مساء الخير ..
في ضيف عزيز انضم لنا مؤخرا امسه مصطفي .. هو طبعا لسه لم يشارك معانا لكن انشاء الله هيظهر قريبا
المهم .. مصطفي في سنة أولى في (( الأكادمية الدولية لعلوم الاعلام -IAMS)) مصطفي قضى معظم حياته في السعودية و بقاله في مصر بتاع سنة تقريبا .. المهم جزء من دراسة مصطفي بيتعلق بالافلام التسجيلية هو إلى حد ما ملم بخلفيات الاخراج و الانتاج لكن في دماغة فكرة لذيذة لفيلم تسجيلى و طالب مساعدتنا
مصطفي عايز يعمل فيلم عن انسان او شاب عادى جدا و ازاى الشخص دا بيتعامل مع أغانى منير و علاقة حياته بمنير
للأسف في مشكلتين :
1- مصطفي مش سميع منير الى حد ما (( من جيل -على صوتك بالغنى , و قلبي مساكن أهلية ))
2-مصطفي بسيط جدا و لسه في مراحل تكوينة الثقافي و الموسيقى المبكرة .. زينا يعنى
...
هو طالب أنه يسمع مننا عن منير و عن علاقة كل شخص بمنير
أنا عارف طبعا أن الموضوع محتاج كلام كتير .. و أن في ناس مشغولة و في ناس مكسلة و في ناس مبضونة و في ناس و لاد كلب فيكم و في ناس و لاد ناس ..
لذلك المطلوب من كل الناس دلوقت انهم يجوا على نفسهم شوية و يحكوا عن بدايتهم ازاى سمعوا منير ، و علاقة اغانى منير بيهم و ايه اللى بتمثله لهم

و ف انتظار تعقيب مصطفي علشان يكلمنى بنفسه اكتر.

يا عم مصطفي,تنور يا سيدي,بس معلش يعني,لما تعوز حاجة ممكن تطلبها بنفسك بدون خجل,تمام كدة؟؟

حاضر

و يا ريت لما ترد علي حاجة ترد بنفسك, تمام كدة؟؟

السلام عليكم
أهلاً يا جماعه...
أولاً أنا متأسف على التأخير ال حصل مني
بس متهيئلي ان في حاجه اسمها ظروف جت غصبن عني واخرها النت كان واقع عندي فى البيت...وأهي ديه فرصه هنا فى الجامعه أني أكتب
ثانياً أنا بشكر احمد على فتح الموضوع..وفعلا وكل كلمه قالها صح...

بس قبل معلق على كلامي..عاوز أعلق على كلامه..

فعلا كلام احمد هنا صح..ونا فعلام حتاج مساعدتكو في الحكايه ديه..
بصو يا جماعه انا اعرف ناس بتحب منير اوي زيكو كده
ودايما يقعدو يغنولي اغانيه ويكلموني عن منيرو مدى تأثير أغانيه عليه من ناحيه شخصيه او اي حاجه عاامًاً
وبسمع عنه حاجات كتيره اوي بصراحه الشخص الوحيد ال في حياتي...او المغني بمعنى أصح اني سمعت كلام عنه بلإجماع ان اغانيه عظيمه...وكويسه جداً
بس للأسف الحظ مش محالفني اني سمعتله حاجه كامله
ونتيجة تأثري بيه وبلناس ديه..
فكرت اني اعمل فيلم زي اما ناجي قالي جمله بسيطه

وده فعلا نقطة الفيلم ال عاوز اعمله
انا عاوزكو تساعدوني فإني أعمل فكره...في شخص شاب عايش حياته عادي وفي خلال ايامه او حياته عاماً...بيحصله مواقف...عايز اجيب مواقفه وحياته عامله ازاي مع اغاني منير....ومدى تأثيرها بلشاب ده...

وكمان انا عاوز اعرف اكتر من هنا من أعضاء المنتدى...عاوز اعرف مدى تأثير اغاني منيير عليكو
وزي اما ناجي قال بلظبط..

ودلؤت قبل مقوم للمحاضره بتاعتي....علشان وقتي قصير..لأن الوقت لو كان اطول كنت قدرت ااقول اكتر من كده ويا ريت يتكون النت فى البيت اتصلح..
انا عاوز زي مكتبت فوق..اني كل واحد يحكي على نفسه وموقفه مع منير واغانيه...
والفيلم ال عاوز اعمله زي مقولت ليكو اني اعمل حياة شاب بسيط...وابين مدى علاقته بأغاني منير وتأثيره على حياته..
منتظرردودكو وأعتذر عن تأخيري مره تانيه
شكراً جدا ونا سعيد اني موجود معاكو واتمنىان المشروع ده بجد ينجح...

اهلا بيك الاول

انا شايف ان الكلام ده يتحقق علي حمو احسن

عشان ما اعتقدش انك عايز شوية كلام مكتوب

يعني اعتقد انك عايز تسمع نبرة صوت
تشوف ملامح وش
بصة عين

كدة يعني

و لو عندك وقت تبقي جلسات منفردة كمان عشان كل واحد ياخد راحته و هو بيحكيلك

شوف بقي تحب تعمل ايه و انا مبدئيا دايس معاك

بالتوفيق

انا موافق بشدة علي اقتراح الدومورو

يص يا عمنا
انا هاحط نفسي معاك في ورشة عمل جديدة على النت هنا و هانستخدم التوبيك ده على طول في حديثنا عن اي افلام تسجيلية بعد كده
تمام

بما اني بقيت في ةرشة العمل سيبني اسأل و اتكلم براحتي

ليه هانعمل الفيلم عن اغاني منير..ليه مش على الحجار؟

بجد انا مش جاي اقول اي كلام تكسير مقاديف انا بحاول ابلور الفيلم في مخك و مخي سوا



شكرا