عمري ما حبيت الحدود الاسلامية,زي حد الزنا و شارب الخمر و السرقة.

بس اكتشفت اخيرا انها مهمة,لان الحكمة فيها هي العلانية,او التجريس بالبلدي,لان في شخصيات تستاهل التجريس دة ولان الشخصيات دي عمرها ما ترتجع بالكلام

انا بشهدكم اهو يا جماعة علي احمد ناجي,مش عارف اعمل فية اية
صبرت علية كتير و قلت مراهق و ها ينضج بس واضح ان الموضوع اكبر من لعب عيال
انا ها احكي لكم الحكاية و ليكم الحكم,و تقولولي اعمل في اية

ها تقولولي مالك يا عبدة:
طبعا انتوا عارفني من حوالي سنة,لا اتذكر اني تعصبت علي حد قبل كدة الا مرة او اتنين و كانت حالات تستاهل,
ناجي و مرة اخري بيحاول يخدع الجميع معتقدا انة اذكي من الكل و مش قادر يفهم ان زي ما هو ذكي ,كل الناس هنا بتفهم

لاقيتة المرة دي حاطط نصوص مسروقة علي انها بتاعتة,دي مش اول مرة ,بس قبل كدة كنت بسكت لاني معنديش نسخة من الكتاب
بس المرة دي عندي نسخة من الكتاب,هو حاطط النص دة في غبار الامكنة :

النص دة مأخوذ بالحرف من كتاب ,خارج الكتابة لابراهيم داوود ,بالتحديد الجزء الاول"وسط البلد -صياغة اخيرة" و بالتحديدي اكتر صفحة 19 و النص ايضا كان اتنشر من حوالي 8 سنين في نص الدنيا ,بالمناسبة الكتاب صادر عن دار ميريت.

و المرة دي الكتاب عندي و ها احاول اعمل لة سكان لو فضيت

المشكلة مش مشكلة نص طولة سطرين,المشكلة اكبر,المشكلة في انسان مصر انة يحاول يخدعنا و يضربنا علي قفانا بأنتظام

طبعا ها تقولولي ان انت مزود الموضوع ,ها اقول لكم ان دي مش اول مرة يعمل فيها كدة,حكايتي مع احمد ناجي بقالها سنة و نص و اتمني يكون عندكم وقت تسمعوها :
القصة ابتدت ايام منتدي ايجي فيلم
مكنتش وقتها اعرف حد فيكم لانكم مكنتوش اعضاء هناك بأستثناء عمر الدميري و طارق
ناجي وقتها كان بيكتب بأسم اوديسيوس الناجي,بعت لة رسالة خاصة لما وهمني بطريقتة في الكتابة,قعد يقول لي انة صحفي اخبار الادب و اسمة اوديسيوس نوار الناجي,و عمرة 22 سنة,الحقيقة في البداية انا صدقتة ,لكن بعد اسابيع ابتدي يتكشف لانة ببساطة انا بتابع اخبار الادب من فترة لفترة,و اكتشفت انة عائش في الاحلام و انة مجرد طالب صحافة عندة 19سنة,قلت وقتها عادي كلنا كنا كدة,و الولد خامة مبشرة,دة غير انة محدش فينا بيحكي الحقيقة كاملة,و كلنا بنحاول نجمل الواقع.

بعد كدة انضم الينا في منتدي محمد منير القديم,منير دوت نت,و بدأ يصطاد الناس الي معندهاش مخزون ثقافي واسع و يتنطط عليهم بمعلوماتة ,زي ما بيعمل لحد دلوقتي لو حد جديد جة علينا.

كل دة انا كان ممكن اسامحة.

بس الي حصل انة اخترع شخصية وهمية اسمها جابو,و دخل هنا و قعد يستخدمها في انة يخليها تؤيد وجهة نظرة في الكلام,و لما كشفناة عن طريق ال
IP Adress
ما رضيناش نعلنها بصراحة لانة وقتها الناس كانت مشحونة ضدة و عاوزة توقف اشتراكة

دة غير اني متاكد بنسببة 75% ان ناجي هو احد الاعضاء الجدد الي بيخشوا يهبلوا عالمنتدي,تستس و منير فور ايفا و الناس دي
دة غير انة كذا مرة الاقية ناقل حاجات من كتب اخري و يقول انها بأسمة ,بس مكنش متأكد ,حتي في الشعر ,مرة صديق بيفهم في الشعر اقسم لي ان قصيدة"هذا بنطلوني الجينز" قراها في مكان اخر

انا مش بدعو لوقف اشتراك ناجي,بس كنت عاوز اجرسة علشان يبطل الحركات الطفولية دي

تحت السواهي دواهي

هههههههههههههههههههههههههههههههههه
بجد الكلام ده؟؟


عملية تجريس موفقه يا عبده....

اتفضحت يا ناجي

مين فينا دلوقتي اللي مريض بحب الظهور...باعمال مش بتاعته؟


looooooooooooooooooooooool

حلوه حلوه حلوه

بجد...بجد

هي دي بقى فضيحة المطاهر يوم طلوعه لى المعاش

ناجى مش تستس و لا منير فور ايفا
و ان كان الشك بنسبة
75% يحوم حول شخص اخر اعرفهو يعرفه ايهاب و ابراهيم توفيق

dunno


speachless

نمرة واحد,لو انت اعترفت بخطأك ها توفر علي نفسك و علينا نقاش كتير,و مش عيب كلنا بنغلط
نمرة اتنين الي انت عملتة دة ما اسموش اعادة انتاج دة اسمة سرقة صريحة,بالحرف,و مش قضية نص صغير او كبير,لان احنا بنناقش مبدا,و كمان د يمش اول مرة انت كذا نص واخدة من حتت مختلفة,اتذكر منهم دلوقتي راما و التنين بتاعة ادوارد خراط بس بكل اسف مش عندي دلوقتي
نمرة تلاتة:ادم نعمان و اوديسيوس الناجي و جابو كلها شخصيات انت الي اخترعتها,ما تقوليش دول غير احمد ناجي,لانة ببساطة احنا امام حالة من الاتنين يا اما انت مدرك الي بتعملة و تبقي حرامي و بتستعبط يا اما انت مريض نفسي و عندك شيزوفرينيا و ساعتها ها نسامحك بس تعترف انك مريض نفسيا
في حل تالت طبعا,ان انت تثبت لنا ان كل الشخصيات دي مش شخص واحد,و بدون اي تريقة عالعقيدة المسيحية,انت بتحسسني انك الاب و الابن و الروح القدس الة واحد امين!!!!!!!!!
ثالثا:لو احنا في دولة محترمة و اي حد فينا كان عاوز يأذيك الي عملتة دة كان ها يبقي كافي انك تتمنع تدخل نقابة الصحفين لمدة 5 سنين مثلا
رابعا:دور علي احمد ناجي علي مهلك بس يا ريت ما تجبش لينافي المنتدي هنا غير احمد ناجي

خامسا:انت بتقول انك وقفت اوديسيوس الناجي و غيرة من الشخصيات الوهمية,بس خد بالك النص الي استفزني دة محطوط بتاريخ 7 نوفمبر 2004 يعني من اربع ايام بس
سادسا:صدقني محدش ها يخسر غيرك ان انت توقف A.Najeانا م شعام لالتوبيك دة علشان انت تمشي من المنتدي,انا بس بقرص ودنك,و انت كنت عاوز تمشي ها تبقي رغبتك الخاصة,بس اخر فكرة ها تتاخد عنك انك انسان غشاش و نصاب و حرامي ,و انت حر

fire in the haaaaaaaaaallllll

انا عملت امبارح بالليل حوار طويل مكتوب و هايتنشر قريب جدا مع ناجي..لأني عايز ادافع عنه..وصلت في الحوار ده مع ناجي لتحليل حاجات مهمة جدا في البورد


انا دلوقتي هاحاول اعيش دور الصحفي لمدة قصيرة..و خدوا المقتطفات المثيرة دي من الحوار..لحد ما اقدر اكتبه كله من الكراسة للكمبيوتر



كنت اعتبر البورد مسرح عرائس
game



الجميع يلعب نفس اللعبة..بس بنفس النيك نيم



حموكشة و جابو على المسنجر هو كل ما اندم عليه


الناس هنا في البورد مش اللي بيجمعهم نوع موسيقى معين زي ما في ناس بتعتقد..لأ حاجة تانيه اكبر

-----------------------

انا مفيش حاجة مضايقانى خالص في التوبيك دا
غير انى مضطر انى اتكلم في الموضوع دا
لان كل هتكلم فيه هتضبن
و انا معنديش اكرر حالة البضان اللى كنت فيها امبارح خصوصا
ان المرة دى مفيش عوامل مساعدة للتغلب علي ذلك البضان
بس انا لى اعتراف اخير
في شخصية ظهرت مؤخرا
و كتبت يمكن توبيك واحد
اسمها
سونيا عزيز
انا كنت الشخصية دى

...


الا بالحق ليه لم يتم الاعتراض على سونيا عزيز ابدا ودوره التنموى ؟؟؟


------------------------------------------------

لم اقرأ لادوارد الخراط سوى قصة واحده تقريبا كان اسمه حلاوة طحينيه او حاجة زى كدا
و لم اقرأ رامة و التنين
لكنى سبق ان سمعت عن الرواية
و اعجبنى اسم رامه جدا لذلك استخدمته
مثلما اعجب نجيب سرور باسم حسن ونعيمه
بطلا الحدوتة الشعبية فاستخدمه
و مثلما اى كاتب في الدنيا بيطلق على ابطاله اسماء شخصيات هو معجب بالاسم نفسه

على كل هذه تجربة قد مضت ، و كما اتمنى ان تعود ثانية

------------------

النص الاخير بتاع ادوسيوس المنشور بتاريخ 8 نوفمبر
كان الغرض منه انى كنت عايز ارفع موضوع غبار الملائكة علشان لا يتوه في الزحام
معاك ان دى كانت وسيلة خطأ لرفع الموضوع
و انا بعتذر عن دا.

بص يا ناجي,كل الكلام الفترة الي فاتت كان علي اساس اخ كبير بينصح اخوة الصغير,زي مثلا لو الاستاذ شريف او الباشمهندس علي ينصحوني

و كل دة و انا متهاون في حقي الشخصي و بكبر دماغي,بس حيث انك مصر انك تستهبل,و انا اسف معنديش وصف تاني للي بتعملة,فانا مطر احكي للناس ابعاد القصة التانية

الاخ احمد ناجي بياخد التوبيكات الي بتتكتب هنا و يحطها في مواقع تانية بأسمة
و دة حصلالشهر الي فات بس في 3 مواضيع,الاول هو فؤاد حداد و التاني هو الروايات الثلاث للتاريخ و التالت هو في نقد الشخصية المصرية,مكنتش عاوز اتكلم في النقطة دي,انا مش بتفرق معايا,بس مدام هو مصمم بقي فانا بأطالب مشرف المنتدي بوقف اشتراكة بصفة مؤقتة او دائمة في حالة اثبات انة سرق موضوع من مواضيعي و نقلة لموقع اخر

و دة كان في منتدي ايجي فيلم,ب الموقع المهندس ابراهيم توفيق رسالة خاصة باللينكات دي و هو شافها و شافها كمان بعض الاصدقاء

التوبيك الاول اهو-في نقد الشخصية المصرية انا حطة هنا بتاريخ 3 اكتوبر 2004
و ادي وصلتة الاصلية

و هو نقلة بتاريخ 30 اكتوبر بعد 27 يوم
و ادي وصلة للتوبيك المسروق

منقول بالسطرو الكلمة و الحرف و الغلط الاملائي

و الافندي لم يكتفي بانة ينقل بس الموضوع الاصلي ,لا دة كمان نقل ردود الناس زي ممنوخ و حموكشة و غيرهم,و بعدين بعد دخل النهاردة بعد الفطار و عدل في الردود ,ولانة حرامي غشيم ,ما عرفش يعدل في كل الردود فا ظهرت بشكل مرقع و التاريخ موجود تحتها
عدل 1 مرة بواسطة اوديسيوس في تاريخ 9 نوفمبر 2004

التوبيك التاني هو
ثلاثة اوجة للتاريخ و دة كان مكتوب من ايام محمد منير دوت نت يعني من اكتر من 6 اشهر ,و الافندي ناقلة بتاريخ 1 نوفمبر 2004
ثم دخل اليوم 9 نوفمبر 2004 و عدل فية علشان يخفي معالم النقل بس بكل اسف الناس رديت علية وواخدة
quotes
من كلامة الي هو مسروق بالحرف من الموضوع الاصلي الي كنت كاتبة في محمد منير دوت نت من اكترمن 8 اشهر

و ادي اللينك

و مدام هو مصر علي انة يتعامل رسمي,فانا كمان مصر اننا نشيل منطق القهوة و الاصدقاء من حساباتنا و نتعامل زي اي اتنين ما يعرفوش بعض علي سايت للنت و بأطالب مشرف المنتدي انة ياخد الاجراء المناسب ضد العضو
A.Naje

قبل ما انسي دة توبيك الروايات الثلاث للتاريخ

بتاريخ 29 فبراير 2004
قبل 10 اشهر من الاخ ناجي
و ادي الوصلة

انا مستني اقرا رد ناجي

لو الرد اللي جاي زي الردود اللي فاتت يبقي انا مش مستنيه