نعلن وبكل فخر حصول السيد ايهاب سمير عطيه ( سبعاوى ) على المركز الأول فى الزجل على مستوى جامعه القاهره عن
ليله شتا
وحصول شخصنا المتواضع على المركز الثانى عن
أنا هامشى وخليكى
وبأذن الله تعالى سنشارك سويا فى مسابقه الزجل على مستوى الجمهوريه فى اسبوع شبابا الجامعات
فبراير - المنصوره
نراكم قريبا
مبروك يا سبعاوي
مبروك يا حاتم
و انا هامشيييييييييييي
alf mabrook lekom ya gma3ah
![laugh.gif](http://4.<a href="http://www.forumer.com">forumer</a>.com/html/emoticons/laugh.gif)
الف مبروك يا حاتم متنظرينك انشاء الله في المنصوره في الاسبوع هاتنورونا والله
والف مبروك لسبعاوي
شكرا ياجماعه على مشاعركم الجميله دى
وبصراحه انا مستوايا بيزيد من ساعة ماتعرفت عليكو
من خلال السايت الى مليتوه بابداعاتكو وتجاربكوا حتى خلافاتكو
وشكر خاص منى لحاتم اللى دلنى على سكتكو
ودايما بيشجعنى
والحقيقه انا بحلم اكون فى مستواه الفنى فيوم من الايام
لانه بجد عبقرى
خلاص ياجماعه بقى عشان انا قربت اعييط
ليلة شتا
ليـلة شـتا
والريح بتعزف
سيمفونيه معفرته
والرعد
يضرب ف السحاب
ينزل على الارض الفضا
الواح قزاز
متفتفتـه
والبرد راعب جتتى
جابرها تغطس
ف الغطا
والعتمه
فىكل اتجاه
خانقه الحياه….مليا الدروب
صبغه الوشوش
وسط السكك
ساكنه القلوب
قصر الكلام….كانت هناك
عماله بتصارع ضلام الليل
وداخله معاه حروب
رغم انها
من طول ماكانت
حربها
بدأت من الاحزان تدوب
ضعفت وصبحت
شيخ عجوز
عايش يدوب
لكنها رافضه الغروب
رافضه الضلام يرجع يسود
يملا الخلايق بالذنوب
يهجم عليها تميل يمين
يهجم عليها تميل شمال
وتقوم تقف
وتدب سيفها فصدره
لونه يتخطف
يصرخ جريح
ويلم كامل قوته
ويهجم على نفس الهدف
يضغط قوى
تضعف قصاده وتنطوى
وتبدأ تموت
ترحل شهيده وبشرف
وتسيبلنا قبل الوفاه
ضى الحياه
على كتف شمعه صغيره
لسه شباب
تقدر تواجه ليل طويل
تملاه سنين حزن وعذاب
لكن ضلام الليل خسيس
لما عجز
سبّق وجاب....ريح الشتا
تطلق سهام الغدر ع الشمعه
فتصبح ميته
ف عز الشباب
والليل يسود
ويدوس على كل المبادىء
والحدود
ويحط فايدينا القيود
يسجنا مطرحنا
ويسجن حلمنا
يلغينا اصلا م الوجود
احنا اللى سبنا الشمعه تنزف
تنزف لحد ما تنتهى
ووقفنا نتفرج شهود
متمسمرين
وقبلنا نفضل مخنوقين
نفضل سراب وسط السنين
عايشين ولكن.........ميتين
هنروح لفين
هنموت كدا من غير شهود
ولّا هيجى الفجر واحنا
موجودين
يهزم ضلام الليل
ويكسر اسرنا
يمحى اثاره م السنين
يفضل وراه وسط الحارات
جوه الشقوق والفاترينات
فوق السطوح
تحت الكراسى
ف الصحارى والغابات
لما المدى يصبح نهار
م النيل هنا.....لحد الفرات
واكتر كمان
لحد روسيا واليابان
امريكا....... غانا
شرق اسيا واليونان
واكتر كمان
واكتر كمان
واكتر كمان
بس امتى هيئون الأوان
ليل الشتا
طول وزود ف الجنان
عمال يرزّع ف البيبان
عمال يكسّر ف الحيطان
عمال يقلّع ف الشجر
خانق كمان...ضى القمر
عمال بيسرق ف الزمان
يسرق سنين
يسرق قرون
ويطول ويمحى م الجفون
معنى الامان
والكل هان
والكل اصبح...فعل كان
مستنى يجى الفجر لكن
امتى هيئون الأوان
امتى هيئون الأوان
امتى هيئون الأوان......
ليلة شتا
ايهاب سمير
![smile.gif](http://4.<a href="http://www.forumer.com">forumer</a>.com/html/emoticons/smile.gif)
![mounirian/thumbsup.gif](http://4.<a href="http://www.forumer.com">forumer</a>.com/html/emoticons/mounirian/thumbsup.gif)
![mounirian/signgoodluck.gif](http://4.<a href="http://www.forumer.com">forumer</a>.com/html/emoticons/mounirian/signgoodluck.gif)
![mounirian/sorry.gif](http://4.<a href="http://www.forumer.com">forumer</a>.com/html/emoticons/mounirian/sorry.gif)
![wink.gif](http://4.<a href="http://www.forumer.com">forumer</a>.com/html/emoticons/wink.gif)
![mounirian/clapping.gif](http://4.<a href="http://www.forumer.com">forumer</a>.com/html/emoticons/mounirian/clapping.gif)
![biggrin.gif](http://4.<a href="http://www.forumer.com">forumer</a>.com/html/emoticons/biggrin.gif)