الكآبة

مش مجرد كرهك العالم و رفضه
أو طريق يعميك ف طوله
يخنقك ف السكة عرضه
ف انهزامك للظروف
أو ف عمق اللحظة بين ضرب الكفوف
بعد رابع
هيه برضه
لما تخبط ف المراية
ما تلاقيش معنى لوجودك
لما تنسى إيه حدودك
لما تنزل م السما ما تلاقي أرضك
لما يدبل لون عيونك
لما يتكلم عليها شخص زيَّك
ما تلاقيش معنى لكلامه

أنا ماراضتش أقفل الموضوع على المستقبل بس لأن كل واحد فيه اللي مكفيه ف الوقت الحالي دا غير المستقبل
للعلم ممكن تفتح أي موضوع
و م الآخر حسيت إن التوبكس محتاجة مساحة فضفضة و الكآبة نقطة مهمة عميقة جدا ما يفهمهاش غير اللي عاشها و ما يعيشهاش إلا اللي فيه حاجات حلوة كتير أو يكونة شخص صافي لدرجة إن الهموم الفارغة بتاعة الدنيا تعكره
أو مجرد شخص عادي شال هموم بعمره

انا مكتئب عشان خايف من بكره
..
بس كده

اللـــــه ..
ايه الجمال ده ؟
انا ماقريتش حاجة بالجمال ده ف نفس السكة دي من ساعة الـlyrics بتاعة أغنية Alanis Morrisette اللي اسمها Sarcasm اللي كان منزلها ابراهيم توفيق