اصطبحنا وأصطبح الملك لله
أولا انا لسه شايف التوبيك ده دلوقتى ومعرفش أتنشر أمتى أصلا بس فيه شويه ملحوظات على الهم التقيل اللى جوه
أولا رامى يحيى : بغض النظر عن أى شىء تانى غلطان فى أنه كرر حدوث الشئ اللى كان السبب فى الهجوم عليه من قبل وهو نشر القصايد بره الونسه
يارامى أنت صاحبى .. وعارف ان النشر بره الونسه مش مسموح بيه على الأقل للناس اللى جايين جداد .. وبعدين يا عم أنشر هناك و هنقراها وهنرد عليك وزى الفل ..وبالرغم من البدائيه فى اسلوب التوبيب كما قلت المتعه هتلاقيها عند الجميع فحاول تحس المتعه دى معاهم .. يبقى فى الآخر انت دى طلعت منك أوت مع أن القصيده و كلامها ده موضوع تانى خالص وانت عارف رأيى فيها
ثانيا السيد أوديسيوس الناجى
سيبك بقى من حكايه الرد منطقى بس عنيف والتمثيليات دى .. اللى انت عملته بكل بساطه ده نوع من الجليطه وقله الذوق .. الراجل لسه بيقول يا هادى تروح داخل فيه شمال على طول .. وطبعا انا مش أنصار نظريه الكوووت بتاعه الاستشهاد من كلامك والهبل ده وكل واحد عارف قال ايه
يا ناجى .. النقد عمره ماكان معناه الهجوم وبس .. يا عم الحج النقد عباره عن عمليه تحليل .. لبيان المزايا والعيوب فى العمل الأدبى والهدف منه محاوله للأيضاح لدى قارئى العمل .. يبقى مش زى مانت كتبت خالص .. دين أم .. ودين أب.. وشاعر القريه وهجايص .. وبعدين حد الله أنا ما شايف اشتراكيه ولا يحزنون فى القصيده واحد بيقول لبنت أنتى مش أللى أنا بحبها .. فين بقى يا عم الاشتراكيه اللى متخبيه ورا الكلام بطريقه عبقريه وهدفها التسميم
نيجى بقى للبلوه الكبيره ( عشان أنا أحمد ناجى ) دى بقى خلت موقفك فى الجملكه .. يعنى انا شايف انه مملهاش معنى غير فى المهاترات الجانبيه التى تحدث فى فصول مدارسنا الثانويه وخاصه فصول الصف الأول الثانوى .. ايه اللى انت أحمد ناجى .. المفروض انى أحد توبيك تانى كله علامات استغراب بس
يا أحمد أنت عارف انا علاقتى بيك ايه .. ومقدرك أزاى بس انا مش جاى على حد فعلا .. من الآخر ان بتزيط على رامى لمجرد الزيطه .. وده مش أسلوب دائم .. بس صدقنى ياناجى العجل لما بيقع بتكتر سكاكينه .. و أفتكر كده من أسبوع ايه اللى حصل
أبوس ايديكوا يا جدعان اللى معترض يعترض صح .. وميزيطش أحنا مش فى الشارع
والله أعلم
لم اكن اريد ان اكتب في هذا الموضوع لكنر سر الحياة حفزني للكتابة:
اولا نقطة خارج الموضوع,في شاعرين شابين بيكتوا للفرق الصغيرة الناشئة زي بلاك تيما ووسط البلد و الوان و الاتنين اسمهم رامي,احدهم هو رامي يحيي و الثاني مش متذكر اسمة,و انا لا اعرف العضو الي معانا اياهم
ثانيا:
دعنا نتفق ان كل المحاولات الشعرية التي تنشر هنا هي محاولات لمشاريع شعرية مغمورة و ناشئة وواعدة, و ان المرحوم عبد الرحيم منصور او العظيم فؤاد حداد او حتي الجيل الحالي من الشعراء المجيدين مثل سيد حجاب و امين حداد و وفاء المصري لا يشرفون الموقع بزيارتة
ثالثا:
| QUOTE |
| يارامى أنت صاحبى .. وعارف ان النشر بره الونسه مش مسموح بيه على الأقل للناس اللى جايين جداد |
مبدئيا انا اعترض علي موضوع ان النشر خارج الونس ممنوع علي الجداد,فأنا امقت نغمة الجدد و القدماء و الكبار و الصغار هذة,ثم ان النشر داخل الونس بالشعر ليس اجبارا علي احد,فهو من حقةوو لكن من حقنا نحن ايضا ان نتجاهل اي شعر ينشر في خارجة او ان نتحفز ضد صاحبة اذا اصر علي ذلك.
رابعا:
احنا مش سايت جامد تقنيا ,و لم ندع في اي وقت ذلك ,نحن مجرد مجموعة من الشباب انشأت منتدي مجاني لتزجية الوقت ,لا اكثر ولا اقل,و هو مفتوح لجميع العقليات التي تمتلك القدرة علي التفكير,و نحن لم ندعي اننا الملتقي الرسمي الاول لشعراء القاهرة الكبري تحت رعاية موبينيل,و علي من يريد الانضمام الينا ,و وذلك يشرفنا و يدعمنا ,ان يلعب بقواعدنا,و انا احس انها تنقص من قدرة ,علية الرحيل من سكات, بدون ا يمحاولة لاحداث البروباجندا و لفت الانظار ,و اقسم باللة اني سأكون حزين ان رحل و لكنها امكانييات موقعنا التقنية التي لا نملك حاليا الوقت لتحسينها,رغم وجود عدة مهندسين برمجيات بالموقع,انا احدهم
كما اننا ايضا لم ندع اننا مثقفين او متعمقين او متذوقين للفن او اي شيء اخر ,بالعكس معظمنا يعترفبأننا شخصيات عادية جدا و ننقد نقد انطباعي من نوعية "وحش" و "حلو" بدون ابداء اسباب
خامسا:
| QUOTE |
| ا:سيبك بقى من حكايه الرد منطقى بس عنيف والتمثيليات دى .. اللى انت عملته بكل بساطه ده نوع من الجليطه وقله الذوق .. الراجل لسه بيقول يا هادى تروح داخل فيه شمال على طول .. |
اسف مرة اخري يا سر الحياة,و لكن ان تريد ان تتكلم بطريقة الاصول و الواجب و اخلاق القرية ,و التي لا تحكم منتديات الانترنت فان الجليطة و قلة الذوق هي ما فعلة الاخ صعلوك ,و انا اسف لاستخدامي تلك الالافاظ,و لكن ان يصر شخص ما علي ان يتجاهل قواعد مكان معين هو عضو جديد فية لاكثر من خمسة مرات,رغم محاولتنا للفت انظارة لذلك,الا انة يتعامي,فان رد فعل ناجي منطقي جدا,و بلامناسبة انا اوافق علي كثير مما قالة ناجي و خاصة في موضوع الكريشندو المتكرر في قصائد صعلوك,وبالمناسبة تم تنبية صعلوك لموضوع النشر خارج نطاق الونس بعدة وساءل هادئة من قبل
يعني بالبلدي كدة يا حاتم,لو انت داخل بيت ناس و ليهم سلوك او عادة معينة,انت صممت انك تكسرها بأنتظام و هما نبهوك بالادب كذا مرة ,يبقي مين الجلياط؟؟هما علشان قرروا يتعاملوا معاك بأسلوب غلس و لا انت علشان صممت تمشي كلامك جوة بيتهم؟؟؟؟و خليك فاكر ان صعلوك هو الذي لا قال انة حتي لا يهتم بقراءة الردود و النقد الموجهة الية ما دامت داخل نطاق الونس
سادسا:
موضوع النشر خارج نطاق الونس اخذ اكبر من حجمة,و قد يراة البعض شيء تافة و صغير,ول كني اري لة ابعاد اخري,اول هذة الابعاد كما اسلفت هو محاولة فرد واحد تغير نمط جماعة معينة لارضاء ميولة الخاصة,هي قمة في الدكتاتورية,و ثاينها هو مرض الظهور الذي امقتة,فالاخ صعلوك منذ ان جاء الينا و كل هدفة هو لقت الانظار و ان يكون محورا للحديث,سواء ذلك بالسلب او بالايجاب,و عندما وجد ان الشعر ليس كافيا اخذ في محاولة شد الانظار بمواضيع من نوعية" الاعجاز الادبي في القرأن" و هو موضوع اقل ما اوصفة بية ان تافة,و انا ليس عندي اي مشكل في نقد القرأن بالمناسبة,و المقربين مني يعرفون ذلك,و لكن ما نشرة صعلوك لم يكن نقدا و لكنة محاولة طفل صغير لشد اعين اهلة بتمثيلة انة قد ابتلع دوائا مميتا او تعرض لتيار كهربي
و بالمناسبة,فان نمط شد الانظار و التمثيل نمط منتشر في ساكني مستوطنة وسط البلد,و في احيان اخري,لا ادري ان كانت حالتنا ام لا تقترن الاعراض مع الفراغ الداخلي و محاولة ايهام النفس بأن لها هدف كبير للحياة .
و لعلكم تتفقون معي علي ان مصطلح المدارس الاميرية, مثال صارخ لما كنت احاول شرحة في السطور اعلاة,فمن غير زعل يعني,90% من الناس هنا ابناء مدارس اميرية منهم معيدين بالجامعة و مهندسين و اطباء و خريجي و طلبو اداب و حقوق و تجارة و غيرها من الكليات و ايضا لدينا خريجي ثانوي صنائع ,و جميعهم يجيدون العربية و الانجليزية و لغات اخري مثل الايطالية و الالمانية,ولا اعتقد ان فشل الاخ صعلوك في ترجمة تلك القطعة الانجليزية اعلاة يرجع الي طبيعة تعليمة ,بل يرجع اساسا الي قدرات شخصية بحتة,او انة بالفعل استطاع ترجمها و لكنة يريد لفت الانظار
ثامنا:
نقطة حول شعر الاخ صعلوك الذي نسيناة تماما في خضم النقاش,انا معجب جدا بأعمالة,و لكني في الفترة الاخيرة اراها مكررة,كما اني اري ان اعمالة النثرية افضل بكثير من اعمالة المغناة,و اري انة يستهلك تربة شعرة في الاكثار من كتابة الاغنيات,و في رأيي الاقل من متواضع ان يقلل من عدد اعمالة الغنائية حت يتظهر بجودة اعلي,و لا يبنيها يدور في مدرسة بناء الاغنية حول مصطلح واحد قوي, كما ان ياحيانا اراة يتعمد الغموض و استخدام الفاظ و تشبيهات و تراكيب غير مطروقة لمجرد لفت لانظار او من منطق " انا بكتب اغنية بديلة فلازم ابقي مختلف" من نوعية "ما تهدش حيل الليل"
تاسعا:لا اعتقد اني لدي السعة النسية ولا الوقت لكتابة ردود اخري مفصلة
ملاحظة اخيرة :
انا زعلان جدا من تاح بسبب موضوع عربيات الانقاذ دة,لانننا لا نتعامل بهذا المنطق,و الدليل هو تقبلنا لكثير من الشخصيات و دخولها في المجموعة و تاح احدهم ,و تقارب افكارنا لا يعني دوما اننا نجام لبعضنا,ذلك يحدث بالتأكيد ولكنها ليست القاعدة,القاعدة هي ان ذوقنا يتشابة,لأذا اصبحنا اصدقاء فطبيعي ان تخرج التعليقات متشابهة,مثلما حدث في حفلة الساقية
بصو ياجدعان
اخره اليله
اني في نظام محترم ومتفق عليه وقائم بين الناس من سنه
وعاجب الكل ومحدش اعترض عليه
الي عاجبه علي كده اشطه وعلي العين والراس
الي مش عاجبه بقي......
يشفله حاره تانيه
حتي معلش لو الي هايقوله بيعجب الناس كلها
انما احترام النظام هو الاساس
بس
السيد أى بى
أبصر غبار حوافر خيول البيضان على مرمى البصر
والسمنه تعلو فى الآفاق
واللبن مهان
ولكل منا لبنه الخاص
وساحه خبيزه الخاصه
ونظرته الخاصه جدا .. الى من حوله
علهم يهتدون
أو عله هو يكفر بما يؤمن به
توبيك غريب جدا..محتدم جدا..و ليه مش عارف
![mounirian/whistling.gif](http://4.<a href="http://www.forumer.com">forumer</a>.com/html/emoticons/mounirian/whistling.gif)
![biggrin.gif](http://4.<a href="http://www.forumer.com">forumer</a>.com/html/emoticons/biggrin.gif)
![tongue.gif](http://4.<a href="http://www.forumer.com">forumer</a>.com/html/emoticons/tongue.gif)
![mounirian/signgoodluck.gif](http://4.<a href="http://www.forumer.com">forumer</a>.com/html/emoticons/mounirian/signgoodluck.gif)
![wink.gif](http://4.<a href="http://www.forumer.com">forumer</a>.com/html/emoticons/wink.gif)