أنا طول حياتي ضنا
يــا طول حياتــك أم
أنا طالب القرب من وحوي في أياحه
قمـرة على خدهــا زغاريـــد وتفاحـة
قالولي تكبر عليك أنـــا قلت بالراحة
دي أبوهـا سلطان لكين البنت فلاحة
جنس الأفندي
أنا الأديب الأدباتي
لازم أجدد كتاباتي
الفن مش كله نباتي
من عالم الحيوان درسي
القافية تعمل مفعولها
حابدأ بفزورة أقولها
مطرح ما ترسي دقوا لها
دقوا لها مطرح ما ترسّي
بست رجلين مش عشرة
في الدنيا كلها منتشرة
دي تبقى إيه؟ تبقى الحشرة
برافو خد جايزة - ميرسي
أضرب لكم أمثلة؟ إضرب
إشي من العقرب يهرب
تحت الحيطان قلبه مكهرب
والاسم خنفس اسفخسي
فاش الحمام في سرواله
برغوت قميصك متوى له
والسوس في كافة أحواله
في الفول وفي الدرة وفي ضرسي
والمن مش من وسلوى
والعنكبوت الأحمر بلوى
وتربس والقافية تربسي
في القطن ما يخليش بروة
أشرس من العتة في لبسي
ما اقرفش من قمل وعتة
من جنس شئ رجليه ستة
غير أضخم الحشرات حثة
عن الطعام صادد نفسي
والبقة هي الأكلانة
فرحانة شكلها زعلانة
والقمل بابا فلانا
والنمل والنمل الفارسي
ده أضخم الحشرات بنية
أخطرها شأنا في الدنيا
قادر يصدي الألمونيا
جنس الأفندي على الكرسي
خيال النور
الدنيا ساحر ما انتهاش
هي انت يا ابني وما انتهاش
الدنيا حاضر ما مضى
بعترت نفسي في الفضا
على بال ما يرجعلي الصدا
أنا كنت عيل ع المعاش
مفروض ماحدش يفتري
ويبيع كأنه بيشتري
العمر خد بعضه وجري
أنا كنت عيل ع المعاش
وتطب وتطبل لنا
مع كل زقة مقبنة
ضحكوا الحبايب قبلنا
وأنا كنت عيل ع المعاش
وماعندهاش دم وعرق
ولا جوز دموع ع اللي افترق
ضحكوا اللي خشوا في الغرق
وأنا كنت عيل ع المعاش
تكبر وتصغر عمته
على قد لؤمه ولقمته
إوعك تذم في ذمته
أنا كنت عيل ع المعاش
ديك النهار داخ المسا
داخل في ظله مونسه
وعيوني لمبة مدخمسة
أنا كنت عيل ع المعاش
شفت الملايكة بيكتبوا
قاعدين لحد ما قتبوا
قلبي فدى اللي يعتبه
أنا كنت عيل ع المعاش
قلبي فداه يا يتمحي
حلم الحبيب المستحي
يسأل على لو صحي
أنا كنت عيل ع المعاش
بعترت نفسي في الفضا
على بال ما يرجعلي الصدى
رجلين سريري مرضرضة
أنا كنت عيل ع المعاش
والشمس في المغرب تقف
ترخي على خدودها القطف
وتنادي يا ولاد النجف
أنا كنت عيل ع المعاش
والدنيا ساحر ما انتهاش
عطية الشافعي وأسرته ينعون بعد أن واروا عزيزهم فخر الشباب الأستاذ شهدي عطية مقره الأخير ويقولون لمن واساهم فيه: لن نشكركم فالشكر لكم في هذا الموقف نكران لوفائكم، وشهدي ذكراه ملك لكم وأمانة في ضمائركم
الأهرام 20/5/1960
مش عايز الفجر يطلع يا عالم
مش عايزه يطلع يا عالم
أنا أنا البني آدم
بيضربوني في أبويا
وبيضربوني في أمي
مطرح ما باسني أبويا
ومطرح ما باستني أمي
والضرب زي الشتيمة
على حشاك الأليمة
كان ليه تشيليني في حشاك
وترضعيني عشاك؟
كان ليه تندهيلي باسمي؟
بيندهولي بنمرة
مكتوبة فوق البطانية
كان ليه يا امي بنقرا
كان ليه أروح المدارس
وأتعلم الأبجدية ...؟
كان ليه الكتب والفهارس
والامتحان والعيدية
كان ليه يا أمي أمارس
مبدأ من الإنسانية
قولي لأبويا اللي غارس
أكتر من العلم فيّا
عبد اللطيف رشدي* وارث
ابنك في جملة عبيده
عبد اللطيف رشدي سيده
عبد اللطيف رشدي راكب حصان الحكومة
راسم على وشه بومة
عبد اللطيف رشدي: المسئول عن تعذيب المعتقلين السياسيين المصريين في الفترة التي سبقت وفاة شهدي عطية*
روعة
ارجوك كمل يا شاهر
انا محتاج لكده اوى
فى الوقت الحالى
هكمل معاك يا شاهر بس لما افوق شوية
موضوع تحفة بجد
غنوة في اول الشارع
يا دلع فاضي و دلع فاضي
يا اللي بتعدل علي القاضي
يا واد انت يا اللي انا هوه
حته توجع قلبي من جوه
يا غريب الضعف و القوة
يا سلام الخاضر الماضي
يا دلع فاضي و دلع فاضي
يا اللي بتعدل علي القاضى
يا طريقة ضحك مش هيه
يا جحا يا لابس القفطان
زي فستان الدره و الخس
يا اللي خليت القلل تترص
دمي في الارض الشراقي اتمص
يا مهاديني الصبر و الحرقة
كنت غنوة في اخر الطرقة
قاعده بتعيط بصوت واطي
يا دلع فاضي و دلع فاضي
يا اللي بتعدل علي القاضي
كنت ايه باينني ماكنتش
شاكرا باليل لمن اعطي
شاعرا ان انا الاوطي
و امي بتقولي جاتك خبطة
و ابني يلعب خارج الملعب
كلهم بيضادي بيضادي
يا دلع فاضي و دلع فاضي
يا اللي بتعدل علي القاضي
شد حيلك يا ولد هفتان
يا جدع انزل مانش نازل
سيبنا بنزغط و بنربي
ع السطوح و نغني بالزاجل
ياما عشت و مت بالساهل
و ابتسمت وراي و قصادي
يا دلع فاضى و دلع فاضي
يا اللي بتعدل علي القاصي
يا ما بين الشوط و بين الشوط
كنت احس بدنيا بتوجوج
جوه قلبي و شكوي بتشكوك
يا بنات قلبي يا عصفورة
البلابل اسمها العربي
باللاوندي اسمها دون كيشوت
الانجليزي اسمها بكويك
اسمها بالتركي شيخ راضى
اسمها عند العرب بلبال
انخلوني تاني بالغربال
علموني كيف رواق البال
لما يدبحني اللي يدبحني
لما يدبحني و انا مطاطي
يا دلع فاضي يا دلع فاضي
يا اللي بتعدل علي القاضي
.
.
.
ايام العجب و الموت
فلسفة
تبقى لـــي يــا مسعدي يــا فن تبقى لـــي
وربنـــــا يــــمــــد في أيامــــي وحبالــــي
وأكتب كتاب فلسفة في الشاي أبو النعناع
وفي طلعة الفجر والدنيـــا اللي في بالــــي
يا اهل الغرام و الغزل و الليل و ضرب رصاص
و الكهربا و الفشعريرة في لحم الراس
و الريح بتبكي ع الواد اللي كان لغواص
مشهور بشاطر افندي وكان بطل خباص
يا ريح فداكي المواسم كل ما تبكي
سبت الشماتة لغيري و جيت اعاتبكي
من اول البدء ما عليت مراتبكي
قلبي اللي جن اسرع من شهاب الليل
واقف على الضلفة يتخبط و باب الليل
يا سراية الليل و مش قادر اعتبكي
الليل
يليل
على
عيل
مأيل
يريل
دم
الشرط نور
الشاطر لابس يا ولاد
جلابية صياد صياد
وطاقية حداد حداد
الشاطر اللي لابسهم
اتّلمذ في مدارسهم
واتملى من كراريسهم
ولا يوم عن مبدأهم حاد
_____________
هل الطفل في القرن العشرين هو سوسو
وتوتو
ولولو بني بطوط
وتليفزيون الكلام الممطوط
والمغامرات على الشطوط
ويقال له زغنطوط
حين يدلع يا ولدي
أم هو المذكور ميكي
في البستان الميكانيكي
على رصيفين بلا شريك
ولا يعيش في عصر المماليك
ولا يأكل الخس يا ولدي
ولا الفول ولا الطعمية ولكن الفشار
سريع الفشار
أشار
تفرجت عليه تسعة أعشار
سكان هذه الدنيا يا ولدي
أم الطفل يلبس البربتوزه
كالاعلان في الأهرام وروزه
ويقشر التفاحة والموزه
وقلبه أبيض مثل شق اللوزه
ويغسل يديه يا ولدي
أم خلع البربتوزه ولبس البنطلون
وأمسك يلعب بالبالون
ما قولك؟ عندي قولون
ما عملك؟ عندي عمى لون
عظيم الجهل يا ولدي
هل الطفل اذن جهلول
على وزن بهلول
وعظيم الثراء ملول
ويقزقز أم الخلول
مثل اللؤلؤ يا ولدي
أم الطفل أمير وعريس
يحمل الكراريس
ويحب درس الشيخ ادريس
ويعرف ان باريس
عاصمة فرنسا يا ولدي
هل الطفل جميل أم
أناني لا يهتم
ويكون ثقيل الدم
ويقول لنا يا عم
حين نقول له يا ولدي
بل يهتم بكل الخلق
حتى ينصر أهل الحق
بل يهتم بكل شيء
حتى النمله والجزيء
بل يهتم بقول القائل
حرف الألف كتاب هائل
فيه أفكار ومسائل
وحكايات من أوطاني
وعن الشاطر في الميدان
حين يعود الى البستان
لا البستان الميكانيكي
لكن يا مصر أغانيك
الحلوة كشراب الورد
أهتف منتفضا: يا وعدي
مندفعا: هيا يا ولدي
فلننشدها ونغردها
ونقلها دوما ونعدها
ولنجعلها بعد القبلة
نورا للطفل وللطفلة
ان الطفل هو المصريّ
الأنسان الأنسانيّ
والفلاح ابن الفلاح
شق الليل بألف صباح
وبأحلام الأغنيات
تضحك للدنيا كالآتي
تملأ في الحالين حياتي
| QUOTE (shadykov @ Aug 19 2004, 12:18 AM) |
الليل
يليل
على
عيل
مأيل
يريل
دم |
اظن مفيش كلام يوصف
الروعه دى
انا متكيف اوى بصراحه
أنا أفرح في أناملك
وابتسم للي ابتسم لك
كستبان
حكاية
اللي باقوله حصل ولا ما حصلش، والاكان بيحصل بحس واطي ماحدش سامعه، ماليه السما حدّاية مالية السما اللي بتاعة العيون والسما اللي بتاعة الودان حدّاية، اتصور حدّاية مفلطحة مناخيرها بتغني، وكان الشجر تركواز وكل زير في الظلة شيخ النجارين ركّب عليه أربعة أكواز، في العصر وميدان الجيزة اللي حادف على ميدان أم المصريين كرمش من تقل صوت الحدّاية من كتر صوت الحدّاية، وصوت الحمامة ولا إيه العصفور ماكانش باين خالص، ولا حد قادر يفلفص ولا ظلة تتملص من التبعه، وصوت الحدّاية يسرسع واثق بطئ معتد، زي الفلوس بالقطارة والسم بالرسوب، السم بالمنشار
فــــــلاح بلاح زرع نخلة فــــــلاح بلاح
يا عماد الدين جاد المولى فـــــلاح بلاح
بين الوحشين أنا الأحلى فـــــــلاح بلاح
بين الواطيين أنا الأعلى فـــــــلاح بلاح
دنيا الجايين ماهيش سائلة فـــلاح بلاح
بين التانيين أنا الأولى فـــــــــلاح بلاح
كان حلم وفجأة عيون الحدّاية اتفرتكت في الهوا، وهي اتفقعت زي عينيها من الغيظ، والعصفور اتنشق زي اللي فاق من الحلم طبعا لازم أحلف ستميت حلفان تصدقوا ولا ما تصدقوش إنه حلم ولا حقيقة
مش كله واحــــــد
ولا كله زي بعضه
بس أنـــــــــا اللـــي عجّزت وفرحــــت لــــمــــا افتكـــرت
اني حارجع زي زمان طفل صغير أتوه وأسأل عن مطرح
البيت الفيروزي البحري علمته بعصفورة ونخــــلة وحبل
وجلاليب زرق جـــــلاليب زرق
ماشيــــة بطول البحــــــر تزق