حلو جدًا ..
أنا سعيد جدًا و عندي إحساس بالإشباع !!!!
..
أنا شايف نفسي برضه ف دور (رأفت عنايت) في مسلسل المال و البنون .. ف وسط كل الأحداث العاصفة اللي ف المسلسل ده لو حد فاكره ، كان فيه واحد (مش فاكر اسم الممثل ايه) ظهر ف الجزء التاني بس ..
طالع شاب هادئ جدًا و ماشي ف السلك الأكاديمي .. الابن الوحيد لوالده الترزي اللي حارب ف الفالوجا ، و ابن أخي (جلال عنايت) الشاعر الكبير الي قام بدوره (حسين فهمي) ..
بيخطب (فريال فراويلة) لما بيغيب (يوسف الضو) سبع سنين .. و لما يرجع يوسف ، بتسيبه (فريال) ..
بيكمل ف طريقه الهادي للغاية ، و عمه بيخطب له صحفية فلسطينية شغالة تحت إيده ف الجريدة ..
..
أنا شكله كده ..
مانيش / ماهواش بطل أي تيار من تيارات الحياة :
just featuring
بس كويس .. و هادي .. و مستقيم (بنسبة طبعًا) .. و ممكن تبص له على انه (هــِــتــْــيـَـة) ..
..
بس فيه فرق برضه ما بيننا ..
اني ف النهاية أكثر هدوءًا ، فما ينفعش اني اتجوز لا فلسطينية (ده مرفوض كمبدأ أصلا ً) ، ولا صحفية ..
وان أهلي برضه مش أبطال من اياهم بتوع الدم و اغتيال السردارات الإنجليز و كده .. أنا جدي (سالم العُـكش) كان فتوة بلدنا ، و عمي (سعيد) الله يرحمه اللي مات ف حرب الاستنزاف قـُتـِـل خطأ ً بإيد مصري زيه !!
.
عدى النهار

يابن الذين يا غمر ..
دا شبه قوي جدا على فكرة
physically I mean
الممثل ده كان عسل جدا ، بس مش فاكر اسمه ايه

لا فلسطينية (ده مرفوض كمبدأ أصلا ً)

.. انا اسف يا معلم بس ماقدرتش امنع نفسي .. انت توسعي ااستيطاني ضد القضيه ولا ايه ؟؟
..
انا شايف نفسي كيك في دور عماد رشاد في امريكا شيكابيكا .. و كمان شايف نفسي في دور توم هانكس في عيون مغلقه باتساع .. مشهدسيره في المدينه بلاهدى بحثاعن جواب لهواجسه ... حسيت فعلا اني هناك و باعمل كده و جالي دي جا فو غريب و اناباتفلاج ع الفيلم ده و كاني انا اللي هناك في اللقطه دي
..
جوهرة التاج بقى فهي اني بلامنازع اكاد اتوحد مع العبقري اريك كارتمان .. في المسلسل العبقري
South park

..

و كمان ده واحد من مواقفه البطوليه اللانهائيه اللي ادعوكم جميعا لمشاهدتها بتمعن .. و محاولة استسقاء الدروس المستفاده بدقه

http://www.youtube.com/watch?v=4yujDy8v2tQ

اسف اقصد توم كروز
..

حاجه كمان جت على بالي : دورين في فيلم واحد ينفعوا جدا جدا هيثم زي مانا شايفه ... دور ميريل ستريب .. و دور نيكولاس كيج بشقيه وزي ماهو مرسوم بالظبط في الفيلم .. و ان كان الدور الغالب طبعا مش دونالد كوفمان
..
للاسف الشديد و رغم رغبتي الشديده في هذا .. انا مش نسخة لاروش في الحقيقه
..
مع ان كان المفروض اكون كده

رفضي للزواج من فلسطينية يشبه رفضي للزواج من يهودية حتى لو كانت معادية لإسرائيل و تنتمي لحركة حَبَد مثلا ً ..
أنا مش ناقص قضايا أورثها لعيالي لو ربنا أذن بيهم .. كفايا على كل واحد بلاويه .. أتعشم ان مراتي تبقى بلاويها قليلة بعض الشيء.
يعني ممكن ولادي يبقوا أنشط مني تجاه القضية الـ(إسلامية) الـ(عربية) الـ(فلسطينية) بس يبقى ده اختيار منهم .. لكن ماحملهمش بإيدي زيادة .. توريث القضايا شيء بشع

تعجبني يا سالم و الله

الله الله

---


أنا بقى، وبامتياز، عمر الشريف في بداية ونهاية

الحقيقة إني لما قريت الروياة شفتني فيه، قبل ما أشوف الفيلم حتى

الفرق إن ظروفي أحسن ومش مضطر أعمل كدة

تصدق اني ما قريتش لنجيب محفوظ إلا المجموعة القصصية (الشيطان يعظ) ؟!!
و ما قريتش لإحسان عبد القدوس إلا (يا عزيزي كلنا لصوص) ، ودي الرواية الوحيدة اللي شفتها قبل ما اشوف الفيلم بتاعها ، على ما أذكر يعني

أزاي كمان نسيت
Good wil hunting
الشاب عبقري الرياضة,الي قضي طفولة معقدة و صعبة خليتة عنيف و متوحد و براوي,و الي بياخد منحة في أعلي معهد لة علاقة بالرياضيات في العالم
MIT
لما بيقابل الدكتور النفسي الي قرر يعالجة و يرجعة بني أدم تاني

الغريب انة وفقا لكل زملاء الكلية,انا كنت براوي و عصبي و متوحد و اناني (طبعا مش عبقري زي بتاع الفيلم-بس اقدر اقولة بأريحية اني كنت متميز)و أعتقد أنة مشهد روبن ويليمز مع مات ديمون و هما قاعدين عالنهر و بيشرح لة انة ممكن يكون بيعرف يحسب جذر 13 ب10 أرقام بعد الأشارة بس عمرة ما ها يفهم المشاع رالأنسانية أثر فيا جدا,يا ريت يا ياسين تحاول تحطة عالتوبيك بتاع المشاهد

انا كمان باحب المشهد ده ... لاقيته على انت انبوبه اهو

http://www.youtube.com/watch?v=EFof9AD2YlE

فعلا مشهد تقيل اوي اوي

مش عارف ليه بشوف نفسي في هشام سليم في الاراجوز مع ان ظروف الشخصية مش راكبة عليا خالص

انا شايف نفسي في دور محمود حميده في فيلم فارس المدينه
توم هانكس في فيلم Cast away
وخصوص مشهد الكوره لم تضيع منه في العاصفه