توسيع الكشك

مفيش اى مشاكل يا ابراهيم
انا اصلا نفسي اعمل ده من زمان مع حاجات كتير اوى مش بس عن الكتابة
كمان كنت عايز اعمل مواضيع عن السينما و ناس السينما

بس زى ماقال ايهاب
عايز مجهود و وقت

يا ريت اللى عنده معلومه كده ولا كده في ما يفيد الكشك يقولها
و باذن الله نعمل حاجه

على أساس مجمل اعماله الأدبية

QUOTE (A.Naje @ Apr 12 2005, 06:05 PM)

على أساس مجمل اعماله الأدبية

في ناس أخدوا نوبل عن أعمال أدبية معينة؟

لما الاكاديمة .. بتختار شخص معين لجائزة نوبل بيكون في حاجة تقريبا اسمها خطاب التنصيب
يعنى ورقه بيقولوا ليه اختاروا الشخص دا
و في الورقه دى بيعددوا انجازات الشخص دا و أعماله المهم من وجهة نظرهم
و بالتالى الناس بتقول ان الشخص فاز بنوبل علشان الاعمال دى ... لكن الواقع انه بتكون فقط على سبيل المثل
في اديب واحد كان من يوغسلافيا فاز بنوبل في الستينات عن رواية ضخمة من ثلاث اجزاء اسمها الجسر
و كان اسمه (( اميرجوسفتيش )) على ما اذكر ... واحد هيقول لى اشمعنى دا
هقولك علشان هو مكتش غير الرواية دى؟
----------------
حاجة تانيه
مش نظرية مؤامرة ابدا لكن جائزة نوبل مش نزيهة ابدا و احيانا بتخش فيها وسطات و سياسيه
و في اسماء كبيرة مهمة جدا لم تاخذ نوبل...و في اسماء هايفه اخذت نوبل
و محدشينسى ان ناس زى (( كافكا - بورخيس - كورتاثر -جورج امادو )) لم يأخذوا نوبل

لو في ولد صغير عنده سنتين
يعنى لسه مفيش عنده أسنان ... تفتكر ممكن يكسر (( فستقه )) و يأكلها
الفستق طبعا حاجة حلوة ... لكن الولد الصغير في السن دا هيشوف الفستق حاجة مكلكعها و صعبه و ممكن يفضل كوب الزبادى عنه
الزبادى برضه حلوه .. و الفستق حلو
لكن ازاى ممكن تستمع بطعم الاثنين
خلينا فاكرين المثل دا شويه
----------------------------

QUOTE

دايما كان في سؤال محيرنى ... امتى ممكن الواحد يقول أنه شاف لوحه أو قرأ كتاب أو سمع اغنيه ؟؟
يعنى ايه الوقت الذى يلزم شخص ما ليقف أمام لوحه ما علشان يبقى شافها ؟؟؟
هل لو واحد قرأ كتاب ما مرة واحده ممكن يقول انه قرأ الكتاب دا و فهمه كويس ؟؟
هل لو سمعت الاغنيه مرة واحده ممكن تقول انك سمعتها و حستها كويس ؟؟

دا موضوع تانى بعيد عنا ، هنرجع له بعدين

-----------------------------

سؤال ابراهيم توفيق لا يتعلق بالكتابة بقدر ما يتعلق بعملية القراءة التى اراها مسألة احيانا اهم و اصعب من الكتابة ، لان الكاتب اللى ممكن تشوفه مكلكع ممكن يكون لشخص تانى سهل جدا ، انا و من خلال تجربتى المتواضعة مع القراءة و صلت لمجموعة من الافكار التى اراها تتحكم الى حد كبير في عملية القراءة

- أدوات القارئ اللغوية ... يعنى القارئ اللى بيقرأ ايه حصيلة من المفردات اللغوية اللى تساعده في فهم النص ، يعنى لو شخص معين لم يسبق له قراءة التراث و التعرف على مفردات و أساليب اللغة الكلاسيكيه ممكن لما يقرأ كتاب ألف لية يلاقي انه كتاب صعب جدا دا لأن هتقف امامه الكثير من المفردات ، نفس المسألة لو قرأت مثلاً كتب لينين او سارتر هتلاقي مفردات صعبة جدا و محتاجه وقت علشان تفهمها.

- التجربة الشخصية للقارئ ، و دى بيندرج تحتها القارئ دا عمره اد ايه ، و تجربته في الحياة .... زمان لما قرأت لأول مرة (( أنا كارينا )) اتخنقت جدا و مقدرتش استحمل و لا افهم كم الرومانسيه و الشاعرية اللى موجوده في الروايه ، انا كنت تقريبا في اعدادى ، و تصورى و فهم للعاطفه و الحب في الوقت دا كان سطحى جدا

-ثقافة القارئ ، مستواه تعليمه و ثقافته ، يعنى مش ممكن واحد بيقرأ ميكى هيقدر يقرأ رواية الطاعون لالبير كامى ، لازم المسألة تكون فيها قدر من التدرج ، افتكر مثلا و انا في اولى ثانوى وقع في ايدى رواية (( الاخوة كرامزوف - اتمنى تكون تهجئة الاسم صحيحة - )) لدستوفيسكى .. طبعا انا تهبلت في وقته لان كنت عارف ان الراجل دا جامد جدا و قلت لازم اقرأه لكن قعدت حوالى شهر مقدرتش اقرأ غير 50 صفحة فرميت الرواية ، بعدين و انا في اجازة نص السنة في اولى جامعة كنت عندى واحد صاحبي و لقيت (( الجريمة و العقاب )) لنفس الكاتب ، قعدت قلب في الرواية و اتسحلت جواه و نسيت صاحبي ، خدتها منه و خلصت الرواية (( 900 صفحة )) في اقل من اسبوعين و كنت مستمتع جدا و منبهر و قعدت اضرب نفسى بالجزمة ازاى انا فوت الراجل دا ،
الفرق بين اولى ثانوى و اولى جامعة كان طبعا في كمية المعارف و الثقافات اللى اكتسبتها و اختلطت بيها

- الحالة المزاجية للقارئ ، لو قرأت كافكا أايام الامتحانات .. هتلعن اليوم اللى اتولدت فيها mounirian/lamo.psd.gif

، لازم يكون عندك استعداد للقراءة و احترام له ، في اعمال بيسموها كتب بلاج .. يعنى كتب عميقة و كويسه و في نفس الوقت سهله (( غرام - لمرجريت دورس )) مثلا ،و في اعمال بتحتاج لشويه جهد (( ثلاثيه محفوظ مثلا ))

-المواقف المسبقة ، نفضر ان في واحد صاحبك قرأ كتاب او كاتب و قال لك انه وحش ... انت ساعتها بتكون صورة مسبقة عن الكاتب دا ، و دى بيخلى حكمك عن الكتاب غير موضوعى و لا حيادى .. انا شويه هنا ميال لفكرة جاك دريدا عن النص ، و انك لازم في حالة القراءة تفصل النص عن كاتبه ، و تستقبل النص بدون احكام مسبقة (( انا احيانا بتعجبنى لوحات لفاروق حسنى !!))

---
معلهش يا هيما طولت عليك و انا عارف انك مش بتحب الكلام الكتير
بس انت اللى سألت

في مدارس نقدية لتقيم الاعمال الفنية
لكن مفيش مدارس في الكتابة او خطوات معينه لكيقية كتابة رواية
دا على حسب رأى الخاص

بص ياعم هيما
----
مفيش مدارس بتعلم طرق معين للكتابة بمعنى
أنك في الرسم مثلا .. في مدرسة بتتعلم فيها الرسم بالزيت و مدرسة للرسم بالمياه ، يعنى بتتعلم اساسيات مهاريه في الرسم ، عن الالوان و الخامات و بعض المهارات اليدوية و بعد كدا بتنطلق
في الكتابة مفيش الموضوع دا
لكن بيجى بعد كدا مجموعة من الكائنات الحية اسمهم النقاد (( و يبدأوا يدرسوا الأعمال الفنية و يصنفوها و يحللوها في مدارس و اتجاهات فنية متعددة ))
و دا معنى ان في مدارس نقدية
------
نيجى بقي لأصناف المدارس و الاتجاهات دى فهى متعددة جدا و من الصعب احصائها ،

دى طبعا حسب معلومات و حسب رأى خاص
-----------------
اسأل أنا شوية
في البعض بيقول أن الرواية العربية هى فن مستنسخ
و ان الروائيين العرب بيقلدوا الأجانب
انت ايه رأيك ؟؟ ((( السؤال للجميع ))

--------------
السؤال التانى
تفتكر إلى اى حد ممكن تكون الترجمة لرواية تحديداً ترجمه صادقة ؟؟؟