أنتي مش هي




.. أنتي مش هي

شعرك مالهوش ريحة الطمي

ولا عنيكي بغوط الليل

ملمس الرمان ف عيني ماكنش له طعم الثورة

. ما لقتش ف حضنك الدفا اللي يسحب الغربة من جتتي



.. أنتي مش هي

.. النوبي التايه في صحرت جسمك

لم يخلع نعليه

ما أنتفضش

ما أرتعش

.. حتى الحيطة المتشرخة جدا

. ما أتهزتش ف لحظة التجلي



.. أنتي مش هي

.. ما أنتيش الخزنة الحية اللي تحافظ على جسد الهربان من ربه

لغاية مايرجع يستغفر

. أو يوصل للأرض التانية



.. أنتي مش هي

بيرك المغروس فوسط الواحة

ما غسلش قلب يوسف بالأمان

يوسف المكروه من أخواته

... يوسف اللي وحده داق

. حنية الديب



.. أنتي مش هي

بعد الفترة دي كلها في الغار ولسة مانزلش عليا أي وحي

لأقدر أجذم أنك مش هي

.. ف أوعاكي تنتظري أني أتألم ربع شهر

. لجلٍ تعودي لي

أو أني أطلع ع الصليب بأختياري

.. كفارة عن غلطة ماعملتهاش على أمل أنك ترجعي

.. مانتيش هي

.. مانتيش أمل

.. مانتيش وطن

.. مانتيش إله

. لكن أنا ........ نبي

_________________

يا فرحتي بهدوم العيد من بعدك

.. مفضلش للصيام في حلقي

. غير طعم الجوع

واضح ان اللى هنبات فيه هنصحى فيه
قولنا قبل كدا ياعم صعلوك
نتمنى و ندعو الله
ان تتفضل علينا و تضع ابداع قريحتك الشعرية في توبيك الونسة بالشعر
لا ان تضيفها على هيئة توبيك جديد
فنحن كما ترى سموكم قوما فقراء لا نملك سوى منتدى يتكون من ثلاث صفحات
و فتحك لتوبيك جديد لكل قصيدة يأتى على حساب موضوعات اخرى تهم معظم اعضاء المنتدى
كما انه يؤدى الى ضياع ابداع قريحتك المقدسه مع مرور الزمن
لكن وضعك للقصائد في توبيك الونسة ياتى بالمنفعه عليك و على سائر الامة الاسلامية بالخير و اليمنى و البركات
حيث
:
1- توفر مكانا لمواضيع حوارية اخرى
2- تضمن بقاء قصائدك الى الابد في توبيك الونسة و عدم ضياعها في صفحات المنتدى

شكرا على هذا الترحيب اللي قابلت بيه أول قصائدي بعد العودة

لكن دعني أذكرك أنه أنا نفس الذي يرفض أن يبحث عن الردود الموجهة لأعماله وسط العديد من الأعمال

الأخرى والردود عليها

ـــــــــــــــــــــــــــــــــ

يا فرحتي بهدوم العيد من بعدك

.. مفضلش للصيام في حلقي

. غير طعم الجوع

But we dont wanna take time searching for ur Poetry through out forum pages so i think A.Naje opinion is right

and also it up to You - do wat u want < heres the freedom >


need you to know that i love ur Poetry since we was in xpt.net so please stay up this work

and

welcome man!

فعلا يا صعلوك انت كده مش هتدور علي الردود

و انا كمان

بس يا كابتن
انت جاى في وقت مش وقتك خالص
أولا من ابسط قواعد الذوق و اللياقة انك تحترم الاخرين و انتاجهم الفكرى و الابداعى
علشان يحترموا انتاجك و شخصك انت كمان
لكن
هتعيش لى دور شاعر القرية الذى يقتحم المدينة و مثقف وسط البلد اللى عايش لى في ثورة الطلبة في الستيات
صدقنى هتكون تسلية محببة لعدد من الافراد
اولهم انا



-------------

نجى بقى للقصيدة
عارف ليه انا مرديتش على القصيدة بتاعتك
علشان انا احمد ناجى
و يمكن اكون اكتر واحد هنا في المنتدى فاهم كتابتك اوى
و القصيدة دى اضعف حاجة قرأتها لك
لانها نفس التكرار
و السلم الانفعالى
و اللعبة اللى انت بتكررها في معظم قصائدك
و اللى ممكن تكون في الاول ظريفه و متيرة
و مبتكرة بالنسبة للساحة الادبية المصرية .. لكن مع التكرار بتكون مملة جدا

حاجة اخيرة
هو ليه بعض الناس الغلابة و البسطاء من الداخل
أول ما بيعرف ينطقوا و يتكلموا كلمتين .. بيعتقدوا بكل حمق و غباء ان الكتابة دى مخلوق مقدس؟؟؟؟؟
من اين ينبع ذلك الحمق الذى يجعل البعض يعتقد ان الكتابة او حى
و ان الشعر يهبط من السماء بشكل مقدس؟؟؟؟؟
في الحقيقة دا موضوع موجود في القافة لعربية من ايام زمان جدا
و اسبابه ممكن تكون مفهومة
لكن مش مفهوم ليه حاليا
و بعض ما اثبت الزمن
ان اضعف فيدويو كليب اقوىىى مئة مرة من قصيدة لفؤاد حداد
في البعض بيتمسك بغباء بخيار الشعر المقدس؟؟

للاسف مش ممكن أعيش في دور شاعر القرية لعدة أسباب

لا أستطيع العزف على الربابة *

لا أستطيع أرتجال الشعر في التو واللحظة *

لا أتحمل المشي في الشمس لفترات طويلة *

لا تستطيع أنت أرتداء العمة كما ينبغي *

لم أرى قريتي أصلا إلا مرات معدودة *


أما عن موضوع المثقف والثورة والطلبة والشغل ده

فهذا ما لا أدعيه على الأطلاق وبرضه عندي أسبابي

أنا مش مثقف *

لم تقم في تاريخ الدولة التي أعيش فيها أي ثورة *

لم أكن يوما طالب في الجامعة - الطلبة المنوط لهم القيام بالثورات - فأنا حاصل على دبلوم صنايع *

تزوج أبي من أمي في نهاية الستينات وأنجبوني في النصف الثاني من السبعينات وبدأت الكتابة هذه *

.الالفية

إذا لا يوجد صحيح من ما قلته أنت سوى أني من مرتادي وسط المدينة *

. لكن بالمصادفة هذه هي المنطقة التي ولدت وتربيت فيها

أما عن موضوع التسلية وكونك أول زبائني في هذا المضمار الجديد بالنسبة لي


فأهلا ومرحبا بأي كائن

المهم سيبك من الكلام الفارغ اللي سحبتني على أرضيته ده وتعالى نتكلم في

الجد

تقول أنت

عروستي

فاكر اللعبة دي ولا نسيتها

إذا لم تكن تذكرها فأنا أستغرب هذه المسلمة الأدبية التي ترفض بمقتضاها الرد على قصيدتي
ألا وهي أحمد ناجي


ثم بدأت فجأة - وعلى عكس خط سير أسلوبك - تتعامل مع الرد على النص بشكل يبدو منطقي
هذا على مستوى الشكل أما عن ما جاء في المتن - فحوى الرسالة - فلا أجد جدوى في الرد عليه
فمهمة الشعراء هي كتابة الشعر لا الدفاع عن شعرهم



أما عن الزملاء المهذبين الذين قاموا بكتابة تعليقاتهم على النص فبالطبع أشكر لهم الأهتمام وأرجو أن أكون أسعدتهم بالقصيدة وأن يغفروا لي هذه المداخلة الطويلة



ـــــــــــــــــــــــــــــــــ
يا فرحتي بهدوم العيد من بعدك

.. مفضلش للصيام في حلقي

. غير طعم الجوع

السيد الويب ماستر بعد التحية

لقت قلت أنت

[/QUOTE]But we dont wanna take time searching for ur Poetry through out forum pages so i think A.Naje opinion is right

and also it up to You - do wat u want < heres the freedom >


need you to know that i love ur Poetry since we was in xpt.net so please stay up this work

and

welcome man!
[QUOTE]

كنت أريد أن أرد على ما قلت لكن للأسف لم أفهم أي شيء فانا خريج مدارس

أميرية
ـــــــــــــــــــــــــــ

يا فرحتي بهدوم العيد من بعدك

.. مفضلش للصيام في حلقي

. غير طعم الجوع

يلعن دين ام الاشتراكيه على عصر الفلاحة اللى صورتها في الجرانين
شوف ياعم صعلوك
و النبي تفتح مخك معانا شوية
مع ملاحظة ان تفتيح المخ لا يرتبط بخريج المدارس الاميريه او الديلومات الفنيه
او الجامعة الامريكيه

حضرتك قلت ان في عشوائيه في النشر
طبعا
و انا شرحت لك الاسباب في ردى الاول
و هى ان احنا سايت ضعيف
ثانيا احنا مش سايت ادبي
و التوبيك المفتوحة
هو محاولة للونسه بالشعر
و ليس نشر القصائد و الفرجة عليها

بالنسبة لكلام السيد و يب ماستر
فحضرتك كان ممكن تشوف برنامج ترجمه و ترجمه
و دى حاجة مش مرتبطه بالمدارس الاميريه

عروستى
مين بقى عبقرى زمانه اللى قال العبارة الهايفة دى ؟؟؟
و مين هو الاله اللى له سلطة ان يحكم و يحدد مهمة الشعر او الشاعر ؟؟؟

ok that's cool ..

s3lok a7ana bn2ol ank t7ot el kaseda fe topic el wans be el sa3r 3alshan
mab2ash fe amken kter le el sh3r

tamam ..

wala anta 3aez tft7 bab le el ash3ar besmak ??


bAsssssss


ya rab tkon fham ..

معلش يا صعلوك اصل الموضوع شلل و ده يعرف ده وكده يعني
بس انا مع الناس في انك تكتب في الونس علشان المساحه و ان انا اما كلمتك مش فهمت مبرراتك.
كالعاده الموضوع لسه شلل و ناس بتحابي لبعض..
و النبي كفاية تناكه بقه

اهلا
سيارات الانقاذ

يعنى اولا الموضوع دا بالذات و حتى الان مفيش فيه اى اثر
للشلل او العصبيه
او المحابة
ختى ابراهيم توفيق لما دخل و و لقي نفسه متفق مع كلامى
قال انى غلطان لان اسلوبي كان عنيف
يعنى كمان واضح اوى انه بينقدنى
مش واحد صاحبي داخل يساندنى
و يعمل ضهر لى
و لا واحد صاحب واحد في شلة واحده
داخل يعمل جو و واجب