انا والسينما

فى افلام كتير ممكن تجبر الواحد انه يشوفها

زى باب الحديد مثلاو هيستريا شفيقة و متولى زي ما قولتوا

بس انا عاوزة اتكلم عن فيلم اليوم السادس

اخراج: يوسف شاهين
بطولة:داليدا و محسن محى الدين و شويكار و صلاح السعدنى و سناء يونس
يوسف شاهين و محمد منير

فكرة الفيلم بتدور حول مرض الكوليرا
بنشوف صلاح السعدنى الى بيبلغ عن المرضى بالكوليرا مقابل سبع جبيهات
المرضى دول بيتجمعوا فى مكان بعيد بتعالجوا يا اما يوتوا او يرجعوا فى اليوم السادس
صديقة الفلاحة البسيطة الى غاوية سيما و بتكره الناس الى بيلموا المرضى بيها و يزداد كرهها لهم لما بيخدوا مدرس حفيدها لما حفيدها بيمرض بالكوليرا بتاخدوا و بتسافر و تحاول تعالجه لحد ما يخف فى اليوم السادس
عوكل او محسن محى الدين كوميديان و اراجوز و غاوى سيما برضه نفسه يمثل و بيحب صديقة و بيسافر معاها على نفس المركب الى رايح اسكندرية و رغم انه بيهرب ديما من الكولايرا الا انه بيساعد صديقة لما جه البوليس يفتش المركب ساعدها انها تدارى على حفيدها و قال انها مراته و ان ده ابنه و لاكنه بيموت فى الاخر بالكوليرا
اغنية الطوفان من اروع اغانى محمد منير
اغنية المطرة بيغنيها محسن محى الدين للاطفال الى بيحبوه جدا
الفيلم حلو و قصته جميله فعلا

و مين قال ان دا فيلم عربي أصلاً ؟!

كلام سندريلا كلام جميل جدا ، بسيط و مختصر ، الفيلم نفسه تحفة جداً أنا شخصيا بحبه بشكل خاص ، أولاً الفيلم رامى على جو سريالى غريب ، أكتر حاجة بتبهرنى فيه استعراضات و رقصات محسن محى الدين ، و يمكن الاستعراضات اللى عملها محسن محى الدين في الفيلم دا هى أكتر حاجة خلتنى أحبة كممثل و راقص

الحاجة التانيه طبعا ، هى ألاعيب الرغبة المتبادلة بين محسن محى الدين و الجده داليدا
اللى عملت دور خرجت فيه عن كل أشكالها النمطية من قبل كدا ، بحب جدا المشهد اللى بيكتشف فيه أن شعرها أصفر ؟!