غير المشهورين من اجل انة يلاقي لمنير نصوص يغنيها,يعني ما حاولش يستغل منير كواجهة لشعرة,بالعكس,وفقا لرواية عويضة فان عبد الرحيم كان هو الي اختار معظم اعمال فؤاد حداد الي منير غناها و بالذات اة و اة ,اما الليلة يا سمرة,فقعد يتحايل علي فؤاد حداد بالشهور علشان منير يغنيها ناقصة كوبليهات ,المعروف ان دة كان تقريبا المرة الوحيدة الي الشاعر الاسطوري فؤاد حداد يتنازل و يقبل ان قصيدة من قصايدة لا تغني كاملة(*)
بعد الرغي دة كلة,عاوزين نساعد بعض في عمل
Biography
لعبد الرحيم منصور
انا عارف ان معظمك زيي مش عارفين حاجة عنة,بس نساعد بعض,زي ما عملنا في ابراهيم رضوان و عرفنا جانب من حياتة و اعمالة ,حتي لو في حد يقدر يتصل شخصيا بأبناء عبد الرحيم الي هما تقريبا في سننا كمشروع لتثيق اعمال والدهم
اية رأيكم في القصة دي,ولا انا متحمس في وقت معدش في حماس,و ادينا قاعدين عالقهوة؟؟؟
*القصة دي خارج السياق,بس ها اذكرها كدليل لقيمة ما فعلة منصور مع منير في الليلة يا سمرة,في مرة من المرات ارادت سعاد حسني انها تغني لفؤاد حداد ,راحت لصلاح جاهين بصفتة صديق مشترك,و طلبت منة يرشح لها نص,و بالفعل قبلتة,بثقافتها الضحلة,طالبت السندريلا ببعض التغيرات,و كان دة في وجود فؤاد حداد شخصيا,فا بتقول لة,يا استاذ فؤاد انا مش عارفة لية حضرتك مش عاوز تغير في كلام القصيدة,دة حتي الاستاذ صلاح جاهين قبل يغير في كلامة,فكان رد فعلة متطرف جدا ناحيتها و ناحية صلاح جاهين,والرواية دي اتحكيت لي ثلاثة مرات ,مرتين سمعتها في التليفزيون من بهاء جاهين و احمد نجم و مرة من فم صديق لوالدي شغلا صحفي,رد الفعل كان مختلف في كل رواية,بين الطرد من المكتب ,و الاستهزاء بيها و الاستهزاء بصلاح شخصيا" و لو اني مش مصدق قصة الطريد ولا الاستهزاء بصلاح جاهين
تصحيح هايف بس
عبد العظيم عويضة
مش كده؟
موضوع هام جدا، وملح
ولو أنه ما في اليد حيلة
أعلم أن منصور رحل باكرا، وربما في عمر 36 سنة فقط، غير أني لم أجد له حتى صورة في الانترنت. أظن أني سمعت أنه كان يعمل في الصحافة، وكان أول من استضاف منير في القاهرة، وعرفه على بليغ حمدي.
اتذكر لعبد الرحيم منصور حكايه حلوة سمعتها من بنته اللي كان كاتبلها "عنيكي تحت القمر"..بعد العبور في اكتوبر..عبد الرحيم منصور خد بليغ حمدي و طلعه الساعه اربعة الغصر كده على مبنى التلفزيون عشان لازم يعملوا حاجه..قعدوا ساعه كانو عاملين
حلوة بلادي السمرا بلادي الحرة بلادي
و انا على الربابة بغني
غنوة الحرية
...
حلوة بلادي السمرا بلادي الحرة بلادي
و
وسمينا و عدينا
و رجعنا ابتسامة مصر
...
و ايد المولى ساعدتنا*******************
مش لاقي حاجة اقولها لعبد الرحيم منصور غير
تسلم
| QUOTE (lonewolf @ Oct 28 2004, 06:47 PM) |
فان عبد الرحيم كان هو الي اختار معظم اعمال فؤاد حداد الي منير غناها و بالذات اة و اة
|
استفسار هايف بقى
هو منير غنّى آه وآه؟
اللي أعرفه إن منير غنّى لفؤاد حدّاد 3 قصائد، الفل والياسمين، الليلة يا سمره، والجيرة والعشرة
| QUOTE (Elmelegee @ Oct 29 2004, 09:45 PM) |
عبدالرحيم منصور ![smile.gif](http://4.<a href="http://www.forumer.com">forumer</a>.com/html/emoticons/smile.gif)
قولوا لعين الشمس ماتحماشي
لاحسن حبيب القلب صابح ماشي
البيت الأول كان السبب في تكفيره من قبل الشيخ عبدالحميد كشك وكان رد فعل منصور هو الإبتسام والرد بخفة الدم عند ذكر الواقعة
يمكن الموقف ده يدينا فكرة عن شخصية عبدالرحيم منصور، الطيبة المتناهية، الإهتمام بالفن وحده، الإنفعال في الإتجاه الإيجابي فقط
|
قولوا لعين الشمس بتاعة مجدي نجيب، والله أعلم
| QUOTE (Hamuksha @ Oct 30 2004, 12:35 PM) |
| QUOTE (Elmelegee @ Oct 29 2004, 09:45 PM) | عبدالرحيم منصور
قولوا لعين الشمس ماتحماشي
لاحسن حبيب القلب صابح ماشي
البيت الأول كان السبب في تكفيره من قبل الشيخ عبدالحميد كشك وكان رد فعل منصور هو الإبتسام والرد بخفة الدم عند ذكر الواقعة
يمكن الموقف ده يدينا فكرة عن شخصية عبدالرحيم منصور، الطيبة المتناهية، الإهتمام بالفن وحده، الإنفعال في الإتجاه الإيجابي فقط
والكلام ده طبعا لو إعتبرنا كلامه عن الغربة وأعماله المليئة بالحزن إنفعال إيجابي لأن بطبيعة الحال الإنفعال ده انتج فن جميل
العنصر اللي باشوفه مهم قوي في منصور هو إقترابه من مصر بصورة بتتغير قدامي بإطراد كل ما بتزيد عندي
ممكن تقول إن شمس المغيب هو أصدق تعبير عن اللي باقصده
الأغنية دي من أول ما سمعتها وكل سنة بيتغير رد فعلى كل ما أسمعها
حرف دايب في اسمك
لون صغير في رسمك
خيط في شمسك
في أمسك
في بكرة اللي جاي قريب
|
قولوا لعين الشمس بتاعة مجدي نجيب، والله أعلم
|
مسرحية قولوا لعين الشمس بتاعة نجيب سرور هي و ياسين و بهية و منين اجيب ناس
ولا انتوا بتتكلموا على حاجة تانية؟
![biggrin.gif](http://4.<a href="http://www.forumer.com">forumer</a>.com/html/emoticons/biggrin.gif)
![wink.gif](http://4.<a href="http://www.forumer.com">forumer</a>.com/html/emoticons/wink.gif)