كل 27 سنة و انت طيب يا مولانا السلطان..و عقبال مليون سنة

happy birthday tamer

كل سنة و انت طيب

تامر باشا
كل سنة وانت طيب

اتمنى لك عاما سعيدا جدا..او على الاقل معتدلا بدون جداا
و اتمنى ان يكون هذا العمر الماضي بلا توقف لصالحك يا ابا تامر

و اظنه كذلك
و الحمد لله
و السلام عليكم و حمة الله و بركاته

....

هاف ديفيندر هبلستان الي شايل نص الملعب و محدش حاسس بية
مولانا السلطان
ادام الله عزك علينا و تجمعنا في الافراح دايما


و السنة الجاية نبقي هناك سوا

كل سنه وعينيك بتلمع يا سبارتاكوس مازنجر

الاخوه المواطنين
كل عام وانتم بخير
انا ملاحظ ان من يوم مافتحنا الغرزه والموضوع بتاع عيد الميلاد بيمشي بنفس الوتيره
كل سنه وانت طيب
وانت طيب
H B D 2 U
شكرا
وتقديرا منا للعام الجديد فقد قررنا تطوير الموضوع
وعمل تقرير سنوي لما حدث في العام الفائت
لعل وعسي ان حد ممكن يستفيد من اخطاء غيره
والله الموفق
انتظرونااااا علي هبل تي في

في الانتظار

اعزائي المستمعين
يسعدني ان اكدم لكم حلكات برنامجكم المفضل الي بقاله كتير غايب لاسباب انتاجيه

المهم
وصلت انا مطار الملك(...) يوم 17 ابريل 2006 بس المره دي لاقيت حد في المطار
شلتي الاربعينيه الي قلتلكو عليها( اربعينيه يعني كل واحد فيهم عدي الاربعين)
كانو كلهم كده بربطه المعلم مستنين العبد لله
تاني يوم عدي علي الواد الصيني عشان يسلمني الشغل لانه كان رايح اجازه بعدها بيومين
مضيت علي ورق بحوالي 3 مليون جنيه من غير ماشوف اي حاجه بعيني وهو برضه اول مارجع مضي من غير ماشوف حاجه

من ساعه مانزلت الشغل لحد بعدها باربع شهور والدنيا هي هي
شغل نوم شغل ويتخللها بعض النشاطات

محصلش فيها حاجه مهمه يعني

لحد مااتخنقت من الرياض والي منها
وعملت مشكله مع المدير ادت الي نقلي الي المدينه المنوره
حلم اي واحد زي حلاتي
سلفي جهادي يقر بولايه الفقيه

والي القاء في الحلقه القادمه ان شا الله
والسلام عليكم ورحمه الله

اسفة على التأخير يا باشا بس انت عارف السحلة بقى و الامتحانات و لكن ده ما يمنعش اننا ندخل نمسى و نقولك كل سنه و انت بخير و عقبال متين سنة هنا ان شاء الله

اسفة على التأخير يا باشا بس انت عارف السحلة بقى و الامتحانات و لكن ده ما يمنعش اننا ندخل نمسى و نقولك كل سنه و انت بخير و عقبال متين سنة هنا ان شاء الله

ولا يهمك
المهم احنا كنا فييين
ايوا مشيت انا من الرياض يوم 18/8 تقريبا ووصلت مطار المدينه فجر تاني يوم
المدينه دي بقي حاجه تانيه خالص
الاساس فيها هو الحرم وكل حاجه تانيه من حواليه
فرق شاااسع بين الرياض بمكعباتها الاسمنت وناسها الغريب المشغوله دايما بالبزنسه وبين المدينه وناسها الي اول مره اشوف فيهم سعودي متواضع
الي تحسه ماتعرفش توصفه بس كنت زي الي جاي وجوايا كميه توتر غريبه راحت فجأه هنا
كنت عصبي جدا وفجأه بقيت في منتهي الهدوء
فجأه
تدخل الحرم تحس انك مش عايز تخرج ولما تخرج تحس انك عايز تدخل تاني
احلي حاجه حصلت ان الشغل طلع جنب الجامعه الاسلاميه
جنسيات بقي من حيث لا تدري
ومن كل القارات
عرفت ناس من كينيا ومالي والكاميرون والسنغال والبرازيل وفنزويلا وجنوب اقريقيا وامريكا وانجلترا وفرنسا وافريقيا الوسطي وكمبوديا وتايلاند والصين ......والمغرب والجزاير وتونس
وكلهم بقوا اصحابي لان المعرض عندنا بقي المكان الوحيد الي بيخرجو عليه
الحياه هنا حلوه ودماغ بس تحس ان البلد لايقه اكتر علي الناس الي فوق الخمسين
بلد هاديه جدا شجر وزرع في كل مكان حتي البروزات الصخريه الي مش عارفين يشيلوها حطو خزانات مايه فوقها وبقيت شلالات
انا لو استقريت هنا هايجي علي يوم وهازهق من الهدوء
المصريين الي هنا كلهم نفس النمط
والباقي بقي حجاج وزوار اغلبهم من ايران وتركيا والي بيبقوا مصرين انهم يكلموني تركي ولا فارسي ويستغربو جدا ان ماعرفش لغتهم (احا)
نكمل بعدين